اسكريبتات بقلمي روني محمد (مكتملة )

حياة ومراد 1

"حكاية حياة ومراد "
      بقلمي روني محمد
( يارب لك الحمد كما ينبغي لجلال وجهك وعظيم سلطانك)

حكاية النهاردة مختلفة عن اي حكاية ، حكاية حياة الي بتجبرها الظروف انها تتجوز واحد عشان تربي بنت أخوه ، وفي نفس الوقت تحميها من اخوات امها الي طمعانين فيها ، بس القدر مصمم انه يقف في طريقها لما تقابل  حبيبها القديم...

-: اسمك ايه؟

-: حياة...  اسمي حياة

-: أنتي عارفة يا حياة انتي جاية هنا ليه ؟

-: ايوه...... الهانم الكبيرة قالتلي على كل حاجه..

-: طب وانتي موافقة؟

حياة كانت ساكتة مقدرتش ترد ، فكرت كتير ولسه مترددة خايفة من الي جاي هل فعلا التجربة دي هتخلصها من الفقر وتوفر ليها فلوس كويسة ولا هتبيع نفسها ببلاش وتخسر كل حاجه
حياة : ......
مراد : ردي يا حياة موافقة ولا لأ ؟

طأطأت حياة رأسها بحزن وقالت

حياة: موافقه يا بيه!!

مراد : طب وأهلك ؟

حياة : معنديش غير أمي..

مراد : تمام وهي عارفة بالموضوع..

قالت بسرعة
حياة : لأ..  لأ يا بيه...  امي كانت تعرف اني بشتغل عندكم بس...

مراد : بس انتي هتغيبي لشهور وممكن سنين متشفهاش..

حياة : بس الهانم الكبيره قالتلي ان الموضوع مش هيكون أكتر من سنة...

مراد : لأ  يا حياة عشان أكون واضح معاكي انا مش عارف والدتها هتخف امتى وهتفوق امتى من الغيبوبه... كل ده في علم الغيب...

حياة : يعني ايه ؟

مراد : انتي الي تقرري ؟ وردي عليه ساعتها هجيب المأذون ونخلص كل حاجه...

حياة : طب وافرد يعني لا قدر الله الأم ماتت...

مراد :  مش عارف هعمل ايه ، المهم اني لازم اخد البنت من الملجأ في أقرب وقت انا مش عاوز بنت اخويا تتربا هناك اكتر من كده...

حياة : بس يعني ممكن أسالك سؤال ؟

مراد : أسألي

حياة : ليه ؟ ليه جواز انا ممكن اكون المربية بتاعتها وأخدمها برموش عنيه..

مراد : أولا انا ابقى عم الطفلة بس مش شقيق ابوها   كنت مولود في بلد اجنبية واسمي مكتوب على اسم والدتي ، عشان كده مش عارف أثبت ان ريما تبقى بنت أخويا ......العلاقة بيني وبين ابويا كانت مقطوعة تماما ومكنتش اعرف عنه حاجه ولا اعرف ان ليه اخ لغايه لما في يوم اخويا حازم الله يرحمه سافر هولندا ودور عليه واتقابلنا وبقينا بنتكلم وبعدين من كام شهر حصلتله حادثة هو وزوجته  .....