بين ثنايا القدر أنتِ لي

بين ثنايا القدر أنتِ لي

#رغدجعفر

أضحى مبارك
‏أدام الله عليكم بهجة أعيادكم بقرب مَن تحبون وأنتم بأتم الصِحة والعافية وأن يرفع الله عنا البلاء والوباء
كُل عام وكل أهلي وأصدقائي وأحبابي في عِناق لا ينقطع ابداً من
الحب كـــل عــام وأنتـم بخيـــر

عيديتكم👇🥰

.....الحلقه 44......

‏يُجيد ألف بيت فصيح و يلعثمهُ الحديث عن شعوره.

نازك....كتله هسه اجي لبست ورحت لهناك لكل ملتم خير ياطير شعدهم
حتى اقاربهم  موجودين كلت بس السلام عليكم وكعدت خليت بنتي بحضني اجه زيدون يمي يلاعب بيها كتله كمل اكلك حبيبي وحده من النسوان كالت ولك زيدون من هسه مبين عليك مسحول سما من يمها حجت كالت اي عمه جاا شعدالج هنه بنات بغداد ضالات بس يسحلن بالزلم

جاوبتها سرور  اي والله خيه  عينك عينك ياخذن الزلمه من نص بيته انه وياج خيه مضلومات

نار تغلي داخلي من كلامهن اخر شي نفجر لبركان واجاهن الرد

اسد...رجعت بليل دشيت للبيت لكل ملتم محد يعرف بيه انه واصل
اسمع حجيهن واباوع عليها خانسه لسانها بس يمي شطوله
رفعت راسها رادت تحجي دشيت انه حجيت بصوت عالي لكل فز من مجانه ودار عليه

المره لبيها خير ماينوخذ رجلها من عدها بعدين شبيهن بنات بغداد
والله انه ماارضه واحد يحجي على بنات بغداد يااابنات عمي تعرفن عليش ماارضه جيف مرتي نازك تمثل بغداد كلها لااااا والله عندي الدنيا كلها موش بس تمثل بغداد وهاي اخر مره اسمع اي مخلوق يحجي ويبسمر وبلاخص الكلام ليقصد مرتي ليمسها يمسني لعنده شي وياها خله يجيني ونتواجه اانه ويا لا يضل يهوبز وحده...

نازك...حرامات اجه مووكته جان كمت نومتهن بالسفره اخذت بنتي وكمت ضلو يسلمون علي وسرور وسما سكتن عبالك شافن عزرائيل وصلت يمه كضني من زندي همس اوكفي وبنتي شافته بااابي خبصتني اخذها من ايدي  ...

اسد....يروح ابوج وكلبه تعالي ليه اااخ ياريحتج من اشمج ترد رويحتي باوعت على سرور مدنكه على النعمه وتاكل 

ااكول سرور لحكيني بصينه عشه مرتب تعبان وجوعان...

سرور...دلل ابن عمي روح جدامي وانه جايتك...

اسد....خوش تلكيني عد بت بغداد موتأخرين...

نازك....ياسالفه لماتخلص اباوع عليها ضلت تغلي عبالها يروح لبيتها
جريت بنتي من عنده كتلها تعالي ماماتي ابوج تعبان خلي يرتاح اخذتها مشيت خطوتين سمعتها كالت منين اجه ابوها
درت وجهي راجعه بخطواتي الها كتلها

عفوااا
اي ابوها عندج مانع ليكون عبالج الاب او الام بس ليخلف لا عزيزتي مدام نطقت كلمه بابا يعني تشوفه اب الها وهوه يشوفها بنت اله
بعدين اذا انتي تفرقين بين زيدون وغسق ونيزك اسد ميفرق ويعتبرهم ثلاثتهم اولاده