المـطـلـقـة

10

غزل: صعدت فوك وأخذت ملك كلششش تنرفزت منها حاطها روحها ﯠيَاެيَ شوي ودخل ازاد كمت وكفت تقدمت عليه ...

غزل/  ليـشہ ماخليتني احجي
ازاد / سكتييي ڪافـي

غزل/ شنوو ڪافـي شايف شلون تضرب بناتي
ازاد / حجيت وياها بعد مااريد الموضوع ينفتح
غزل/ يي طبعاً متحس لان هذن موبناتك

غزل/ جاي احجي وحسيت ع نفسي شحجيت اجه لزم ايدي بقوه ...

ازاد / هذن بناتي فهمتي وانا اعرف مصلحتهن
غزل- ازاد انا موقصدي هيج
ازاد / لا تحجين شي وانا ماتعرفين شجاي تحجين

غزل/ عافني وراح اففف كمت اخذت البنات لغرفتهن سبحتهن وبدلن ونزلن ﯠيَاي ...

هبه/ غزل
غزل/ نعم عمه
هبه / انتي شنوو هالتصرفات
غزل/ شتقصدين

هبه/ شلون تحجين هيج ع كوثر
غزل- عمه فهمي الموضوع قبل لا تحجين
هبه/ والله بنات اخر وكتُ يجن يعلمنه شنوو نحجي
غزل/ عمه انا موقصدي

هبه/ سمعي غزل انا اخذتي راحتج شفتي محډۧ يحجي وياج بـسہ والله انا اعرف شلون اوكفج عند حدج

غزل/ انا ماحجيت شي بـسہ هيه
هبه/ كافييي روحي للمطبخ

غزل/ عفته ورحت .. شفت بنين صايره اسمن من قبل وحلوه عود ليـشہ من يتزوجن يحلن هههه وانا نفس الشي ماتغيرت مر اليوم بسرعه محسيت ع شي مر اسبوع وانا و ازاد مانحجي ويه بعض بـسہ رسميات وكوثر و عمة ازاد حاطات روحهم ﯠيَاي يدورن مشاكل وخالتي تعبانه صحتها والحجيه بالمستشفى كلشش أحوالنا متخربطه نزلت البيت هدوء كلها بالمستشفى شفت بنين و هيام نزلن بسمه راحت وياهم ...

بنين/ ماكو اخبار ع الحجيه
غزل/ علمي علمج كلشي مااعرف

هيام / افف سوده عليه بيبي متستاهل
عزل/ يي صدك متستاهل
هيام / اتصلت بسمه خلي أشوفها

—-

هيام / ها بسمه شلخبار
بسمه / بيبي بخير
هيام - يمته ترجعون
بسمه / شوي و نرجع بـسہ ازاد وامي وعمتي يضلون يم بيبي
هيام / اوكي

——

غزل- شوي واجو بنين وخالد صعدو ازاد ضَل صعدت فوك نمت ويه البنات كعدت ثاني يوم نفس الروتين انا ماتغديت تأنيت ازاد شوي و دخلو هو وخالتي و الحجيه بالعرابانه ...

غزل/ الله يساعدكم
شذى / هلا بيج بنيتي

غزل/ الحمدالله ع سلامتج حجيه
الحجيه / الله يسلمج

—-

غزل/ حضرت ملابس ازاد وكام بدل وسبح ونزلنا سوه حطيت لخالتي وأزاد وخلصنا شلت الغده غسلت الماعين صعدت شفته نايم غطيته ورحت للبنات شفتهن جاي يلعبن بالايباد رحت تمددت ونمت ...

يتبع ...