اسكريبت 3
واقف من بعيد بيراقب حالتها محتاج يتطمن عليها مهما كانت الظروف صدمه كبيره مش قادر يستوعب إنه سمعها حنان مش هتقدر تشوف تاني اترددت صدي الكلمه كتير في ودنه اكيد مش حقيقه اتحرك للغرفه اللي موجوده فيها .. شافها وهي في حضن مامتها بتعيط جامد بتعيط بألم مش قادر يستحمل إنه يشوفها بالشكل ده
لاحظ أحمد خروج أبوها مع عريس الغفلة حاول يستخبي في أي مكان لكن قدرا وقفوا علي بعد مسافه بسيطه منه مكنته من إنه يسمع كلامهم علي غير قصد
= عمي أنا مقدر الظرف اللي الانسه حنان بتمر بيه لكن أعذري أنا عايز اتجوز واحده تخفف الحمل عليه وتكون راحتي مش عايز اتجوز واحده تكون عاله عليه
_إنت شايف يابني ان ده وقت مناسب للكلام ده
رد بكل جحود وعدم رحمه :- يمكن بالنسبه ليك انت مش مناسب لكن إنت شايف الدكتور قال إن ما فيش امل إنها ترجع تشوف تاني وأنا مش هضيع وقتي بعد إذنك
مشي عريس الغفله ووالد حنان حس ان الارض بتلف بيه هو ده اللي كان شايفه أمان لبنته ما استناش حتي لما جرحهم يبرد وطعنهم بخنجر فيه . حس بدوخه جامده وقبل ما يفقد توازنه أكتر كان فيه إيد ممدوده ليه بكل قوه وبلهفه :- حاسب ياعمي عادل
بص له عادل بتعب :- الشيخ أحمد
ساعده احمد انه يرتاح علي أقرب كرسي :- ثواني هجيب لحضرتك حاجه تشربها
الصدمه ملجمه لسانه مش قادر يتكلم هو ده اللي طرده من بيته هو ده اللي اهانه هو ده نفسه اللي بيساعده
مر يوم ورا يوم خرجت حنان من المستشفي وطول المده دي احمد بيساعدهم وبيطمن عليها من بعيد لبعيد لكن حاسه ان باباها في حاجه متغيره علي الرغم من كل الوجع اللي جواها لكن كانت بتحاول تحسس كل اللي حواليها إنها كويسه وطبعيه
وفي يوم دخل عليها باباها وقعد جنبها
=إيه ياحنون ياحبيبتي مش جه الوقت اللي لازم تستعدي فيه لفرحك ولا إيه
بلعت ريقها بألم لكن اتكلمت بنبره عادبهث:- إيه ياأبو حنان عايز تخلص مني ولا إيه
=لا طبعاً بس العريس مستعجل
_هو لسه فيه عريس أصلا
=بس يابابا انا دلو
منعها تتكلم وكمل هو : دلوقتي أحسن من غيرك كتير وهو راضي وعايز كده وأنا إديته كلمه وقولت له إن كتب الكتاب بكره.. إيه ناويه تطلعيني عيل صغير مش عارف يمشي كلمه على بنته
نكست حنان راسها بخزي:- العفو يابابا اللي حضرتك شايفه اعمله
بدأت التحضيرات في البيت والكل فرحان بشكل غير عادي إلا حنان مش بتفكر غير في أحمد نهرت نفسها كتير :أنا هتتجوز واحد تاني متحملني برغم اللي فيا أكيد ده شخص ما فيش منه لازم أنسي أحمد لازم أنساه بأي طريقه
بدأت تحضر نفسها وتحاول تشغل عقلها علشان ما تفكرش فيه بكل الطرق الممكن
تم عقد القران وجه وقت امضة حنان مسك باباها ايديها وبدأ يوجهها للمكان وقعت وبصمت وهي جواها عايزه تصرخ وتقول لا لكن خلاص قضي الأمر
لكن بمجرد ما خلصت حست بحد شالها من علي الأرض ولف بيها كتير لدرجه إنها حاست إن هي طايره
أول لمست الأرض حست بيه بيقرب من دمغها :- أنا مش مصدق ان ربنا جمعني بيكي ياحنان
صوته أكيد هي بتحلم اكيد تهيوئات ده أحمد مسكت في إيده جامد وهمست :- أحمد
_ ياربي أحلي أحمد سمعتها في حياتي
فضلت تلف وهي لسه مش مستوعبه :- بابا.. بابا
قرب منها أبوها ومسك ايديها بحب :- إيه ياحبيبتى
=هو ه ه هو فيه ايه أنا مش بحلم ولا بيتهيألي صح أنا اتجوزت مين مين اللي بيتكلم معايا ده
_ أحمد ياحنان يابنتي أحمد
نزلت الدموع سيول من عيونها وهي مش مصدقه :- إزاي يابابا إزاي أحمد
= من يوم ما خرجتي من المستشفي والشيخ أحمد مصر ومستعجل علي إنه يتجوزك وده اللي حصل
حنان ماعرفتش تعمل حاجه غير ان هي سجدت في الأرض شكر لله وفضلت تعيط كتير واول ما خلصت حست بأحمد جانبها مسك ايديها وطبع قبلات كتير عليها
حنان :- كنت متأكده ان إبتلاء ربنا ليا هتكون نهايته خير بس ما كنتش متوقعه إنه كرمه هيبقي واسع أوي كده
أحمد :- كرم ربنا كان ليا أنا ياحنان أنا دلوقتي مش هطلب حاجه من ربنا تاني غير إنك تكوني زوجتي في الدنيا وفي الآخرة
=ولو فضلت عمري كله مش بشوف مش ه
منعها تكمل وكمل هو :- هتفضل بصري وبصيرتي وكل حياتي والنور اللي فيها
_بحبك ياأحمد
= وأنا زهقت يابنتي بقي وكتب الكتاب ما ينفعش أنا عايز اتجوز ياعمي بنتك دلوقتي
ضحك الكل علي أحمد وفعلاً اتجوز حنان وعاشو في تبات ونبات وخلفو صبيان وبنات وما كانتش الفلوس هي مقياس السعاده والا الفقر مفتاح التعاسه الحب والتفاهم والوود والاحترام هم اللي بيامنو سعادتنا
أحبكم في الله 🌸 هاجر محمد 🌸 حبيبة 🌸
#هاجر_محمد_حبيبه
#Hagermohamed_habiba
