معلومة ع السريع

مقابلة مع الكاتبة إيمان عادل.

_ اليوزرنيم؟

* @HeyThereEmmie

_ في حكاية لإنك تسميه بالشكل ده ولا مجرد اسم؟

*في الواقع انا غيرت اليوزر من قريب وخليته ده الأول كان 1Mrsmalik1D عشان كنت Zayn's girl وفي الوقت ده كمان مكنتش حابه حد يعرف ال real name بتاعي، لكن حبيت اغيره واخلي فيه حاجة تخصني ونظراً لأن اسمي إيمان ومن زمان العائلة و صحابي كلهم بيقولولي يا إيمي فحطيت اسم ايمي لكن اسم اليوزر على بعضه كان اقتراح صديقتي القمر @reay_x

_ الاسمين لطاف لكاتبة ألطف.💗

ابتديتي ف مشوار الكتابة من امتى؟
ودخلتي عالم الواتباد ازاي؟

* حبيبي والله 💕 انا كنت بكتب من زمان أوي من لما كنت طفلة، قصص طفولية ولكن كان طاغي عليها اسلوب الرعب والغموض شوية يعني يعتبر اول رواية حاولت اكتبها وانا صغيرة كانت عن مصاصين الدماء وبنت حاولت الإ.نتحار 😂 + لما دخلت الفاندوم بتاع 1D عرفت عن طريق جروبات الفيس بوك وصديقة قديمة ليا ان في application اسمه واتباد وان الناس بتخلي 1D هما الأبطال وحقيقي عجبتني الفكرة جدا 💕

_ ليكِ كام عمل لحد الوقتي ع الواتباد؟

* حالياً 5

_ وأي أقرب واحد لقلبك؟

إيمان، أنتِ هتخلصي رواية ليكِ قريب بتكتبي فيها من سنة، ممكن تحكيلنا عن تجربتك خلال كتابتها وشعورك باقتراب نهايتها؟

* الأقرب لقلبي ون شوت بعنوان : أَنَا هِيَ ، في الواقع الرواية هتكمل 3 سنين مش سنة 😂😭 بصراحة فرحانة جداً انب هخلصها وفي الوقت نفسه هفتقد الأبطال ومشاعري اللي كنت بصبها داخل الرواية 💕 تجربتي خلال كتابتها كانت صعبة وده سبب انها طولت.. مكنتش متزنة نفسياً ايام كتابتها وكنت بمر بحالات كتير من الإكتئاب فقدان الشغف.

_أنا وهي مش محتاج كلام غير إنه أعظم حاجة اتكتب دفاعًا عن المرأة وعرض مشكلة كبيرة جدًا، أنصحكم بقراءته.💗

أسفة إني غلطت ف الرقم.🤧
كلنا فخورين بيكِ وبالإنجاز ال هيتم قريب ده.💗

شايفة إن واتباد تجربة كويسة لأي حد عاوز يبتدي كتابة؟

*اه طبعاً شايفة ان الواتباد مكان مناسب جداً للهواه والمبتدئين ( والمحترفين كمان عشان يبنوا جمهور ويكونوا معارف وصداقات بيشاركوهم نفس الاهتمامات ) 💕

_ طب بالنسبة للظهور ع واتباد أو إن الكاتب يتعرف، شايفة إن فيه خطوات معينة للهواة عشان يمشوا عليها؟

* اولاً يحاولوا يكتبوا حاجة قيمة وليها رسالة وده اهم من التفاعل والشهرة 100 مرة، وهما لو عملوا كده الناس هتهتم بيهم وهتقدرهم يمكن الموضوع هياخد وقت نسبياً لكنه افضل من كتابة حاجة مُسيئة عشان الشهرة، يحاولوا يتعرفوا على ناس اكتر وكاتبات، يتفاعلوا مع القراء وحقيقي كل ما الكاتب كان قريب من القارئ كل ما بنى قاعدة جماهيرية اقوى وبشكل اسرع 💕