رحم الحياة

|8|الأخير

_عاصم بيه إنت مطلوب القبض عليك

رد عاصم بألم من ضرب أحمد :- مطلوب القبض عليه أنا.... أنا ما عملتش هو اللي اعتدي عليه وضربني و و وكمان هددني بالسكينه وكان عايز يقتلني

أحمد :- لأخر لحظه الوساخه في دمك.. عايز تعرف مقبوض عليك ليه عد معايا ياسيدي أول حاجه متهم بقتل رائف السويفي والشروع في قتل ابنه والتهمه التالته بقي إيه مفجأه مش هتتخيلها.. ابتسم وهو يتابع :-عد لحد 3 وانت تعرف

بعد ثواني قليله جدا رن تليفون البيت، أحمد بص لعاصم :- رد ياعاصم  

مشي عاصم بتوتر ناحية التيلفون مسك السماعه :- ألو

رد المتصل :- إلحق ياعصم بيه الشحنه كلها ااتشمعت بالأحمر والبوليس جاي يقبض عليك

عاصم بعدم فهم :- شحنة إيه أنا مش فاهم

قرب الظابط وأخد التيلفون من علي ودنه واتكلم بشده :- شحنة الهيروين اللي إنت جايبها في المواد الخام ياعاصم بيه... إنت مفكرها لعبه.. بص للعساكر :- تعالوا خدوه

مسك العساكر عاصم وهو بدأ يصرخ :- ما حصلش والله ما حصل أنا ما أعرفش بتتكلموا علي إيه.... اللعبه دي من أحمد السويفي علشان ينتقم مني أنا ماليش ذنب

بعد رحيل عاصم سفيان بص لأحمد بنصر وكور إيده وأحمد بادلها معاه بضربه خفيفه وحضنه بعض بسعاده :- أخيرا العدل اتحقق

أحمد :- الفضل يرجع ليك بعد ربنا ياسفيان إنت بالنسبه لي أكتر من أخ

سفيان :- صحيح أنا مش شايف الزفته اللي إسمها دريه هي هربت ولا إيه

قاطعتهم حنان :- لأ عاصم مديها مخدر كتير وأكيد هي لسه نايمه

نده أحمد بصوت عالي :- دلال يادلال

حنان :- ما فيش حد من الخدم هنا عاصم كان مدي الكل أجازه.... أنا ممكن أطلع أشوفها

هز أحمد دماغه ليها، طلعت حنان علشان تشوفها مسافة ما وصلت صرخت باسم أحمد :- أحمممممممد

طلع أحمد وسفيان جري علي صوتها وأول ما وصلوا عند حنان وشها كان أصفر ومخضوض جري أحمد عليها بقلق :- مالك ياحنان

شاورت حنان عليها بخوف :- د د دريه م ماتت ماتت
بص أحمد علي دريه :- إنتي مش بتقولي إنه مديها مخدر آكيد بس لسه تحت تأثيره

حنان :- بس كميه كبيره وقلبها ما اتحملهاش

أحمد بغضب :- الحيوان هو إيه شيطان عارف إن مراته عندها القلب إزاي يعمل فيها كده ده يستاهل الإعدام في ميدان عام وكمان قليل عليه

سفيان :- أنا هطلب الشرطه.. وانت أخرج بحنان من هنا

خرج أحمد بحنان وسفيان غطي دريه وبالفعل خرج كلم الشرطه