تبعثر الكلمات (اسكربتات)

اسكريبت:

: هااا يا ماما وبعدين

الام : افضلي اعملي كدة علطول وبعدين هتقابلي العريس يعني هتقابليه

سارة: يا ماما افهمني انا لو اتجوزت اسيبك لمين طيب لا طبعا انا هقعد معاكي وبعدين جواز اي وبتاع اي وقرف اي انا كدة فل

الام بإنهيار: ادعي ربنا ياخدني طب عشان تتجوزي وتريحيني ...

قاطعتها سارةوهى تضع يدها على فمها : بعد الشر عليكي يا ست الكل ..وبعدين هو انا مدايقاكي يعني عشان عاوزاني امشي

الام وهى تبعد يدها وتنظر لها بحنان : يا حببتي انت منورة عليا البيت وملياه بس اخواتك اتحوزوا اهم ومتعبونيش زيك ..انا لو موت مش هيبقى لي حد تتوكلي عليه يا بنتي ..واخواتك كل واحدة في بيتها وحياتها دلوقتي

سارة : يا امي ربنا يخليكي ويطول في عمرك ويرحم بابا ويغفرله ...انت دلوقتي عاوزاني اتجوز ليه

تشنجت ملامحها وضربت على فخذها وقامت خارج الغرفة : يااااااا رب انا تعبت منها ومن عامليها يا ررب

ضحكت بخفوت ونظرت للاب امامها وهى تقول بضحك: كل يوم تيجي اسمعها نفس الاسطوانة واستفزاها تمشى تقول نفس الاسطوانة ربنا يهدي ...لقت رسالة ع الماسنجر من حساب غريب ومن غير صورة فتحتت بإستغراب :《 هاجي النهاردة عشان اتقدملك ..ان شاء الله تبقى حلالي ...وبطلي تزهقى في مامتك صوتها جايب لحد هنا هههه انت عاملة زي الطفلة الشقية يا سوسو ..مستنيكي باليل

جوزك ابو عيالك》

هى وهى تعمل بلوك : سوسو ..بلا سوسو بلا وكسة ميعرفش اني سرسجية زماني ال سوسو ال ...وابو عيالى قال ..الهي يتلم عليك عيال الشارع يبطحوك يا جدع

وخرجت وجدتت امها تتحدث بالهاتف : لا يا حبيبي احنا مستنيناك ان شاء الله باليل ...ان شاء الله هتوافق متخافش انا بنتي هبلة وبيضحك عليها بكلمتين حلوين ...ماشى يا حبيبي ههههه عنيا حاضر ...لا دا انا عملالك دونتس بالشوكلاتة كمان ....اومال انا مش اي حما يا واد ...ولا انت هتاخد اي حد دي جوهرتي ..ههه ربنا يحفظك ياحبيبي ويجعلها من نصيبك ...هكتر من الدعوات متخافش...وانا حبيتك واعتبرتك زي ابني اللى مجبتهوش ..ربنا يخليك يا رب في رعاية الله ..مع السلامة ..مع السلامة

قامت للمطبخ وجدت سارة تقف على باب غرفة الجلوس وتضع يدها على وسطها وترفع حاجبها وتقول : ودا اي دا بقى ان شاء الله

ذهبت امها واشاحتها بيدها ..ابعدي كدة ..ودا اي دا العريس ياختى جاي باليل اجهزي بقى وياريت متقوليلوش كلام سم وتبطلي عاداك المهببة في الأسئلة البايخة

سارة : مش فاهمة هو مفيش فايدة يعني لكام مرة هقولك لا مش هاسيبك

الام بزعيق : وانا لطام مرة هثولك حرام عليكي انا تعبت جبتيلي الضغط ...يا بنتي انا عايشة بخير ...لو عاوزة تريحيني اتجوزي انت قاعدة جمبي كدة فرصتك بتقل وحسرتي بتزيد كل ما يزد عمرك كل ما هيقل العرسان وتبقى عانس وانا مش هاعيشلك يا بنتي