إنني ملكة
ايلين: قوليلي يا بت ناوية على اي ..وبطلى طفح بقى اووف عليكي
يمنى وهى تأكل : انت مالك هو انا باكل من اكلك ...وناوية على اي فانا مبنويش انا بمشي كدة بالبركة
ايلين: يا حسرة عليا ..يعني الزفت اللى هكر تليفونك واخد الصور دا عملتي معاه اي
يمنى وهى تأكل بتلذذ: امممم مفيش ..اديت رقمه لاخويا ووريته الصور ...هزقني تهزيقتين ..وبعدين قال لبابا بابا زعقلى بردو بس مرضاش يضربني عشان مخافش منه لما تحصل حاجة زى دى بعد كدة .....وجابوا الواد قبضت عليه مباحث الإنترنت بس
ايلين: يعني اتقبض عليه بجد
يمنى : اه والله خلي الهكر ينفعه بقى ...يا بنتي هو وقع نفسه مع الشخص الغلط ..يستحمل بقى
ايلين : لا بس حركة جامدة ..دا انا قولت هتخافي ومخك يهفك وتقابليه عشان عارفة انك بتخافى من ابوكي موووت
يمنى : بخاف منه حاجة ..واني واقعة فى مصيبة ومحتجاه ارمي الخوف على جمب يا ماما ...انا اه هبلة وطاقة منى بس دماغي شغالة ووقت الجد بفكر صح
ايلين: يعني عملتي اي اول ما بعتلك كدة
يمنى : احي كل ما افتكر اقعد اضحك
ايلين: لي يا جبلة ..مكونتيش بيتعيطي يا عيوطه
يمنى: لا دا انا فى الوقت دا كنت متعصبة عصبية روحت رنيت ع الرقم ساعتها
ايلين: يا مجنونة ..واي اللى حصل
يمنى : رنيت عليه ..رد عليا بطريقة سمجة كدة ويقولى ..اي يا منمن عجبتك الصور ...قولتلوا بعصبية ساعتها وسخرية ..مش كنت تقولى يا راجل وانا اصورلك احلى منهم ..راح ضحك بطريقتة المقززة دى وقالى ..هههه المرة الجاية بقى يا روحي بس اي رأيك فى الفوتوشوب بتاعي انفع ولا؟ ...ثولتله اه انت تنفع انك تكون كل حاجة غير انك تكون راجل ...راح قالى بعصبية ...انتي قد كلامك دا ...قولتله اعلى ما فى خيلك اركبه يا قمور ..والصور دى بلها واشرب ميتها وقبل ما تعلب مع حد ابقى اعرف هو مين الاول ...وسلم على ماما يا أموور ..وقفبا السكة ..وطبعا كنت عاملة تسجيل مكالمة ..اخدت التسجيل ..والصور اتعملها كشف واتعرف بسهولة انها متفبركة ..والرقم اتجاب ايزي جدا واتحبس الامور بسلامته وانا اه اتهزقت تهزيقتين بس مش مهم يعني
ايلين بضحك: هههه يخربيتك وانت بتقلديه فظيعة
يمنى : اصله سمج كدة يا بت ..دا انا ارجل منه اقسم بالله ..دول تقريبا وامهم حامل فيهم بتبقى نفيها فى بت ويطلع واد ..فبياخد جينات الانوثة
ضحكا معا بصوت عالى وقالت ايلين من بين ضحكاتها: يخربيت ابليسك يا شيخة ههههههه هو فى كدة دماغك اي
يمنى بغرور مصطنع وهى تعدل ياقه تشيرتها: اووومال انا جاامدة اوي بس انت متعرفيش
ايلين : هههههه انت هتقوليلي لا صراحة ابهرتيني
يمنى:؟ اووومال طب اقولك حاجة تانية بعملها علطول
ايلين: ابهرني يا بهير هههه
يمنى: لما رقم غريب يبعتلى فى اي شات بقول مين واعمل بلوك من قبل ما اعرف رده
ايلين بضحك: ههههههههههه احيه لي كدة
يمنى وهى تشرب عصير: سوري يعني انا يمنى اضبع وقتى الثمين عشان ناس سمجة نووو يا ماما مش انا
ايلين: هههههههه يخربيت ابليسك ...طب افرضى حد تعرفيه
يمنى: لو حد اعرفه وعاوز يكلمنى هيكلمنى من اي رقم تاني علطول ويقولى انا فلان ..لكن مش يبعت هاي ..او هلا ويستني اقول مين وحوار بقى
ايلين : ههه لا دا انت دماغ بجد
يمنى : اكيد يا بنتي ..بيقولك دايما متديش فرصة بس ..وانا الحمد لله الفرص عندى finish
ايلين: طب وبتستفادي اي
يمنى : بستفاد اي دا انا بستفاد كتير اوووي اول حاجة بستفاد ان حد ميلعبش بيا بكلمتين حلوين مع ان محدش يقدر ..ثانيا ..مبشغلش نفسي ...يعني رقم غريب رن ..بعت فى شات بلوك علطول فاهمة ..اللى هو اي ..انت مش من مستوايا يلل عشان تكلمني
ايلين: هههه يا جامد
يمنى : اكيد يا بت ...بصي انت اعملى نفسك ملكة كدة ..ومش هتلاقى اي حد يقدر يقرب منك ..هو اي حد بيكلم الملكة او بيشوفها حتى
ايلين: اكيد لا يا مولاتي ..دا كدة انا ليا الشرف انى قاعدة معاكي بقى
يمنى: اكيييد يا بنتي انت فاكرة اي
وضحكا سويا
لا تجعلي نفسك ..عادية وسط الحشود
بل كوني ملكة كل تلك الحشود ..غير مسموح لاي احد محادثتك مولاتي
فيوحة
فوت وكومنت جنيل فى رأيكم 💛⭐🤗
