بين ثنايا القدر أنتِ لي

بين ثنايا القدر أنتِ لي

@Raghad Jafar

.....الحلقه24.....

عاشت ايدك وماخابت ضنونك
سويت التريده وذبت بعيونك
ليحس بالوحده غير لوحده جاي يعيش
انه بالهوسه احس بالوحده من دونك
عشنه بحلم انه الماشي بي جناز
وانت الهاشمي يبرج على متونك
بس بحضظك وبختك شكو لجمه
يالمتعافي يالماتعرف النعمه
عساك بواحد يعيشك مرار وياك
وشماكتله كافي يرفع خشمه
ردنه نصير واحد بس بقينه ثنين
انتهه لبيناتنه وكلمن مشه لحلمه

حاله اسد بليله عرس نازك جسدتهه بابيات شعر او بلاحره هوه لسان حاله يحجي اقروهه ولتعبروهه

سما...اباوع بوجهه صدك كرهته نزلت دموعي جرتني مياده وهوه بدل شويه ودز عليه بيدي عدلتله قاطه ماعرف شنو يحس من يخليني اسوي هيج ..

مياده....يلا مشينه تأخرنه ومامبدلين...

اسد...حضرته بيدي وعطرته بيدي وانه اباوع لغرفتهه وغراضهه لمرتبه على لميز عطرهه لاحبه وسيت عرسهه معلك بزاويه لغرفه حسيت بدوخه دارت روحي قبل جسمي..

رحال...شمالك يخوي شبلاك ارتاح هنا

صحت على لولد شربو عصير نكسر كل واهسي للعرس ماضل منا هيه ترتب بيه ومنا قهري من شفت دموعهه لو على اسد لحالته ماعاجبتني ...

مياده....هلكت من كد الفره  من وصلو من بغداد اخذت لجنط ورحت اني وسما نرتب ونرجع

شكد جايبه رغم هيه هنا مشتريه هواي شغلات هم رتبتهن الهه من جابو لغرفه خليت لجنط بلغرفه لفوك

رحت بدلت بسرعه ورحت لبيت اسد بشارع لناس مكلوبه

باوعت عليهه لابسه فستان لعرس صدك مطلعهه اميره اجمل عروس شفتهه مكياج هادئ  ويه شعرهه الي لونه يحير لطبيعه وعيونهه لمرسومه ولزراك لبيهن مثل لبحر لمحدد ولماسكه بيدهه

وياها بناتهم وبعض اقاربهم لكل جاهز رجعت لبيتنه بعد مااخذت ملابس مالات اسد ونطيتهن بيد لولد يودوهن لبيت رحال للعصر كالو يلا راح تطلع لزفه من بيت اسد للمصور وترجع لوادم لبيت رحال وفعلا ماقبلو هواي يرحون بس العروس وياها سياره وحده مال نسوان وجماعته لولد ..

اسد...ماردت اروح بس ابوي كال تاخذ سياره ويا رحال خاف يحتاج شي وصلنه للمصور نزلوهه واشوف ملاك لابس بدله عرس

بوكتهه كلبي انطه قراره نازك ماشفتهه بدله لا اعتبرتهه لابسه جفن وماتت بالنسبه الي من هاي لحضه

دشو تصورو وطلعو عبالنه نرجع لبيت رحال ماقبلو كالو ناس تتعشه تريد وكت طويل بعد واذا راحت لعروس لبيتهه لكل يدش وراها ومانريد بيتهم ينداس رجعناهم لبيت ابوي للمغرب صار لرمي ولهوسات ...

نازك....توتر يملكني طول ليوم هوسه ودوخه واعصاب تلفانه رحنه صورنه حسيته متوتر اكثر مني شكله موطبيعي كأنو واجب يريد يادي ويخلص