المـطـلـقـة

9

غزل / كعدت ثاني يوم شفت ازاد نايم بسته وكمت سبحت وبدلت لبست شالي حضرت ملابس ازاد ونزلت شفت الكل كاعد بـسہ خالد وبنين ماكو حضرت ويه البنات الريوك والبنات نايمات صعدت فوك شفتهن يتعاركن ع الملابس والله طلعن كاعدات ...

غزل. ياا هاي شبيجن
ملك / هاي بتج اكبر حقيره
غزل : ولَج مو اختج
ملك / شوفيها شلون عضتني
غزل/ ملوك سكتي عنها تعاي اسبحج

غزل/ سبحتهن وبدلتلهن...

ملك / ماما يمته اروح للمدرسه
غزل/ يي صدك لازم نروح نسجلج بـعل اسبوعين المدارس
ريحانه / وانا

غزل \ انتي بعدج صغيره السنه الجايه اوديج للروضة يلاا ملك نزلي بوسي الحجيه وبيبتج

———

بنين  / كعدت شفت خالد كاعد وصافن بيه بـسہ كعدت باسني من خدي ...

خالد / صباح الخير
بنين  / صباح ألنور والورد والياسمين
خالد / اخخخ فــدييـتہ الكلام
بنين/ احبككك

بنين/ بسته وكمت سبحت وبدلت لبست شالي وهو هم نزلنا وخالتي تهلهل والحجيه مشلله رحت بستها شفت غزل بستها كعدنه ع الكوشه شفت البنات بالمطبخ كمت أساعدهن ...

كوثر زوجة سعد / والله يالخوات وأخذتن الشباب الجن وتردن بعد البيت

غزل/ انتي شنـَو تحجين
كوثر / ولله اتوقع فهمتي
غزل / حبيبتي يكون بعلمج قبل لااكون زوجة ازاد هذا البيت بيت خالتي

كوثر / والله عميتن الشباب بسحرجن
بنين / احترمي نفسج شنوو سحر

كوثر / يمه الحلوه بعدج اول يوم ولسانج
بنين/ اذا ماعاجبج طكي راسج بالحايط

غزل/ ختولي عوفيها مقهورة

غزل/ طبعاً كوثر من اجيت ليهسه حاطه روحها ﯠيَاެيَ دوم تعاركني واسكت عنها حضرنه الريوك ومدينا السفره خلصنا اكل وشلنا السفره وغسلت انا وهيام لماعين نزل ازاد مبدل وراح طلع خالد فوك صعدت بنين وانا وهيام عدلنه البيت ...

كوثر / فــدييـتہ النظافه
غزل/ احسن منج
كوثر / هو انتي اجيتي خدامه

غزل/ اخدم خالتي و زوجي مو اخدم هالشكول
كوثر / احترمي نفسج عابتلج
غزل/ شوفي روحج بالمرايه

كوثر / والله انا اعلمج ياغزل اله اشوفج ايّام سوده
غزل/ تره مو بـسہ انتي تلعبين هم انا

كوثر / اله اخليج تطلكين
غزل/ لاتحطيني براسج لان اذا حطيتيني احطج براسي وتخرب خططج
كوثر :نشوف

هيام / كوثر نجبي وصعدي فوك لا تخليني من يجي سعد اكله عليج

عمة ازاد (هبه) : هاي شبيجن تتعاركن ماتستحن
كوثر / عمه تعاي شوفيها شلون تحجي ﯠيَاެيَ
هبه / شكووو غزل طلعلج لسان
غزل/ عمه هيه اجت تعارك وتكول اريده يطلكج

كوثر / كافييي جذب
هبه/ كل وحده لغرفتها بسرعههه

غزل/ صعدت لغرفتي انزعجت منها هواييي بدلت ملابسي ومر اليوم مر شهرين وانا و كوثر كل يوم عركه بنين وخالد حياتهم حلوه اما انا دوم سامعه رزاله من ازاد بسبب كوثر الحقيره ...

—-

كوثر / كومي منا ﺂريد اكعد
ملك / ماا انا كاعده
كوثر / كومي لا اموتج
ملك / مااا

غزل/ جنت بالمطبخ واجت ملك تبجي ...

غزل/ شبيج
ملك / اهئ ضربتني
غزل/ منوو
ملك / كوثر

—-
غزل/ انتي شلون تتجرئين تضربين بنتي
كوثر / ربيها عدل

غزل/ مربيتها احسن تربايه
كوثر / شوفي لسانها شلون تصيح عليه
غزل/ وانتي صيحين عليها

ازاد / شنوو ديصير هنا
ملك / بابا
ازاد / اخخ حبيبتي شبيج تبجي
ملك. / اهئ ضربتني
ازاد / منوو

ملك / هاي كوثر
ازاد / كوثر ليـشہ ضربينها
كوثر / انا ماحجيت وياها شي جنت ﺂريد اكعد تَـعبانه وهيه تصيح عليه ولسانها شطوله

غزل/ ازاد انته ماشوف كوثر بـسہ تعارك وتصيح ع بناتي
ازاد / ڪافـي غزل اخذي ملك وصعدي

—-
يتبع