|5|
_أول ما نرجع مصر هطلقك
حست بقلبها اتقبض مره واحده مع إنها عامله حسابها علي كده بس رددت بصدمه :- تطلقني
أحمد :- أيوه هطلقك.. مش عايز أجبرك تفضلي معايا أكتر من كده
حنان :- بس إنت لسه محتاجني معاك يعني قصدي إنك رجلك لسه حركتها تقيله فلو حابب إني أفضل معاك هستني
أحمد :- إنتي عايزه إيه ياحنان تفضلي ولا تبعدي
سكتت حنان مش عارفه ترد تقوله إيه بس هي عايزه تفضل معاه طول الوقت مش علشان تساعده لأ عايزه علشانها.. هي بتحس بفرحه كبيره طول ما هي معاه
أحمد :- ساكته ليه.... يعني أفهم إنك عايزه تسيبيني
حنان :- أ أ أكيد دلوقتي أو بعدين هنطلق ب ب بس ياريت تتحملني شويه يعني لو رجعت الحاره وإحنا يادوب لسه متجوزين الناس مش هيبطلوا كلام عليه
أحمد بحزن :- يعني هتفضلي معايا علشان كلام الناس بس
حنان :- أ أيوه وكمان يعني أنا ممرضه وهقدر أساعدك
أحمد بسخريه :- متشكر أنا ما بقتش عايز مساعده من حد
┄┅── ✿✿✿✿✿✿✿✿ ───┄┅.
رجع أحمد مصر هو وحنان وفضل مكمل تمثيل في دور إنه مشلول بعد كام يومين رجعت دريه من السفر وأول ما دخلت بعتت لحنان واحده من الخدم تنادي عليها
نزلت حنان وأول ما قعدت زعقت دريه فيها بعصبيه :- إنتي اتجننتي يابت، هتساوي نفسك بيا ولا إيه.. تكلميني وإنتي واقفه وعينيك في الأرض
حطت حنان رجل علي وردت ببرود مستفز :- ليه إن شاء الله..... هو زمن الموالي والأسياد رجع تاني وأنا مش عارفه ولا إيه
زادت عصبيه دريه :- إنتي نسيتي نفسك يابت انتي ولا إيه إنتي هنا خدامه وبس
حنان :- أنا اللي خدامه!! غريبه. وإنتي تبقي إيه ؟ اتحولت ملامحها للشده وهي بتكمل بحده وغضب :- ده أنا مرات أحمد رائف السويفي اللي إنتي وجوزك عايشين في خيره ونعيمه وتقولي لي أنا اللي خدامه.. حدودك دي ياريت ما تتخطيهاش علشان ماخلكيش تلزميها بطريقتي ماشي يادريه
قامت حنان وكملت :- أنا طالعه أشوف جوزي وياريت ما تبعتبيش حد تاني لأني مش بحب الإزعاج
طلعت حنان تحت نظرات دريه المصدومه والغضبانه :- يابنت الكل*** أنا هوريكي مين اللي خدامه وزي ما دخلتك البيت ده هخرجك منه.... دلال إنتي يازفته ياللي إسمك دلال
دلال :- نعم ياهانم
دريه بعصبيه :- روحي نادي علي اللي إسمه عبد الحميد من بره بسرعه
دلال برفض :- أسفه ياهانم بس الست حنان هانم قالت أطلع لها الغدا فوق هي وسي أحمد بيه
وقفت دريه بغضب وضربتها بالقلم جامد :- البيت ده ما فيش فيه ست غيري أنا وما فيش فيه هانم غيري أنا والحيوانه دي أنا هرجعها علي الزريبه اللي جت منها تاني امشي روحي نادي علي عبد الحميد بسرعه
