|3|
_لحد هنا وإيدك لو اتمدت هقطعها لك
حنان بخوف :- أحمد هو كان بي
قطعها أحمد بهدوء :- هششششش مش عايز ولا كلمه غير إنك تسبقيني علي العربيه..
حنان لسه هتتكلم صرخ أحمد عليها بعصبيه :- إنتي ما سمعتيش أنا قولت إيه
بصت حنان علي عيون اللي بتابعهم بكسوف وانسحبت بهدوء
_ممكن أعرف إنت مين وبتتكلم معاها كده ليه
هاجر محمد. حبيبة
مسكه أحمد من طرف ملابسه :- أنا الدكتور أحمد قاسم السويفي جوزها والمره دي اعتبرها تحذير ليك لأني لو لمحتك بس قريب من المكان اللي فيه حنان هعلمك الأدب اللي أهلك نسيوا يعلمهولك
┄┅── ✿✿✿✿✿✿✿✿ ───┄┅.
_ممكن أتكلم معاك شويه
=لأ وياريت تطلعي بره لإني مش طايق أشوفك ولا اتكلم معاكي ياحنان فالاحسن ليكي وليا إنك تسيبيني في حالي
حنان بدموع :- بس أنا عايزه أتكلم ياأحمد بقي لي أسبوع عايزه أتكلم وانت رافض طب جرب تسمعني
وقف أحمد قصادها بعصبيه :- أسمع إيه... ها أسمع إيه بعد عمايلك اللي صعب اي بني آدم يتحملها وكام مره نبهتك إن في هنا صبر لو نفذ مني ياحنان هتشوفي واحد تاني وأنا خلاص جبت آخري
حنان ببكاء :- طالما جبت أخرك كده طلقني وارمي الحمل اللي إنت شايله علي اكتافك غصب عنك ده
خطف أحمد مفاتيح عربيته وخرج متجاهلها تماما وهي بتصرخ بصوت منهار :- أنا كمان تعبت من العيشه دي وعايزه اطلق
┄┅── ✿✿✿✿✿✿✿✿ ───┄┅.
=معلشي يا مي ياحبيبتي ممكن تشوفي مين بيخبط
_حاضر ياطنط...... فتحت مي الباب وأول ما شافت أحمد اترسمت ابتسامه سعاده علي وشها :- أحمد. عامل ايه وحشتني
رد أحمد برسميه :- إزيك يامي وإزي خالتي عامله ايه
مي :- كلهم كويسين ما عدا أنا مش كويسه خالص من غيرك ياأحمد
حمحم أحمد وتخطاها وهو بيقول :- هي ماما جوه
اتجمعت الدموع في عيونها :- أيوه جوه
دخل أحمد :- ماما
=أحمد حبيبي تعالي أخيراً افتكرتني
باس إيديها باشتياق :- وأنا أقدر أنساكي ياست الكل وحشاني والله
=وانت أكتر ياحبيبي.. كملت بعبث :- أومال مراتك فين
أحمد :- تعبانه شويه وأنا اللي أصريت عليها ما تجيش كان نفسها تشوفك
=تعبانه.. تبقي حامل صح أكيد حامل
أحمد برفض :- لا ياماما حنان مش حامل ده دور برد بسيط
