بين ثنايا القدر أنتِ لي

بين ثنايا القدر أنتِ لي

#رغدجعفر

.....الحلقه 22......

اروحن وين
مامش واحد من اهلي ...
واجر حسرات
بس الناي احس مثلي ...

اروحن وين
واشوف اوجوهم تطرد ..
وين الگه
اليفك قلبه ويگلي اگعد ..

انه المبيوگ
ضحكة وتاهمينه بحگ ..
انه الطفيت
نار الناس وادري بنارهم تحرگ ..

ــــــــــــــ

اسد...طحت بلكاع ماحسيت بشي كل الي اتمنا لو اكعد والكه نفسي بحلم لو اكعد والكه كل هاذ مصاير لو اموت وماريد

اكعد الحقيقه مره صح الحقيقه مره وهاي حقيقتي ويه الحبيبه..

رحال ....لك خويه شببيك كووم ..

علي... شبيك اسد جاوبني ضليت اضرب بخده حتى يصحه صحت على مهاب واجوي كلهم غسناله وقاس ضغطه مهاب لكا مرتفع نطينا علاج من علاج ابوي وشويه صحه ...

اسد....كل ضني افتح الكه لصار حلم بس لا هاي حقيقه ونكتبت طمنتهم مابيه شي

بس انه روحي مهدوده لصدمه خلتني ماحس نفسي شتريد

طريق طويل وصلنه بليل حتى مارحت لبيتي بفراش شيختي هيه دواي لكل راح من بعد ماعرفني مالي خلك ياناس انه موش مريض انه مسلوبه رويحته ولسالبهه اعز ناسي ايد نحطت على راسي..

الشيخه.....تهون يايمه تهون طلعهه من كلبك وبالك ومن تشوفهه شوف مياده بيهه

لخاطر خوتكم ماريدكم انت ورحال تتخاربون على نسوان...

اسد...عليش هيج صار شيختي عليش تعبت وحك الله تعباااان

انه صار عمر عاشكهه واخاف عليهه من لهوه عليش هيه بلذات وعليش اله رحال اله اخوي وروحي لثانيه ياخذهه والله لو غريب محلوله

طلقه بنص كلبه واخلص منه بس هاذ خويي يااا شييختي تعباان وموجوع خلصيني من هاذ لوجع..

الشيخه....مسحت دموعي بشيلتي وانه اشوفه مكسور ومثل لنسوان ينوع ويحجي ومايكدر يسوي هيج تخيلته هوه صغير كل مايتعور يجيني شيختي خلصيني من هاذ لوجع واكعد اداري طول ليل بس هساع ماكدر يوليدي اخلصك لبيك جبير عليش ضميت عليه وماكتلي جان ماخليت هاذ كله يصير...

ااااخ شيختي تتذكرين يوم زعلتي عليه وكتلج طيحتي ماخلتني اجيج واسلم عليج انه من هاذ ليوم عشكتهه ودخلت بروحي وتربعت بكلبي بيومهه طاحت ومن طيحتهه طيحتني وياها

اريد اموووت ياشيخه ارريد اموووت لهسه مامتخيل ولا مستوعب لصار عبن لو اشوفهم سوه ثنينهم شلون اموووت والله اموووت..

تعوذ من ابليس وكوم لبيتك نام تلكه مريتك وجهالك...

ماريد اشوف مرتي كل منهه هيه لسبب لو جانت ماليه عيني ماتخلي وحده غيرهه تتربع بصدري كل منهه شوف لبسهه انه اغار منهه لاتباوع عليهه  شوف جسمه طالع شعرهه طالعه رجليهه مبينه  وخلتني بسوالفهه هاي اعشكهه فوك لعشك عشكين رفعت راسي كتلهه شيخه يعني راح تصير اله يعني تعيش بصف بيتي وكدام عيني صورتهم وسوالفهم وضحكهم...