لما انا!! ؟

part 7

Don't try to be perfect just try to be better than you were yesterday👑🔗

اظن كلنا بيتقال علينا كلام والكلام دا بيبقي لي اثر سلبي كبسر علينا مش كدا؟
عايزه اسألك كام سؤال كدا بس اول حاجه عايزاك تقعد لوحدك وجاوب بصراحه لانك لو كذبت مش هتكذب غير ع نفسك

لي بتفكر ف كلام الناس؟
هل عمرك اتأثرت بيه؟
هل غيرت ف نفسك علشان حد ؟
هل انت عارف نفسك كويس ؟
هل عارف شخصيتك فعلا ولا دا مجرد وش انت مختاره لنفسك؟
حسيت انك اتغيرت؟
اي غيرك؟
بتحس بقلق؟بخوف؟بغضب؟
بتدايق لانك مدايق ع حاجه تافهه؟
ف بتدايق اكتر؟
قلقان من قرار وخايف تفشل؟
فقلقان انك تفشل؟
خايف قلقك يعطل تفكيرك؟
تهت مش كدا؟جاوب بهدوء وتعالي افهمك

اولا كلام الناس:
حابه اقولك ع حقيقه مؤكده
انت هتموت ومحدش هيفتكرك من الناس دي ف لي تهتم بكلامهم؟لي تعيش ع مزاجهم هم؟لي تفكر فيهم اصلا؟م يقولو اللي يقولوه
ازاي يعني ي ملاك هيقولو كلام كتير عليا
طب م تضربلهم طناش لي بتهتم اصلا طب تعرف ان في دراسات بتأكد ان نسبه نجاحك ف الشئ انك متهتمش بيه
مش فاهم؟
يعني مثلا لو فضلت مهتم ب انك تبقي سعيد او تفهم معني الدنيا عمرك م هتبقي سعيد ولا هتفهم
قال الفيلسوف البير كامو (لن تكون سعيدا اذا واصلت البحث عما تتكون الساعه منه،ولن تعيش حياتك ابدا اذا كنت من الباحثين عن معني الحياه)
انا مش بحبطك ولا بقولك متكونش سعيد
بقولك متديش للحاجه حجم كبير ومتفكرش كتير ف حجات ملهاش لزمه خليك سعيد واوعي ثم اوووعي تقارن نفسك بحد
كل شخص لي ظروفه اوعي تقارن نفسك بحد وتقول دا سعيد وانا محمد اووعي انا بقول اهو
ف خلي اللي يتكلم يتكلم مش هيفرق كلامهم بحاجه وزي م بيقول المثل (الكلام مبيلزقش) متخافش مش هتتحفر ع قبرك ف متديش لحد اهتمام عيش لنفسك 🌙💜

حب نفسك :
مش مجرد كلام تقولو اصل انا بحب نفسي
لا خليك صادق محدش هيتأذي من الكدب غيرك
كل انسان جواه شخص ميعرفهوش وكل يوم بيكتشف في حاجه جديده اوعي تفتكر انك عارف نفسك لا طبعا انت عارف شويه صفات من نفسك
وفعلا انت شخص جميل جدا وزي م بقول دايما (اسعد نفسك بنفسك علشان كدا كدا ربنا هياخدك)
افرح شويه وازعل شويه انت شخص جميل تستاهل انك تعامل نفسك بطريقه جميله واوعي تستني الاحترام والحب من حد وانت مش مدي احترام وحب لنفسك 💖

دي شخصيتك:
لي قدام الناس الغريبه عنك بتتعامل غير طبعتك لي متتعامل عادي بشخصيتك وانا متأكده ان كل شخص لي شخصيه متميزه ودا اجمل شئ لي اتصنع علشان الشخص ياخد انطباع م ياخد اللي ياخده وانا مالي اهم حاجه اكون انا مرتاح والله يبني الراحه تيجي قبل كدا حاجه حط دايما ف دماغك ان نفسك قبل كل شئ اهم حاجه تكون مرتاح وكبر دماغك من الباقي.🐢

اتغيرت:
طبيعي اي شخص يتغير ودا بيثبت انك نضجت فعلا وبقيت انسان يعتمد عليه مش حاجه وحشه انك تتغير بالعكس بتكتسب صفات جديده فوق اللس عندك ودا شئ حبه ف نفسك 🍭