وحش الداخلية ج4 والاخير
روني محمد
(اللهم صل وسلم وبارك علي سيدنا محمد وعلى اله وصحبه وسلم!)
بعد ما رنا جت بالملف والصور الي بتثبت كل الي متورطين فالعملية....
أدهم قام وقف وقرب من الكرسي الي حاتم كان قاعد عليه ومسكه من ياقة قميصه وقال
-: كنت حاسس انك وراك ملعوب وفي حاجة مخبيها ، بس متخيلتش انك تكون بالقذارة دي ابدا ...
راح لافف وشه لرنا الي كانت مبسوطة وفي منتهى السعادة وراح ضحك و رامي كل الصور دي في وشها وقال
-: لما تحبي تلعبي متلعبيش مع الوحش ، الصور دي مش حقيقية ومتفبركة ، انا عارف حاتم ايه ، انتي كنتي جاية وقصدة انك توقعي بنا... مش كده!!
رنا اتفاجأت برد فعله لما حدف الصور في وشها ساعتها بصتله بغيظ وقالت
-: انا... انا معرفش دي حقيقية ولا لأ انا لقيت الصور دي على مكتبي الصبح..
حاتم : نشفت دمي الله ينشف دمك ، ده أنا كنت قربت أصدق اني فعلا متهم...
ادهم بص لرنا : يا حضرة الملازم خدي شوية الورق والصور الي انتي شوفي جيباهم منين وروحي على مكتبك ، ومتحاوليش تتفزلكي عشان متعكيش الدنيا...
رنا اخدت الملف ولمت الصور وهي متغاظة وطلعت وقفلت الباب وراها ، أدهم بعد ما هي طلعت قال لحاتم
-: أنا شكيت في حاجة كده بخصوص الشحنة دي وشكي شكله هيبقى في محله....
حاتم : طب ما تقولي وتنورني بدال مانا مش فاهم حاجة كده..
أدهم : متستعجلش على رزقك كل حاجه هتبان في وقتها...
حاتم : طب والصور..... الصور دي هتكون جت منين
أدهم : هو أنت يا بني ظابط شرطة ولا ظابط ايه بالظبط فين دماغك متشغلها شوية بدال ما أنت مديها أجازة ...
حاتم : أخلص هو انت لازم تحسسني انك الوحيد الي بيفهم والباقي مبيفهمش...
أدهم وطى فالأرض وخد صورة من الي رنا نسيتهم وقعد جنب حاتم عالكنبة وقال
-: بص كده في الصورة دي ، الصور معظمها متاخدة من الوش لا وفيها تفاصيل كتير وموضحة كمان ايه البضاعة الي بتتنقل لأن الصنايق مكشوفة ، وبعدين أنت واقف اهوه بتبص للكاميرا وبتضحك زي ما يكون بتقولهم يلا نتصور.....
حاتم رد عليه وقال
-: صح ما هو ده أكبر دليل على ان الصور متفبركة... ومش طبيعية.. بس الي هيجنني هما بالصور دي استفادوا ايه ؟ .... وبعدين الصور ازاي تدخل الجهاز وليه مجتش على مكتبك ولا مكتبي اشمعنا رنا.
أدهم : ما هو ده الغباء بعينه ، الصور ده اتعملت عشان توقع بيني وبينك دي الغرض الاساسي منها ، لأني لما هشوف الصور هتعصب أروح ضربك مثلا تروح انت هدافع عن نفسك الثقة فينا هتتهز وحتى لما تثبت بعد كده ان الصور متفبركة هنكون خلاص خسرنا بعض...
