تبعثر الكلمات (اسكربتات)

اسكربت: الصُحبة الحلوة🖤

#قصة_قصيرة

📱تررررن ترررررن
:- امم الو ..
:- اي يا بنتي فينك برن بقالى برن قد كدة
:- معلش يا سارة كنت نايمة
:- اها طب عاملة اي
:- انت مكلمانى عشان تقوليلى عامله اي؟
:- اه وكنت عاوزة حاجة
:-😴 امم اي
:- عاوزاكى تحليلى الواجب عشان اتفرجت ع المسلسل امبارح ونمت ملحقتس اعمله بصي قومى كدة افتحي كتاب العربي وصفحة □ عشان تحليهالى عشان المستر قرب يجي يلاا
:- امم طب انا مش فايقة والله نمت متأخر
:- يووو بقى يا يارا انجزى وخلصيني المستر هيجى يهزقنى ..هو مش الصحاب لبعضيها بردو
:- حاضر يا سارة قايمة اهو .....قولتى صفحة كام
:-صفحة□
:- تمام بصي اكتبي عندك
:- ها
(وحلت كل الواجب)
:- قلبي يا يارا ربنا يخليكي يا حب هقفل عشان المستر جيه بوباي
وقفلت السكة من غير ما تسمع رد
بصت يارا للفون :- كلبة..ومهتمتش ونامت
واتكرر الموضوع كتيير بتكسل سارة تحل الواجبات وتخلى يارا هى اللى تحلهومها لدرجة فى مرة
📱 ترررن
:- كح كح الو
:- اي يا يويو عاملة اي يا حببتي
:- الحمد لله تمام كحكح وانت اخبارك
:- الحمد لله ..مالك؟!
:- مفيش استحميت وخرجت فى الهوا فأخدت دور برد
:- ااه الف سلامة بس انا زعلانة عشان مجتيش النهاردة
:- معلش انا اصلا تعبانة خالص كحكح
:- الف سلامة عليكي ..معلش يا يويو هتقل عليكي ممكن كتاب الانجلش فى الكتاب الخارجي صفحة□ بسرعة بس
:- مش قادرة اتحرك يا ينتي دا انا رديت بالعافية
:- معلش خلى اى حد يجيبهولك مش هتخسري حاجة ..دا انت حتى غبتي وملقتش حد يحللى واجب الرياضة والمستر هزقنى
:- معلش حاولى مرة تحلى لوحدك عشان بجد مش قادرة والله
:- يارررا متستهبليش يلا بقى حرام اتهزق مرتين فى اليوم يرضيكي؟!
:- حاضر يا سارة ثوانى بس
قامت بتعب وجابت الكتاب وفتحتت الصفحة
: سارة انا مش حلها للاسف
: انت هتستهبلى يا بت ولا اي ازاى يعنى
: والله لسا مذاكرتش الدرس دا
: طب مش مهم فكرى معايا ونحل اي حاجة وخلاص
: بقولك مذكرتوش هحل ازاى؟!
: اوووف بقى طب يلا اقفلى اقفلى
.....
:-كنت بكلمى مين يا يارا
:- دى سارة صاحبتي يا ماما
:- يا بنتي البت دى بتاعة مصلحتها اول ما متلاقيش منك حاجة مش هتعبرك
:- يا ماما اللى مترعفوش متتكلمش عنه ..انا هنام لحسن جسمى هيتفرتك ولو سارة رنت صحيني عشان اصالحها
:- ربنا يعوض عليا..
_______
سمر:- ها يا ستى وبعدين
:- بس بقى فضلنا طول السنة ع الحال دا عاوزانى عشان مصلحتها وانا للاسف اكتشفت فى وقت متأخر انا كنت بساعدها بمبدأ *الصحاب لبعضيها * بس طلعت متستهلش🤷‍♀️
سمر:- كان لازم تسمعى كلام مامتك من الاول ..وبعدين ازاى مشوفتيش انها عاوزاكى مصلحة
بصت لها يارا بحزن:- اللى بيحب حد مش بيشوف غير مميزاته بس ..مهما حد قالك عليه الوحش مش هتصدقى غير لما تتصدمى
سمر:- وانت وصلتى للصدمة دى امتى ياحسرة
:- وصلت ليها لما انقطعت الاخبار بقى وخلصت السنة ولقت رقمى اتميح اصلا من عندها وبعدين جابته تانى من واحدة عشان عاوزانى ابقى اساعدها وهى قالتلى كدة بكل بجاحة يعنى..بالاضافة انى مكونتش بلاقيها جمبي فعرفت انها عمرها ما كانت موجودة
سمر:- يعنى مش زعلانة عشان مبقتش صاحبتك
:- تؤ انا ربنا عوضنى الحمد لله عشان نيتي خير ..هى مصاحبة بردو دلوقتى بس معرفش عنها حاجة يعنى
سمر:- اممم وعلى كدة بقى انت ممكن تشكى لو حد قالك اننا مصلحة فى يوم من الايام
:- تؤ لو حد مصلحة يبقى انا ..انت بتقعدى وبتسمعنى وبتنصحنى بسألك على حاجات احيانا بتجاوبني ومش بتبخلى عليا ..وبعدين لا يقع المؤمن فى حجرين مرتين
سمر:- ياارا الحكيمة تيرارارا
:- انا شامة ريحة تريقة
...:- وانا شامة ريحة خيانة ومؤامرات من ورايا مش كدة يا رحمة شامها يا بت
رحمة:- ضيقت عنيها ايوة شامها بتقولو اى يا بت منك ليها
ونطو قعدو وسطيهم
سمر:- فيحي المؤامرة سر لازم تقضى على هؤلاء الحشرات
يارا:- حسنا عزيزتي لن انسى البيرسول
ضربت دنيا سمر على قفاها :- هؤلاء وحشرات فى جملة عااا فينك يا مستر تجي تشوف الضكتورة اللى قارفنا بيها
..:- دكتورة طول عمرها يا حببتي
سمر:- نييييدة
يارا :- نووودى وحشتيييينى
رحمة:- والله وطلتى يا بهية
دنيا:- اهلا بالكبيرة بتاعتنا
هند:- هيييح مش عارفة انا هتغر من كترة معجبيني والله
كلهم:هههههههههههههه
عوض ربنا حلو دايما يوم ما تختار اختار الصُحبة الحلوة الى تسمعك وتنصحك وتفرحك وقت زعلك ..واعو تقعو فى غلطتى ومتخليش عنيك عامية عن الحاجات الحلوة اللى حواليك
دنيا:- وشكرا والسلام عليكم ورحمة الله
يارا:- ودا اى دا بقى ان شاء الله
مسكتها من قافها :- بتقولى حاجة يا عسل
يارا:- بقول عزماكى على الغدا ان شاء الله
دنيا :- اذا كان كدا ماشى
(سمر هند رحمة)ليارا :- جبااااانة واتدبستى
يارا:- اخاف على نفسي انا لسا شباب😂😂✋
(سمر رحمة دنيا هند )٠😂😂😂😂😂😂😂
دنيا :- علطول مسيطرة😉👋

#مريم_صقر