فهد كان مدايق جدا وهو شايف ملاك قاعده مع حد يعتبر ف سن فهد لا وكمان بتحكيله عن اللي بيحصلها دقيقه دقيقه وهي تحكيله لي اصلا
ملاك لقت فهد بيقرب منها ويتطاير من عينه شرار
فهد بغضب : ملاااااااك انتي قولتيلي انك هتمشي؟ومين دا اللي بتتكلمي معاه اصلا وازاي تسبيني وتمشي ها وانا معرفش حتي انتي فين ردي عليااااا
ملاك بتعجب: لا مقولتلكش اصلي لقيتك مشغول مع الانسه سوزان ف قولت اسيبكو ع انفراد بعد م لقيت الوضع عاجبكو
فهد بغضب اكبر وبدأت عروقه تظهر :ملاك انتي لي محسساني انك اول مره تعرفيني اكيد مكنش عاجبني الوضع انتي حتي مشوفتيش رد فعلي ولا شوفتيني انا عملت اي انتي اكتفيتي باللي انتي شوفتيه وبس
كل دا والشاب قاعد وسامع كل دا وبتركيز وباصص ل فهد
فهد بيكمل كلامه :ومين دل كمان وازاي تحكيلو ع حاجه ولا هو قاعد بيسمعنا لي
ملاك: اي ي فهد انت مجنون دا هاني
ملاك بتكمل بعد م لاحظت تغير ملامح فهد للأسوء:يعم هفهمك
ملاك سقفت وبعدين بصت لهاني اللي باصصلهم باستغراب
هاني :انتو مين انا عندي اجتماع دلوقتي حالا
ملاك وهي بتنادي ع الممرضه :اتفضلي خدي مستر هاني ع اجتماعه اللي ف الاوضه يلا
ملاك :فهد من الاخر انت اللي غلطان
فهد:نعمممم يختي انا اي انتي اللي مسمعتيش مني اصلا وخدتي اللي عجبك ومشيتي كمان من غير م تقوليلي ملاك انشي قدامي من غير ولا حرف
ركبت ملاك مع فهد العربيه وهي اول مره تشوف ف كدا متنرفز وعروقه باينه وعينه حاده
ملاك بتحاول تتدارك الموقف: متيجي نخرج ونر...
فهد بزعيق: انا قوووولت مش عايز اسمع صوتك او هيحصل مني حاجه مش هتعجبك فاهمه
ملاك:ع فكره بقي انا برضو بعرف ازعق وممكن...
نظره فهد سكتتها خالص وكمل فهد:شكلك عايزه تشوفي هعمل اي صح
فهمت ملاك قصده وسكتت ووشها احمر وبصت قدامها: قليل الادب
فهد : بتقولي حاجه؟
ملاك مردتش
بعد شويه وصلو وملاك نزلت قدام المستشفي اللي فيها ليان وطلعت لقت مامتها وليان بس ف الاوضه وفي نقاش حاد بينهم
ملاك: في اي في اي
ام ملاك:مش عارفه في اي في انك كدبتي عليا وعايزه تتجوزي مجنون وكان علي علاقه بواحده ودلوقتي هي حامل ي ست ملاك وهو كان هيتجوزها بس انتي اللي خدتي منها وكمان انتي اللي سبتي ليان علشان المجنون دا
ملاك:ي ماما الكلام دا غلط والله مفيش الكلام دا خالص فهد مش مجنون ي ماما
ام ملاك بمقاطعه:ملاك هي كلمه واحده هتتجوزي ليان ورجلك فوق رقبتك فاهمه
ليان:ي امي الجواز مش كدا وبعدين انا مش عايز اتجوزها انا بحب واحده تانيه وفهد شخص محترم بذمتك انتي الشخص اللي انتي شوفتيه دا مجنون
ام ملاك: ومن امتي ي ليان بتحب من غير م تكون خاطبها وكمان انا مصدقش اللي اشوفه من بعيد انا معرفوش
ملاك:وانتي يا ماما متعرفهوش تحكمي عليه لي ؟ ومين دي اللي كان علي علاقه بيها؟؟!
ام ملاك:واحده ا من البنات اياهم وشعرها احمر كدا
ملاك:ي ماما دي كانت خطيبته قبل الحادثه ومحصلش حاجه صدقيني فهد مش كدا
ام ملاك:فهد مش كدا والبت كدابه طب واخته؟؟اخته اكدت كلامها ها اتكلمي سكتي لي
ليان وملاك في حاله صدمه لي سولي تقول كدا بس الاكيد ان فهد معملش كدا انا عارفه فهد كويس
ام ملاك: مش هقولها تاني ي ملاك هتتجوزي ليان
ليان:اسف يا امي بس انا مش موافق انا بحب واحده تاني
ام ملاك:تمام بتحب واحده تانيه تاخد من والدها معاد ونروح نخطبها بكره
ام ملاك مشيت وملاك وليان مصدومين من اللي حصل ومبحلقين ف الباب مش عارفين يعملو اي
ملاك بعياط:بجد انا اسفه بجد مش عارفه اعمل اي
ليان :شش اسفه ايه وبتاع ايه هنظبطها اجمد كدا في اي
ملاك بضحك وسط دموعها:وراك رجاله عيب عليك
ليان بصلها بقرف وانفجروا ضحك
ملاك روحت البيت ومدايقه جدا ودماغها عماله تودي وتجيب وكل اللي حصل وتفكر في فهد هل ممكن فعلا يكون عمل كدا لا لا اكيد لا .طب فهد من الطبقه اللي عندهم كلو عادي .لا ي ملاك اكيد فهد ميعملش كدا .طب ونرفزته عليك النهارده .اكيد هو اللي غلطان انا مغلطتش اااه دماغي يلا ي ملاك نامي
يوم جديد علي أبطالنا وكل واحد غرقان في افكاره والمشاكل بتزيد والمواضيع بتتعقد اكتر ودي الحياه مليان مشاكل والفرحه بتكمن فلحظه حل المشكله ومفيش حياه كلها ابيض او كلها اسود ومينفعش تكون السلسله مفتوحه
اشرقت الشمس وهي تداعب شعر بطلتنا لتفتح عيونها التي هي كالقهوه في لونها لتشبه هيأتها بصفاء السماء
صحيت ملاك وعملت روتينها اليومي وراحت شقه اهلها واللي استقبلها باباها بكل سرور وحب وبعد السلامات
والد ملاك: ايه يا ملاك مش هتدخل تجهزي
ملاك باستغراب:اجهز لي
والد ملاك:يبنتي فهد جاي يتقدملك بعد ٣ ساعات بالظبط وبعدها هنروح نخطب ل ليان
ملاك بصدمه من اللي سمعته :ايه وماما
والد ملاك باستغراب: مالها مامتك يبنتي
والده ملاك :ملهاش يلا يا ملاك ادخلي اجهزي
ملاك دخلت وجهزت ولبسها كان فستان احمر ونازل من عند الاكتاف (اوف شولدر) وقصير شويه من تحت وصففت شعرها البني مع روج احمر خفيف وقليل من الميكب وبعتت لأصحابها صوره ليها باللبس واللي كلهم ابدو ليها اعجابهم الشديد
الصوره:
أنت تقرأ
لما انا!! ؟
Romanceكل اللي جوانا وكل اللي بنحس بي مش مجرد فتره وهتعدي مزيج بين روايه وكتاب الي كل روح سأمت الحياه الي كل روح فقدت نفسها مشاكل حياتنا حس فكاهي اخرج من الموود كتابه عاميه واقتباسات تأليف ملك محمد
