زياد: سوولي .....انتي اي اللي بتعمليه هنا وواقفه مع سولي ليه
سوزان: اي مش لازم افهمها الحقيقه وان ملاك خطفتك مننا
فهد بعد م سحب سولي من سوزان بعنف : مشوفكيش معاها تاني فاهمه
سولي: فهد بس..
فهد بمقاطعه: سولي كلامنا مش دلوقتي
زياد: سوزان شوفي حياتك وابعدي عننا فهد خلاص اتجوز ياريت تشوفي نفسك خلاص
في مكان تاني....
ليان: ممكن ادخل
ملاك: اتفضل يا ليان
ليان: لا لا دموع اي لا احنا رجاله مالك اجمد كدا
ملاك: مين بيعيط لا مش بعيط لا
ليان بهزار: ايوه كدة اجمد يا بطل
ملاك: ليان بجد ربنا يخليك ليا بجد انت اكتر من أخ وسند
ليان بكسره: ربنا يفرحك علي طول يا ملاكي يلا اسيبك انا برا واشوف اللي هيقتلو بعض برا دول
باب الشقه خبط ودخل فهد وزياد وسولي والكل لاحظ ان الجو مشحون
فهد بيحاول يهدي الموضوع: طب انا بقول بما اننا متجمعين م تروح ي زياد تجيب مأذون بدل النكد اللي احنا فيه دا
زياد باستغراب: مأذون ليه يبني
فهد وهو بيقرب سولي ليه: يعني قولت بما ان سولي مدايقه الفتره دي قولت نفرحها شويه
زياد بغباء: والمأذون هيفرحها ازاي
فهد: تصدق ان انا غلطان بجد يا كتله غباء متحرك هجوزهالك ودلوقتي ايه رائيك
زياد بسرعه: انا موافق
والكل قاعد مبسوط والجو بدأ يبقي افضل شويه وانس بيشاكل ف جني وليان سحب مروان علي جنب
ليان: قولتلي بقي انك بتحب خطيبتي
مروان بأنكار : لا طبعا ازاي تقول كدا
ليان: يا عم بالله عليك حبها وخدها
مروان باستغراب: انت بتقول ايه
ليان :والله بكلمك جد انا مجبور علي الجوازه دي تعالي نبدل وخدها وعليها مروحه هديه
مروان ساب ليان وهو بيخبط ايد بأيد
في حته تاني
فهد دخل علي ملاك ولاحظ اثار دموع
فهد قرب منها وضمها ليه بكل حب
فهد: اسف علي كل اللي سولي قالته هي بس كانت كاتمه شويه وفاهمه غلط من سوزان
ملاك بأحراج: انا اللي اسفه علي اللي قولته ءءانا
فهد:ششش متتأسفيش ابدأ مهما غلطتي مش هستني منك اسف لأني هكون دايما معاكي وبعدين ايه دا دي دموع دي ولا ايه
ملاك: لا لا خالص
فهد: لا والله دي شكلها دموع مش عايز اشوف دموع في عينك ابدا امم. ولو حابه بعد فرحنا ناخد شقه بعيده شويه عنهم انا معاكي في كل اللي تقوليه
ملاك: لا لا طبعا اكيد هنتفاهم
فهد: بجد انتي اكبر نعمه انا بشكر ربنا عليها بحبك يا ملكه بيتي وملكه دايما في عيني .
ملاك وهي بتبعد : اوعي بقي علشان اغير واطلع لهم
فهد: تغيري ليه
ملاك: علشان كتب كتاب سولي
فهد :اه وانتي بقي كنتي راميه ودنك وكدا
ملاك بضحك: انا لا طبعا طبعا
فهد وهو بيقرب: حد قالك انك حتي وانتي بتعيطي قمر
ملاك وهي بتجري منه: قمر في كل حلاتي اصلا معروفه
فهد بضحك وهو بيخرج من الاوضه: ربنا يصبرني
جه المأذون وتم كتب الكتاب
وبعد م انتهت الجمله الشهيره (بارك لكما وبارك عليكما) قام زياد وضم سولي لي بقوه وانس بدأ يزغرط
فهد وهو بيبعد سولي عن زياد: ايه يا عم في ايه
زياد: ايه مراتي وبراحتي
فهد: لا انت صدقت ولا ايه مفيش الكلام دا اعقل كدا
الاجواء بقت اهدي شويه وبعد فتره استأذن الكل علشان يمشي زياد وجنش نزلو وشهد كانت نازله لكن مروان وقفها
مروان : الأحسن تبعدي عن ليان
شهد باستغراب: واحسن ليه؟
مران وهو بيحرك ايده علي شعره: يعني علشان هو مش معجب بيكي وكدا وهيجيلك اللي بيحبك فعلا قريب وقريب اوي بس يجي الوقت
شهد: ومين اللي بيحبني يعني انت مثلا؟
خلصت جملتها باستهزاء
مروان باحراج: ولي يعني ميكونش انا همم؟ صح كان شكلك حلو النهارده
انس بتدخل: بتخوني؟ لا لا لا مكنتش متخيلها منك وكمان علي السلم؟ انجر قدامي يا اخويا
انس شد مروان ونزلو وجني جت مسكت ايد شهد بس محاولتش تتكلم معاها في اي حاجه علشان هي اكيد دلوقتي متلغبطه كتير
بعد م مشيو كان ملاك وليان وفهد لسه موجودين
ليان وطي الاضاءه وملاك فتحت موسيقي هاديه خالص وفهد مستغرب اللي بيعملوه واستغرب اكتر لما جم قعدو علي الكنبه تاني بس مغمضين عنيهم
فهد بمقاطعه: ايوه انتو كدة بتطردوني طيب ولا اي امشي؟
ملاك: ششش هات ايدك وغمض عينك وهتلاقي افكار كتير جت ف دماغك حاول تنهيها كلها بس من غير متأجلها يعني حاول تنهي كل فكره وحط ليها نهايه علشان متفكرش تاني فيها ومتلاقيش نفسك بليل مزنوق مع افكارك وتاخد علقه قبل النوم وتنام معيط
وفعلا الكل غمض عينه وبدأت افكار كتير تيجي
أنت تقرأ
لما انا!! ؟
Romanceكل اللي جوانا وكل اللي بنحس بي مش مجرد فتره وهتعدي مزيج بين روايه وكتاب الي كل روح سأمت الحياه الي كل روح فقدت نفسها مشاكل حياتنا حس فكاهي اخرج من الموود كتابه عاميه واقتباسات تأليف ملك محمد
