رحم الحياة

أحمد وحنان ♥

اسكريبت 2

من يوم ما شوفته وبابا بيطرده بالطريقه المهينه دي  وأنا حاسه  إني في عالم تاني عالم مش بشوف فيه غيره... نظرة الكسره اللي كانت في عينه مش قادره أنساها .. إزاي بابا قدر يكون بالجحود ده إزاي يترفض لسبب زي ده إزاي قدر يحطم الحلم اللي حلمت بيه كتير

سمعت صوت  خبط علي باب اوضتها  مسحت دموعها وحاولت تبان طبيعيه
= تعالي يابابا اتفضل
_جاي اقولك ان العريس اللي كلمتك عليه هو وعيلته جايين علشان يشفوكي ونقرأ الفاتحه النهارده

=بس يابابا

_ما فيش بس خلاص الموضوع منتهي

.............................................................................

_مالك ياأحمد يابني من ساعة المشوار اللي روحنا وأنا شايف إنك اتبدلت خالص وشك بقي حزين والابتسامه ما بقتش تزين وشك تاني

أخد نفس عميق وبص بعيد بحزن :- عارف ياعم محمد أنا عمري ما اتكسفت من أبويا بالعكس ده شرف وفخر ليا .. لكن حنان كانت حلمي من زمان كنت بدعي ربنا بيها كتير حتي النظره كنت بخاف ابصها ليها ربنا ما يعاقبنيش بحرماني منها  وهرضي  باللي ربنا مقدره ليا

=أنا مقدر اللي إنت فيه يابني لكن صدقني لو حنان ربنا كتبها من نصيبك ما فيش أي حاجه ممكن تحرمك منها  ما تيأسش من رحمة ربنا

_ونعم بالله  وربنا يكتب ليها الخير سواء  ليا أو لغيري

....................................................................

=يلا يابنتي الناس بره من بدري  وأبوكي عمال يسأل عليكي

بصت حنان لفاطمه بدموع :- مش قادره يافاطمه حاسه إني هموت 

طبطبت فاطمه علي كتفها بمواساه :- لازم تخرجي   ياحنان  يلا ياحبيبتي

خرجت حنان وهي بتتمني إني روحها تطلع كل خطوه بتقدمها  حاسه ان حركتها بتتشل . دخلت الاوضه وهي مش شايفه غير أقدام كتيره وبس وسمع همسات كتير مش عارفه تحددها 

فترها والكل خرج وفضلت هي وعريس الغفله بس مع
_إنتي هتعملي نفسك مكسوفه

رفعت وشها بدهشه :- نعم

تابع بوقاحه :- ما فيش بنات بتتكسف اليومين دول  فبلاش تمثيل وخليكي علي طبيعتك

وصلت حنان لقمة عصبيتها  :- لا ده انت مريض وجاي تطلع مرضك هنا وبالمناسبة أنا فعلآ مش مكسوفه منك أنا بس كنت قرفانه أدخل

_طيب ممكن تقعدي نتكلم شويه

= لا أسفه روح شوف لحضرتك واحده بتعرف تم

_أنا آسف ممكن بقي تقعدي علشان نتكلم

=قعدت حنان علي مضض فتره بسيطه وباباها دخل   وبعدين مشي العريس وأول ما رجع أبوها

_ بابا أنا مش موافقه علي العريس ده وأنا برده ده كلامي نهائي ومش بعصي أوامر حضرتك ولا حاجه بس ده مش مناسب ليا وأنا ما ارتحتش  بعد إذن حضرتك

بص عادل لأمها :- عقلي بنتك ياأم حنان  أنا خايف عليها وعايز اخترها واحد يليق بها وابن ناس وعيله معروفه ويقدر يعيش بنتك

_مش كل حاجة الفلوس ياأبو فيه حاجات مش بتتقدر بالمال في الأخلاق والاحترام والحب فيه الراحه وبنتي مش مرتاحه يبقي إيه لازمة العيشه اللي هتعيشها  فكر  في راحة بنتك بكنوز العالم

................................................................................

كل الكلام ده كان لاشيء بالنسبه ليه  واقتناعه التام إنه كده بيحافظ علي مستقبلها  وافق علي الخطوبه ومر شهر واتنين وتلاته وحنان جواها احساس بالخيانه بس غصب عنها لكن بقت ملازمه علي دعاء :- اللهم لا تعلق قلبي بما ليس لي ولا تحرمني ممن تعلق به قلبي

كان دعاءها في الليل وفي النهار في كل سجده  وفي كل وقت

.....
_حاسبي  ياحنان حنااااان حنااااان

=وكان دي أخر كلمه سمعتها حنان وهي خارجه من شارعهم كان صوت أحمد وقبل ما تتلفت علي صوته كان مرميه علي الارض جثه هامده و......

ونكمل الجزء الأخير بكره ان شاء الله ♥

#هاجر_محمد_حبيبه

#hagermohamed_habiba.