المـطـلـقـة

7

غزل/ انصدمت انا بحضنه وهو نايم ضليت صافنه بي يعني ماانكر هو احلى من جلال وحتى تصرفاتها احسن من جلال يعني هذا مايتقارن ويه جلال اول مره اެحِـۧس بالشعور مااعرف شنووهو بـسہ اتمنى ماتخلص هاللحظة شفته فتح عيونه دفرته وكمت ركضت للحمام غسلت وجهي وكلبي يدك سريع شنوو هالشعور ...

—-

ازاد / لمن اجت لبيتنا انعجبت بيها حلوه و كلشي اكوله الها تكول حاضر عجبتني حتى أخلاق و ملابسي اشوفهن مكويات و معدلات مرات يجيني شعور حتى ويه اللي حبيتها ماحسيت بي ...

—-

غزل / مر اليوم نفس كل يوم مر 3 اشهر ع زواجنا صرت اتعلق بازاد اكثر كل جمعه نطلع سوه ومآخذ البنات يونسهن ﺂۿلي رحتلهم قبل شهرين مااريد اروحلهم حتى من اروحلهم الكه البيت وصخ وبس بنين تنظف ابوي معذب بنين تعذيب وجها مورم يكلها اختج المطلكه اتزوجت وانتي بعدج صرت اكره كلمه مطلكه نسيت جلال بـديت حياتي ويه ازاد شفته مختلف وتصرفاته ﯠيَاي ومدللني والبنات يموتن ؏َـليۿ مرات ينامن يمنه خالتي مامقصره وياي البنات حبابات خالد مايتواجد بالبيت هواييي يجي بنص الليل فد يوم اجد عدنا بنين دخلت سلمت عليها وجها أزرك حزنت عليها وين الله ويجيها ابن الحلال اللي ينور حياتها ...

بنين/ غزل تعبت تعبت والله اذا اضل هيج اشرد
غزل/ نجبي شهالحجي
بنين/ يعني هذا وجه امشي بي أصلن بالكوه اجيتج الحيه نوران ماترضى

غزل/ ختولي هاي نوب من اجي تتمصلح
بنين  / لوبايدي جان ارتكبت جريمه

غزل/ لاا تتخبلين
بنين / اذتني والله ولا اسامحها حتى ابوي انا خلي اتزوج انسى عندي اهل

غزل/ انشالله يجي ابن الحلال وينور حياتج

بنين/ انا حظي زفت اذا الرجال بي خير أمه تطلع حيه بعد هذا حظي

غزل/ لاتحجين هيج

غزل/ جنا كاعدين بالغرفه اجت هيام ₎ كالت تعالن نسولف جوه وحتى أمـَي جوه نزلنا كعدنه نسولف ...

شذى / شبي وجهج
بنين  / مابي شي خاله
شذى / لج ماتشوفين وجهج مزورك هذا ابوج
بنين  / خاله طحت

شذى / هاي مال وحده طايحه والله  هذا أبوج ماخذ راحته ويطك بيجن اخخخ وينج اختي تعاي شوفي بتج شلون ماذيها الله لايسامحك يمه هيام كومي جيبي مرهم خلي احطلها

بنين/ اجت خالتي تحطلي مرهم ودخل خالد عدلت حجابي وسلمت عليه وانا منزله راسي وهو هم راح وصعد حضرت نسمه الغده اله هو يتغده وحده الساعه ب5 ونص شوي ونزل لابس تراكسود وسابح ريحته ملت المكان اجه كعد كبالي ...

خالد / شبي وجهج
بنين/ ها طحت
هيام / ع شنوو تجذبين هذا ابوها الحقير يضربها
بنين  : هيام

خالد / اجيت شفت بت كلبي ايي احبها صرت كل يوم اروح يم بابهم أشوفها تطلع ويه بنيه اتوقع خواتها من مرت ابوها واكعد يم الباب مرسومه رسم ومرات أشوفها تذب زباله فد

يوم طلعت وحاطه الشال ع وجهال استغربت  ليـشہ راح تذب الزباله ولحكتها شوي وطار الحجاب من وجها واشوفه أزرك و مورم وشفتها مشككه و وجها مايبين عرفت احد

ضاربها انزعجت منووو هذا أللي يلمسها مر ايّام وأشهر وانا اتعلق بيها فد يوم رجعت واشوفها عدنا وامي تحطلها مرهم لوجها مشتاقلها باوعتلها وسلمت وصعدت سبحت وبدلت ونزلت نسمه تحط الغده كعدت كبالها سئلتها كالت طحت هيام

كالت ابوها ضاربها عصبت هواييي من ابوها مااخليج عده قررت اخطبها لازم احجي ويه أمـَʊ̤ انا لمن شفتها نسيت كل البنات حتى اشهر مااحجي وياهم صرت كل مااشوف بنيه اتخيلها هيه كبالي صرت افكر بيها ليل ونهار ...

———-

بنين˛  / رجعت للبيت ونفس الضيم مـَرٺ ابوي ضربتي راشدي شلون اتاخرت صعدت فوك ابجي صرت وحدي بالغرفه راحت غزل قفلت الباب وانا ابجي ياريي اتزوج وأخلص منهم مليت مليت مسحت دموعي وسمعتها تصيح ؏َـليۿ نزلت وشفتها حاطه رجل ع رجل وتريد عشه يالله صبرني لا اروح ابتلي بيها حضرت العشه مر شهر فجاة تدك عليه غزل وتكول اليوم اجي انا وخالتي وتضحك هايي شبيها مبينه فرحانه للله يسعدها كمت نظفت وبدلت وحطيت شوي كريم لان فوك الضرب اللي بيه صارن اكثر  لبست شالي وكلت لمرت ابوي شوي واندك الباب رحت فتحته شفت خالد وياهن ابوي ماموجود دخلتهم وأخذت خالد للصاله الثانيه خابرت لأبوي كال دقايق واجي كعدنه نسولف فجاة ...

———-

غزل/ مر شهر فد يوم جنت كاعده يم خالتي واجه خالد يحجي ويه أمه يريد يتزوج ...

خالد / يمه ﺂࢪيـد اتزوج
شذى / صدك تحجي
خالد / والله
شذى / وسوالفك المكسره
خالد / خلاص يمه بطلتهن
شذى / ومنو هاي

خالد : بنين بت خالتي
شذى / تقصد اخت غزل
خالد / ييي
غزل / صدك تحجي
خالد / قابل اجذب
غزل/ والله بنين رح تفرح رح تخلص من ابوي
خالد / باجر  نروح

غزل/ ڪݪش فرحت رح تخلص من ابوي وخالد خوش رجال صح يسولف ويه النسوان بـسہ أخلاق و خوش يحجي ومرات يطيح الشال مني اشوفه ينزل راْسه كلشش مؤدب خابرت بنين   وماكتلها جاين نخطبج سكتت ...

——

شذى / احنه جايين نخطب بنين لابني خالد

نوران / ككككلللوووش واخيراً
شذى / بعد يومين العقد
نوران . حتى أخذوها بلا عرس
شذى / ميصير رح نسوي عرس مثلها مثل  إي بنيه

بنين   : فرحت هواييي طبعاً خالد انا معجبه بي بـسہ مااهتم حتى لو موزين بـسہ الهم اخلص من ضيم ابوي عالاقل اكعد يم أخـَتـَي كمت بست  خـَالتـَي وهيه حاضنتي ابوي طلع من الصاله وهو فرحان وهما راحو وكال رح اخلص منها صعدت  فوك وانا فرحانه واخيرا مر يوم باجر العقد واحنه نحظر ونعدل صَــاެݛ يوم العقد ....

يتبع
القادم افضل