بين ثنايا القدر أنتِ لي

القدر ♡17♡

بين ثنايا القدر أنتِ لي

#رغدجعفر

......الحلقه 17.....

شلونكم حبايب
تدرون ليوم مو موعد بارت بس هيج نسوه وكتبتلكم بعد ماكدر ماانزله لان اني حبابه وكتبت بالعافيه عليكم😁

حاسديني ، جروحك محلياتني
چا دواك شكد حلو يسوّيني .

هيام..اني اشرف من الشرف لوانت رجال افهمهه

عفته وطلعت زين خلصني المصعد نفتح روحي ذابله اتهرب منه ومن نضرات عيونه

لكل يبارك من الاصدقاء واثنينه خافين خزنه دخلنه واجب علينه نبين البسمه على وجوهنه كملت الدوام طلعت محد جايني هاي وينهم لا بابا ولا واحد من لولد فززني صوت الهورن ..

مهاب...نزلت لجام

صعدي اوصلج لا تضلين جنج صنم واكفه بنص لشارع...

ميحتاج روح هسه يجون منتضرتهم ...

محد يجي ولا تنتضرين اني كلت لاخوج من شفته الصبح اني ارجعج صعدددي فضيهه...

صعدت بهدوء ومحجيت ولا كلمه وصلت للبيت نزلت وحتى ما سلمت علي عفته ودخلت ..

محمد....هلو بابا شنو وين خطيبج..

بابا صدك تحجي محد جايني خليتوني ارجع ويا تره موحاله هاي والله..

احمد....وشبيهه حالتج عيني معاجبتج لولد كلي اني ارجعهه وافقت غير هاذ خطييج لولا ...

محمد....موهيج بابا موهيج بابا ترى هاذ خطيبج وبحكم زوجج هوه لمسؤول عليج بس ترحين يمه...

بابا انتم تعرفون بيه شنو وتعرفون اكثر نجبرت علي لان هوه السبب بالصار وياي...

احمد.....لااااا مووهوه السبب

عندج علم احنه صار سبوع من نشتغل على موضوعج اني وخطيبج
لمايعجبج

وليوم خابروني وعرفت الولد وصاحب لرقم منو بس ماكدر احجي واكول لخطيبج

بس هين اني رايح واخلي ياخذ جزاته..

بقيت صافنه بوجهه يعني مو مهاب لهيج سوه منو لعد دخلت لغرفتي حايره وماعرف شكول مصدومه وروحي متتحمل صدمات ...

نازك...الوو هلو شلونك..

اسد...هلا بويه رديتي يو لا..

لسه محاضره وحده واطلع..

ماشي تلكيني بلباب ...

تمام بالك على نفسك

معرف ليش ضجت من كال اجي كل ضني طوويل يجي ياخذني

كملت المحاضره وفعلا لكيته بلباب لابس لبشت ويدخن
هلوو

هلا بويه دشي داخل جو حار وانه صار ربع ساعه منتضر ..