-: هي دي البت الي قولتي عليها..
-: هي.. هي يا باشا وزي ما انت عاوز بالظبط ولا ليها اهل ولا حد يسأل عليها..
لف الراجل حواليا وقال
-: وياترا فهمتيها وعرفتيها هتعمل ايه بالظبط...
-: هفهمها يا باشا هي ذكية ومش هتتعبك متقلقش...
رد الراجل بغضب وقال
-: ازاي تجبيها لغاية هنا من غير ما تعرفيها هتعمل ايه ؟
- : كلو بالهداوة يا باشا واحدة واحدة..
شيماء : بصوا بقى طلعوني انا من الالغاز الي انتم بتتكلموا فيها دي وحد منكم يقولي افهم ايه واعرف ايه تكونيش يا عمتي ناوية تجوزيني الراجل الخنشور الي اد جدي ده... لا كلو الا كده يفتح الله...
عمتي قالت بصوت واطي : اخرصي ومتعكيش الدنيا هو اصلا في حد هيرضى يبص في وشك .. روحي اتنيلي واتوكسي على وكستك..
رد الراجل بغضب وقال
-: اسكتي انتي وهيا... ياريت يا ست شوقية تعرفيها هي جيه تعمل ايه بالظبط عشان لو موافقتش ألحق اشوف غيرها... انا مش ناقص عطلة...
عمتي قالت : لا يا باشا هتوافق طبعا هي كانت تطول انت بس اطلع استريح وانا هفطنها على الي فيها عقبال ما الهانم تيجي...
-: هسيبكم نص ساعة تتكلموا بعد كده يجيلي الرد جوه في المكتب....
مشى الراجل العجوز ودخل اوضة تانية وعمتي وقفت وقالتلي
-: بت يا شيماء اسمعيني لو وافقتي عالكلام الي هقولهولك ده هتتفتحلك طاقة القدر..
شيماء : ايه هو بقى الكلام الي عوزاني اوافق عليه يا عمتي ؟
لقيت عمتي ردت عليه وقالت
-: بصي يا شيماء انتي مش هتشتغلي شغالة زي ما كنتي فاكرة..
بصتلها باستغراب وقولتلها
-: امال هشتغل ايه يا عمتي ؟وانا جيه هنا اعمل ايه ؟
ردت عمتي وقالت
-: البيه الي كان هنا ومشى ده طلب مني خدمة انسانية..
غزل: خدمة!! ده من أمتى ده يا عمتي هو من امتى الحداية بتحدف كتاكيت... هو انتي عمرك عملتي حسنه في حياتك ال خدمة قال!!
عمتي قربت مني ومسكتني من وداني جامد وقالت
-: لسانك الي متبري منك ده تحطيه في بوقك وتقفليه بدال ما اقطعهولك..
-: حح حاضر سيبي ودني بقى هتطلع في ايدك..
عمتي سابتني وقالت
-: اسكتي بقى واسمعيني للأخر.. الراجل الكبارة الي كان هنا ده عنده ابن يا حبة عيني تعبان يعني لا مؤاخذة عقله رايح منه..
-: لا حول ولا قوة إلا بالله ربنا يشفيه بس انا بردو هعمل ايه ؟
-: هتتجوزيه!!
-: نعم يا عمتي عوزاني اتجوز واحد اد جدي لا انسي يا عمتي مش انا ال ااه ااه
قاطعتني عمتي وقالت
-: اسكتي شوية مش هتتنيلي تتجوزي الراجل الكبير هتتجوزي ابنه..
