ပစ္စည်းတွေကူထည့်ပေးမည်ဟုအကြောင်းပြကာ ယွန်းဂီအခန်းထဲသို့ ကင်မ်ထယ်အတင်းလိုက်၀င်လာသည်။
အခန်းမီးများမဖွင့်ထားပဲ စာကြည့်မီးအိမ်၏ အလင်းရောင်သာရှိသောကြောင့် အခန်းကမှောင်ကုပ်ကုပ်ဖြစ်နေသည်။
စားပွဲတစ်ခုပေါ်တွင် မဆေးရသေးသော ကော်ဖီခွက်များရှိနေသည်။
အခန်းထောင့်တွင် Canvas ကြီးတစ်ခု ထောင်ထားသည်။ ထို Canvas ပေါ်တွင် ထီးအနက်ရောင်ကိုကိုင်ကာ ကျောပေးရပ်နေသောယောကျာ်းတစ်ယောက်ပုံဆွဲလက်စရှိနေသည်။ အစ်ကိုယွန်းဂီက မမြင်စေချင်သလို Canvas ကိုချက်ချင်းနောက်သို့ရွှေ့လိုက်သည်။
" မီးဖွင့်လိုက်မယ်နော် "
ကင်မ်ထယ်က ဘာကိုမှသတိမထားမိသလိုပင် ပေါ့ပေါ့ပါးပါးပြောလိုက်သည်။
" အစ်ကိုယွန်းဂီက ကိုကြီးအတိုင်းပဲ ကော်ဖီတွေတအားသောက်တာပဲ "
" ထယ်..အစ်ကိုဂျင်နဲ့အဆက်အသွယ်ရှိလား "
" အင်း..အစ်ကိုယွန်းဂီနဲ့ရော "
" အမှန်တိုင်းပြောရရင် ထယ်တစ်ယောက်တည်း ဒီမှာနေသားကျဖို့ အစ်ကိုဂျင်က ကိုယ့်ကိုအကူအညီတောင်းထားတယ် "
" အင်း..ထယ်ရိပ်မိပါတယ် "
" ဘယ်လို "
" အစ်ကိုယွန်းဂီ ထယ်ပြောသမျှကို လိုက်လျောပေးနေတာ ကိုကြီးကြောင့်ဆိုတာ ထယ်သိပါတယ် "
" အဲ့လိုပဲလည်းမဟုတ်ပါဘူး...ထယ်တောင်းဆိုတာတွေက လုပ်ပေးဖို့မခက်ခဲဘူးလေ "
" ထယ်ကခက်ခဲတာတောင်းဆိုမယ်ဆိုရင်ရော "
ကင်မ်ထယ့်မျက်လုံးများမှာ အရောင်တောက်ပနေသည်။
ယွန်းဂီ ဘာကြောင့် ကင်မ်ထယ့်ကိုလိုက်လျောပေးနေမိလည်းဆိုတာ သူကိုယ်တိုင်ပင်သေချာမသိပေ။ ကင်မ်ထယ့်တောင်းဆိုမှုတွေကို သူမငြင်းဆန်လိုပဲ အလိုလိုပင်လိုက်လျောမိပြီးသားဖြစ်နေတတ်သည်။
ကင်မ်ထယ်အနားမှာရှိလျှင် သူထူးဆန်းစွာ သက်တောင့်သက်သာဖြစ်တာတော့အမှန်ပင်။
YOU ARE READING
My Sweetest Caffeine
Romance💜 Taegi နဲ့ Jikook ဇာတ်လမ်းလေးပါ 💜 **Unicode+Zawgyi** From 27th June, 2021 to 4th Aug, 2021 ~