لما انا!! ؟

part 30

اتفاجأ فهد بالشخص اللي شافه جوه ولاحظ توتر الجو
شخص عمر م كان يتخيل انه يشوفه تاتي
ليان: فهد انا مردتش اتصرف قبل متيجي
فهد مش مركز مه اي كلام اتقال هو بس مصدوم ومش عارف ياخد اي رد فعل
" فهد انا طول عمري كان نفسي نبقي مع بعض ف اللحظه دي ممكن احضرها معاك؟"
فهد اتفاجأ اكتر بالكلام اللي سمعه ازاي شخص حاول يقتل وكلو مليان حقد وغل يجي لحد هنا ويقول كدة
فهد: حمدي ءء انا مش
حمدي بدموع : فهد صدقني مش هزعجك فاكر لما كنا بنقول اننا هنفضل مع بعض وأننا هنكون سوي في اجمل لحظات عمرنا؟ انا اسف فعلت علي كل اللي حصل انا مش عارف اقول ايه بس اوعدك بعد فرحك كل حاجه هتتغير وهريحكو كلكو
ليان خاف من نبره حمدي وايه اللي يقصدو بجمله " هريحكو كلكو "
وقبل ما حد منهم يتكلم كان حمدي قرب من فهد اللي اتفاجأ بحمدي بيقربه ليه في عناق مليئ بالدموع
الجو كلو كان ساكن وخالي من اي صوت ماعدا شهقات حمدي المتقطعه
فهد محسش بنفسه غير وهو بيعيط معاه وبيطبطب علي ظهره
فهد استأذن وخد حمدي ومشي وساب الكل مصدوم ومش عارف يعمل ايه
الكل ساكت وباصص لبعض لحد م والده ملاك كسرت الصمت
والده ملاك: انتو هتفضلو متنحين في بعص م تنطقي يا بت انتي وهي وقالولي مين دا
جني: يا خالتو دا حاجه مش مهمه دا الشبح اللي خطف ملاك وضرب ليان بالمسدس
ملاك مسحت وشها بأيديها من غباء جني ووالده ملاك شهقت وضربت بأيديها مكان قلبها
والده ملاك: ينهاركم اسود ودا ايه اللي جابه هنا وازاي تدخلوه اخص عليك يا ليان خليته قاعد معانا ومقولتش حاجه ولا خدت رد فعل
قاطع كلامهم والد ملاك : طب ايه هتفضلو واقفين يلا اقعدو عندنا فرح بكره اقعدو كدا وانبسطو
والده ملاك كانت علي وشك الاعتراض لكن قابلتها نظره جوزها ف سكتت وهي من جواها خايفه
من ناحيه تانيه عند فهد
نزل فهد ومعاه حمدي ودخلو العربيه
فهد بدموع: خلاص يا عم امسح دموعك ايه كل دا غرقتني فاكر كنا متفقين علي ايه لما يجي معاد فرح حد مننا
ابتسم حمدي وسط دموعه وهو بيعيد ذكرياته اللي كان مبسوط فيها " قولنا اننا كلنا هنبات مع بعض ونفضل سهرانين وان اللي هيتجوز الاول هيروح الفرح وهو مش نايم غير ساعتين بس"
ضحك فهد وهو بيفتكر الوعد اللي خدوه واللي حمدي لسه فاكره قاطع كلامهم فون فهد وكان المتصل زياد
زياد: يلا يا حلو علشان مش هتنام غير ساعتين بس زي ما كنا متفقين خلص احنا مستنينك في البيت
قفل زياد قبل م يسمع رد فهد
وهنا فهد بص لحمدي بصدمه ان زياد لسه فاكر الوعد اللي خدوه وهم صغيرين وبعدين انفجرو الاتنين ضحك
وصلو ودخلو بيت فهد
زياد وانس ومروان كانو قاعدين علي السفره ومركزه جدا وهم بيلعبو
قاطع لعبهم لما سمعو فهد
زياد: فينك يا عم كل دا..
اتصدم زياد لما شاف اللي جاي مع فهد
وقبل ما حد منهم يتكلم اتكلم فهد
فهد: اخيرا اتجمعنا زي زمان
مروان بعصبيه : فهد بس
فهد: مبسش احنا كنا زمان واحد ودلوقتي رجعنا
حمدي : انا اسف لو هتقل عليكو
زياد وهو بيحضن حمدي : ششش مش هتقل ولا حاجه
قعدو كلهم وهم بيفتكرو ذكرايتهم مع بعض واد ايه فعلا كانو مبسوطين
اد ايه كبرنا بسرعه وفعلا محسناش بالوقت
عدي الليل
وآآه من ليل يلتقي فيه كل مشتاق وتصمت الافواه وتتحدث القلوب
كانت ليله لطيفه مليئه بالمشاعر والدفئ
فهد منامش طول الليل ونفذ احد وعود طفولتهم غير انهم خدو صور كتير مع بعض وفعلا حسو انهم رجعو عندهم ١٦ سنه تاني وحسو فعلا بحنين للماضي
صحي زياد ومروان وانس اللي كان غلب عليهم النوم
انس : انتو لسه منتوش
فهد: لا قولنا نقعد شويه وبعدين اعمل ايه واقول ايه علي اللي هيخلوني مش شايف حاجه في الفرح من قله النوم
انس: يعيني عليك يبني يلا تعيش وتاخد غيرها
فهد بمقاطعه : لا يا عم بعد الشر انا مش عايز غيرها هي
مروان بقرف : يادي التلزيق هنبدأها
انس بص لفهد بصدق قبل ما يسأله : فهد هو انت هتبعد عننا شويه لما تتجوز
مسح فهد علي وشه من غباء السؤال اللي عمال يتتكرر
فهد بملل: هو انتو مالكو في ايه انا هتجوز مش هسافر وهسيبكو يا جماعه احنا مع بعض وهنفضل طول العمر مع بعض انتو مكبرين الموضوع ليه
فهد لاحظ ان انس بدأت الدموع تتجمع في عينه اااه منك يا انس
فهد عارف ان انس معندوش غير فهد وان انس عنده متلازمه التعلق بالأشخاص اللي بيحس بالحنان معاهم
فهد: تعالو كلنا حضن جماعي
وفعلا حضنه كلهم بعض وفهد بصلهم بصدق
فهد: انا فعلا مبسوط جدا أن ربنا كافأني عن صبري بيكم بجد انا مش عارف من غيركم كنت هعمل ايه
حمدي بدأ يرجع لورا
حمدي: بس انا مش منهم يا فهم هم احسن مني بكتر انت نسيت اللي انا عملته؟ انا مش حلو انا سئ
فهد قرب من حمدي وشده وسطهم تاني: حمدي عمري م كنت اعرف اني هكون ممتن ليك جدا
حمدي انت بسببك انا بعدت عن سوزان اللي كنت مخدوع فيها وعمري م كنت هبقي مرتاح معاها وبالعكس لولا كل اللي عملته انا عمري م كنت هقابل ملاك بجد سبحان الله اللي كان مرتب كل دا واللي عمري مكنت اتخيل حكمه ربنا من كل اللي مريت بيه يعني املاكي اتصدرت وأهلي واتوفو واعز صاحب خد املاكي واختي كنت متوقع انها ماتت واترميت في مستشفي ولكن ربنا كان ليه حكمه في كل دا وهو انه يبعتلي شمعه تنور كل عتمتي ورجعلي اختي تاني ورجعلي دلوقتي صحابي بجد انا مهمة عملت مش هعرف اشكر ربنا علي نعمه اللي مكنتش اعرفها ولا عمري كنت هفهم ترتيب ربنا لكل حاجه
فهد بعد م لاحظ تأثر الكل حاول يغير الموضوع
فهد: وبعدين يلا يا حلو انت وهو انا فرحي النهارده مش عايزين نكد يلا كلو يجهز وتأكد علي كل حاجه يلا يا بابا
وفعلا كل واحد انشغل بحاجه وفهد بين كل ساعه يرن علي ملاك لحد ما الساعه بقت ٦ مساء
فهد نزل بالعربيه وكلهم ماشيين ورا وعمالين يلعبو بالعربيات والكل مبسوط
فهد وصل المكان اللي ملاك بتجهز فيه وفعلا بعد أقل من ٥ دقايق سمع الزغاريط لتعلن عن نزول ملاك اللي فعلا مغلطتش اللي سماها ملاك بفستان الملائكي الابيض بياض الثلج والذي يزينه القليل من الحبات التي تشبه الؤلؤ وشعرها الذي احكمت عليه الربط بواسطة حبات دائريه مشابه لللؤلؤ في لمعانها لم تضع ملاك الكثير من مساحيق التجميل فهي لا تحتاج لها علي اي حال
فهد باصص لملاك بأندهاش لدرجه انه حس ان فمه وصل للأرض نزلت ملاك وقعدت بجانب فهد وفهد مش مصدق ان ربنا عوضه عوض كبير زي دا وصل ملاك قدام الفيلا بتاعته واللي اتفجأت ملاك من الديكور بتاعها اللي كان شبه قصور ديزني وانفجأت اكتر بعربه مثل عربه سندريلا
نزل فهد علي قدم واحده أمام ملاك لتمسك بيده
صعد فهد وملاك العربه وكل دا والكل مراقب اللي بيحصل والكل مبسوط
نزلت ملاك داخل حديقه الفيلا ومع نزولها كان فهد بعد عنها ووقف في نهايه الطريق ووالد ملاك قرب منها ومسك ايديها واشتغلت اغنيه طلي بالأبيض وملاك طول الممر وهي باصه لفهد بنظرات فرحه واندهاش ومشاعر كتير هي مش عارفه توصفها
وقفه فهد في نهايه الطريق دي مش صدفه فعلا فهد هو نهايه طريق المشقه وهو حلم مكانتش ملاك تتمناه في يوم سبحان من يجعل لنا نصيب في غيبه ويكون نصيبنا مرضي لنا اكثر مما كنا نتوقع
شعرت ملاك ان الممر كان طويل وهي لا تستطيع السيطره علي مشاعرها
علي الجانب الاخر
فهد كان متأمل جمال خلق الله ياااه يا ملاكي لم يخطئ من سماكي آه سبحان من خلق منكي أربعين شبيهأ وجعلني عاشقأ لكي فقط ولا أريد منك شبيها
كان فهد ينظر لملاك وهي قادمه له كأنها هديه قدمها الله له بعد صبرا عظيمأ
وصلت ملاك لفهد وقد سلمها والدها لزوجها وهو ينظر له نظره ثقه
والد ملاك: فهد انا واثق فيك وواثق في اختيار ملاك ربنا يفرحكم يارب
كان والد ملاك ينطق بكلماته وهو علي وشك البكاء كم جرت الايام سريعا وها هت يسلم ابنته الوحيده لزوجها يااه ايها الوقت لقد سرقت منهي كل لحظات شبابي وها انت تسرق مني ابنتي
وبدأ الحفل وطبعا لم يخلو من الهزار والضحك ورقص البنات مع بعض وفؤحه الشباب وكل الوعود اللي كانو واخدينها في طفولتهم تم تنفيذها زي انهم يشيلو العريس وهكذا
انتهي الحفل وبدأ الكل يمشي ووالد ووالده ملاك بيسلمو عليها قبل م يمشو وفهد واقف مع صحابه
فهد : فاكرين لما قولت اننا مش هنبعد؟ مبدأيا كدا مش عايز اشوفكم تاني
حمدي : لا واطي واطي يعني
فهد : عيب عليك اخوك يعني مفهاش كلام يلا بقي يا حبيبي منك ليه طرقونا
انس : ليه بس يا فوفا م احنا قاعدين معاك شويه
فهد وهو بيزقهم برا : لا يا حبيبي شطبنا
زياد : هي بقت كدا يعني طيب ماشي يلا شباب خلوه ابقي اشوفك ترن علينا تاني بقي
ضحكو مع بعض وكلو روح
طلع فهد وملاك الاوضه
فهد : بصي انا هطلع اغير وانتي غيري واتوضي علشان نصلي مع بعض
اومأت ملاك وفعلا غيرت ولبست الاسدال
انتهو من الصلاه وبدأ فهد يقول الدعاء وبعد م انتهي خد ملاك البلكونه واتفجأت ملاك بوجود طرابيزه وشموع
فهد : اقعدي اقعدي فكراني مسمعتكيش وانتي بتقولي لجني انك حاسه ان في كلاب في بطنك
انفجرو الاتنين ضحك
ملاك: ياه دا انا كنت بحاول ابقي رقيقه قدر المستطاع
فهد :يا ست رقيق ايه اقعدي
بعد م خلصو اكل فهد قرب من ملاك وسك ايديها وخلاها تسند عليه وهم باصيين للسما
ملاك قبل م نبدأ حياتنا مع بعض لازم نتفق علي كان نقطه
كانت ملاك تسمع بانصات ليكمل فهد
فهد : اول حاجه لازم تتأكدي اني اخترتك وعمري م هندي اني اختارتك انا اختارتك زوجه واخت وبنت وحبيبه وام لولادنا اتمني لو في اي يوم اتخانقنا مع بعض منامش غير واحنا متصالحين مهما حصل
ملاك انا بحبك
ملاك : وانا بحبك اكتر
ودي كانت أول مره تعترف ملاك بالكلمه دي ولكن لي تخبي اي حاجه خلاص هو بقي حلالها ....

------------------------------------------------------------
ازيكو يا حلويين البارت اللي جاي هيبقي اخر بااااارت اتمني تكونو استفدتو بأي حاجه من الروايه
بحبكوووووووو