اسرني كيدها

Part 3

بقلم :ايات السند
السلام عليكم

لا تنسون التصويت والتفاعل البارحة حيل فرحت بتعليقاتكم وحماسكم استمتعو ♥️

كُنت أذهب اليه بالرغُم من أنطوائي وأتحدث معهُ كثيرا بالرغُم من قلة حديثي مع الاخرين,كان مختلف جداً.
_______________

جمان

شوية ووصلت الي رسالة من رجل غفران محمد استغربت دخلت جان داز حساب أسر وكاتب : يولي شتريدين هذا لو التؤام مالته؟

يا كاعع انشكي وبلعيني وكف عقلي يربي هذا شمدريه جنت اريد الحساب ضليت اعيد ذاكرتي وضربت نفسي ع كصتي شلون نسيت رجل غفران فاتح حسابها يمه واكيد شاف الرسالة يربي شهل غباء شلون انسى وضليت اغلط ع نفسي حيل فشلت هسه يكول هاي خفيفة وشعدها

خرجت من المحادثة واكيد ما رديت وضليت افكر يربي اكيد هسه يكول لأسر يربي اني وهل سوالف شنو ضليت بقلق وفشلة

وصدك ما جذب خبر يمكن ناطي ابن عمته حسابي
لانو دخل يرد بايموجي ع أبرز القصص
اني لوني انخطف يربي هذا شبيه شلون بية لو مدازة رسالة لغفران احسلي

ثاني يوم جنا طالعين صورت اخواتي دا ياخذون صور سوية وكتبت راح يبدون جلسات التصوير

جان هوا يرد( اني ترا خوش مصور) صفنت شدخله هذا
بس بدون تفكير دزيت (😂😂) وبعدين كلت لا شنو هسه عباله اريد اذب ميانة اجيت امسح جان يدز دايمة
ما رديت

ورجعنا لبيتنا ومرت ايام اجى عيد ميلاد أخوية نزلت إله معايدة وجان من ضمن المكتوب ( عقبال 100‪0 سنة(

رد ع الستوري وكال :حتى أيوب ما بقى هيج
كلت يربي هذا شنو مراقبني انا اي احد يرد ع الستوري لو هيج ابد ما ارد بس مدري ليش هسه رديت بعدين كلت عليش انا متوترة شنو مسوية قابل

رديت (😂😂😂)

أسر : هههه والله العظيم أيوب معاش هيج

يربي هذا يريد واحد ياخذ وينطي وياه احس كارهته
جمان : انتَ شتريد منه خليه يعيش

أسر : ههه لا يتعب إذا يعيش هيج خطية اني علموده

جمان بمجاملة :ههههههه

أسر : دايمة

جمان اني بس اريد انهي المحادثة : تسلم
وخرجت متوترة هاي شبية شكو داعي هيج اتوتر

يربي اني ليش رديت عليه اساساََ شعلية بيه
زهراء (اخت جمان) :تعالي تعشي يلا عوفي الموبايل

جمان :هياتني جيت وكملت يومي ونسيت المحادثة

مر اسبوع واني بالبيت واقضي وقت ع الموبايل وع مسلسلاتي

ابن خالتي طلب انشر حسابه انحرجت وكتله اكيد هسه انزله نشرته

واكيد مراح يفوت سالفة أسر رد ع الستوري : وشلي بي