بين ثنايا القدر أنتِ لي

بين ثنايا القدر أنتِ لي

#رغدجعفر

.....الحلقه 37.......

تعال وعدهن وياي
طولك حبك حضنتك
ليلي المساهر النجوم
دليلي الذاب بهواك
شرد اعد منهن
مناطرك لوجه الصبح
شوفتك جنهة بلسم جرح
يالطولك نبع
يالمفصل علي مثل ثوب العروس
يالمعطر عطر المسج
ارجع لحضني يالعزيز موكلبي
من الونين يون

الشعر هديه من احدا المتابعات💔

البارت قصير اسم الله عليكم شويه تعبانه كوه نشرتلكم💔

نازك...شكد حتاجيته بوكتها حاجيته كومه بس مااجه ولا شفته وياهم لويش هيج حبيبي تعرفني بأمس الحاجه إلك تتركتي وحدي..

سرور....اكلك هاذ موش صوت مرت لمرحوم...

اسد....جنت اصلي بست لتربه وشلت لسجاده اي هوه هاذ،صوتها طلعنه لكيناها بالباب

هاا يبووي حاجيني ..

اااه بطني اااسد يمكن حولد...

سرور...كومي لا جيبين هناا دكومي ...

نازك...سندتني وكعدتني على مسطبه عدنه بالحديقه
عفيه سرور فدوه جنط تلكهيهن بغرفه لبيبي جيبيهن

اسد دخل جوه ورجع ويا امه ومرت عمي حتى عمو جبل والشيخه من شفتهم حسيت الوضع الاني بي صعب شفت دموعهم كأنو راح يلتقون بالحبيب ..

الشيخه....شدي حيلج يحبوبه ان شاء الله تكومين بالسلامه..

نازك...وجع يزيد مينقص كمت اتلوه بدون صوت اشوف اسد يركض يروح لبيتهم ويدخل لبيتنه اخر شي كال يلا صعدو اتصلت على بنات بالمستشفى تحضرن خطيه دخلت وياهن بعد مشفت واحد بيهم
متت اريد اولد ماكو ...

طيبه....يمعوده توسع معندج شلون تولدين..

الاء...خليها تطلك بعد بلكت ولاده طبيعيه....

نازك...٤ساعات هنه سانداتني ويفترن وراي حسيت رجليه صارن خيوط كتلهم نهى وووين صيحووهه..

هسه تجي بالطريق مابقه شي...

نازك...ماتحملت وكعت اجت نهى فحصتني
كالت عمليه وضعج ميسمحلج ولاده طبيعيه..

الاء...راح اسويلها طبله وانتن صعدنها راح اخابر كم دكتوره عليها هناك شدي حيلج نزوك ان شاء الله تكومين بالسلامه ..

اسد....كم ساعه مرت وكل شويه تطلع وحده من دكتورات تكول بعدها طلعت هالمره كالت تحتاج عمليه وضعها صعب سويت وياها الاجرائات ودخلوهه للعمليات نطونه غرفه فوك نتضرناها اهلها وصلو ملهوفين على بتهم...

نازك....فتحت عيوني بثقل اسمع بس صوتهم يمي غواش ودنيه دور بيه كل مااصحه احس وجع يذبح بطني حسيت على صوت امي ..