المـطـلـقـة

17 النهاية

بعد مرور 5 سنين ...

——
زاي: كانت الضروف صَعبه ولكن وجدت نفسي في الظلامِ ولا يوجد شَخص معي سئلت نفسي اين انا وجدتُ الإجابة من قلبي وقال انا متعبُ كثيراً أردتُ الراحه والابتعاد عن الذي حولي و اليوم نحن هُنا ... 💔🥺

———

غزل : مرت هالسنين و صارت اشياء هوايي جنت مامتوقعتها كلشي انكشف نرجع للأحداث ...

—- طلاق كوثر

غزل/ كوثر عيب اللي جاي تسوينه
كوثر / وشنوو العيب هنا العيب اتزوجت واحد مااريده وبسبب اهلي العيب انو ماعشت حياتي مثل باقي البنات العيب انكتل كل يوم على اتفه شي شنو العيب غزل هاااا

غزل/ بس زوجج يحبج وانتي تدرين بهذه الشي
كوثر / مايحبني فهمتي

غزل/ حرام عليج انتي تحملتي هوايي بس لا تنسين اغلاطج شنوو جنتي تسوين

كوثر / هذا كله قليل فهمتي مااحب هذا البيت ولا هالعائله فهمتي واذا تدخلتي بخططي اخليج تتطلكين وكلشي اتوقعي مثل ماخليت هبه تصير عانس اذاواحد يريدها كل مااجه واحد كتله وحده مو شريفه ونص الليالي تطلع ويه الشباب

غزل: كله هذا يطلع منج
كوثر / واكثررر بعد اكو اشياء متعرفيها سكتي احسلج فهمتي

غزل- سمعي كوثر اذا ماكو احد يحطلج حد انا هنا احطلج وثاني شي اذا اتطلكت عادي المهم عندي سعادة هاي العائله توفت خالتي وأمنت هاي العائله عندي ماراح اخليج تأخذين شي

كوثر / رح اخذ كلشي الأملاك والفلوس وأخليكم بالشارع يحلوه لحد الان ماتعرفين منو كوثر مثل م انطيت شذى  أدويه لحد ماتت

غزل/ شنووو ( بصدمه ) انتي
كوثر / يي انا انا كتلت  عمتي شنوو انصدمتي وسعد سحرته ضَل مايفتح حلكه بكلمه صار كل يوم مريض ومن مستشفى لمستشفى و خطيه هبه صارت عانس هبه مجانت هيج ا

خبلتها هههههه هههههههه صارت مخبله تمشي وتحجي ويه روحا وتتلفت يمين يسار صرت اكلها شذى هيج وهيج لحد ماكرهتها وضلت تحجي عليها ويا حبوتي على خالد جان كله

مسافر بس خالد جان يحب وحده قبل يمكن ماتعرفين انا فرقته عنها ماتوقعت يحب اختج بالهسرعه

غزل/ رغم انتي بنت عمه لسعد عيب عليج هيج هاي عمتج وهذول ولد عمج ليش هيج تسوين كوثر

بهذا الكلام كله ازاد وسعد ستوه راجعين ويسمعون كلشي من البدايه لحد الان جان سعد دموعه تنزل ...

غزل/ سمعي كوثر من اليوم ماتهمني حياتي ولا يهمني شي غير ادمرج واطلعج من البيت لان انتي ماتستحقين هيج عائلة شسوت خالتي شسوت الج جانت ام الج لج ليش هيج كتلتيها ليش كوثر بس رح اعلمج وهذا الشي اذا جان على حساب دمار حياتي انا موافقه المهم مااشوف سعد و ازاد وخالد يتأذون ولا دمرين هيام بأفعالج الوصخه... وجنت ابجي

كوثر / ياعيوني هيام جايه الدور
سعد / كوثر ( بصوت رج البيت

انتبهت كوثر وجانت مصدومه وخافت اكثر من شافت ازاد لان كوثر كلش تخاف من ازاد جان ازاد عيونه حمررر وأيديها سادهن بقوه وصاير احمر ودموعه على أمه ..

سعد / انتي طالك طالك طالك
كوثر / س س سعد افهمني
ازاد / كوثر مارح اخليج تعيشين

هجم ازاد على كوثر اتصل على الشرطة اجت الشرطه وأخذوها وهيه تبجي ...

——- مرور اسبوعين من طلاق كوثر

غزل/ ازاد
ازاد / من يمته تعرفين بيها
غزل/ جنت اعرفها جاي تخون سعد بس ماادري بهاي أعمالها

حضن ازاد غزل بقوه ودموعه شلال ....

غزل/ حبيبي اهده يارويحتي انته
ازاد / امي راحت بسببها راحت ماراح اسامحها
غزل/ كلشي قضاء وقدر وانكشفت ورح تاخذ جزاء افعالها

——-

غزل/ عمتي هبه راحت لمستشفى تتعالج جانت مثل المخبله تصيح وتعارك أخذوها و سعد جاي يتعالج تركنه البيت وأخذ ازاد بيت جبير وحلو ضَل البيت موجود ماباعه يكول بي

ذكريات امي وانا انولدت هنا وابوي مااكدر أبيعها ضَل مسدود نقلنا أغراضنا وأثاث البيت سعد كل يوم عند سيد وشيوخ الى ان حالته رجعت طبيعيه انا طلعت حامل و ازاد فرح سمعت موت ابوي بجيت الايام كلها عذبني هواي بس يضل ابوي رحت الفاتحه شفت نوران تبجي وبناتها ولا سلمت عليها ...

نوران / غزل بنين سامحني انا اعتذر منجن
غزل/ هههه نسامحج ياريت غلطه لو غلطتين هنا هواي

نوران / انا مريضه سرطان ويمكن اموت اريد مسامحتجن
بنين / شلون صار هيج
نوران / شعري بده يوكع وتعبانه نفسيتي قبل ليموت ابوجن طلع بيه

غزل/ ونعمه بالله كل شخص ياخذ جزاته وانتي جاي تتعاقبين على أفعالج
نوران / صحيح والله سامحني اعتذر منجن هواييي

غزل: ربنا يسامح منو احنه حته مانسامح مسامحتج

غزل/  مر 5 اشهر وهاي الأشهر نوران تتعالج بس ماتحملت وتوفت وبناتها  وماظل الهم واحد أخذتهم وياي دانيا و علاء و زهير بعدهم زغار اخوي راح سافر هو ومرته خواتي متزوجات وحياتهن حلوه حطيت لأخواتي غرف واختي غرفه والولد بغرفه حللت طلع بيه ولد ازاد فرحته مو طبيعه مرت الايام والأشهر و ولدت سميته ( مهدي) على الأمام عجل الله فرجه و بنين حامل ....

——- بعد مرور 5 سنين ( حالياً)

غزل : عندي صار 3 من ازاد و بناتي اثنين عندي اثنين ولد وبنيه اصغر وحده بنين صار عدها 3 اثنين بنات و ولد و هيام مامتزوجة بالكليه تدرس طب و هبه اتعالجت وهسه تشتغل وعدها سياره وبدت حياتها و سعد شال فكره الزواج من راْسه ويسافر و يرجع بده يسوي شغل بالدول و خواني وياي اصرف عليهم ومامقصره وياهم وكلنا انجمعنا وحياتنا تجننن اللله يحفظنا ...

النهاية ...

——

زاي / مرحباااا جميعاااً خلصت الروايه الروايه حقوقي اشكركم على الدعم الحلو انشالله نلتقي بروايه جديده لكن جاي احضر بيها وأنتو تعرفون كلما احضر بروايه تطلع خرافيه وبس الى اللقاء قريباً ..
—

فعاليه نهايه القصه ..

1- شكد القصه حلوه من عشره
2- تتوقعون القصه القادمة ( شيوخ - مافيا - اخرى )

شاركووووو

—
زاي تودع الجميع 💗💗