بين ثنايا القدر أنتِ لي

بين ثنايا القدر أنتِ لي

#رغدجعفر

......الحلقه42.....

لاچن گعدنه سوة ولاچن حچينه وياك
عليتني للسمة وهديتني من هناك

لميعة عباس

نازك....اخذت بنتي ودخلت جوه صاح وراي لا تتأخرين فكري بسرعه مااضمن حماج منا لباجر اسد وعندج لحساب

ليل بطوله منمته محتاجه اهلي محتاجه سندهم محتاجه وكفتهم وياي بس اني خذلت لكل وصغرتهم شترجه منهم هسه قررت اوافق

وشيصير خلي يصير واروح يم اهلي حتى لو تزوجت اكيد زواجنه يكون على لورق ثاني يوم كلت انطي الموافقه عقل ماضل براسي كمت اتخذ قرارات بدون وعي كله منج سرور ااااه ياوجعي

نمت ويه الفجر فزيت على صوت لباب يندك قوووي اعرف هيج وكت محد موجود كلهم بالدوام بعيوني لنعاس كمت بسرعه اول مفتحت لباب صار بوجهي

اااااسسسد؟؟؟

اسد....وصلت لاربيل بعد وكت طويل بس انه ماندل بيتهم بالظبط
اتصلت على علي رد وهوه نايم

علي....هلا ابو زيدون خير صاير شي اكو اخبار عن نازك...

اسد...اكلك بيت خالتك بأربيل ..

علي...شبيهم..

رايد عنوانهم...

اسد....اخذته منه وعلى الوصف سألت ماشاءلله معروفين خسفت الباب وانه اريد الزمه كون هسه ابرد كلبي بي

طلعتلي مو مثل كل مره اشوفها من تكعد من النوم  لا هالمره غير لعيون ذبلانه بانت علامات لتعب والخوف على وجها مع ذالك تمثل القوه
ووينه هاذ لمسمي نفسه رجال خلي يطلع ...

نازك....اااسد رروح ارجع منوين مااجيت لبيت فاارغ كولهم بالدوام...

اسد...كضيتها من شعرها ودخلتها جوه كتلها

هوه هاذ لمطلوب

اول مره ايدي تتجرأ وتنرفع عليها
ضربتها راشدي وكعت بالكاع ردت اكمل عليها بس لمنعني لابسه تشيرت رحال ااااخ ياخويه اااخ مكدرت حتى احجي كمت من عدها افتر وبيدي جكارتي كعدت وهيه لسه بالكاع شعرها منثور مغطي معالم  وجها ايدها على خدها ماانطت اي ردت فعل بس انه اغلي
تكربت منها كضيتها من شعرها ورفعت راسها بيدي

هاا اشوفنج ساكته ووووين لسانج بلللعتي
متتتحجين شنووو خررسه صرتي...

نازك....اول مره انضرب بحياتي كولها احس شي بداخلي نكسر كل هاذ مو همي همي بنتي وشحيصير بعدها

همست

انتو وصلتوني لهاي لمرحله لمفروض تحاسب لجان لسبب موتحاسبني اني

عتني من شعري وايدي على ايده اريد يرخي قبضته كال

لللج ااكو مره تعوف بيتها وبيت رجلها وتأخذ بته وتطفر شنهي شفتينه طراطر كدامج وان جان الج حك تاخذينه من عيونه بس لااا انتي تبعتي عقلج ليابس وخابرتي هاذ لمكطكط ابن خالتج لمسوي روحه رجال واجيتي تختلين بسده عدالج ماندل مجانج الكطج حتى يوو بجهنم شعبالج ماعرفن وين كاعج...