معلومة ع السريع

مقابلة الكاتبة نورا المصري

تاني مقابلة في كتاب معلومة ع السريع مع الكاتبة المتألقة نورا المصري 🧡هتستفيدوا من المقابلة دي كتير جدًا والكاتبة تستحق الدعم ف كل مكان وزمان 🌸NoraElmasry

*أولًا أي اليوزرنيم بتاعك؟
-NoraElmasry

*تمام، عرفينا مين هي نورا الصري؟

-شخصية عادية جداً تخرجت من الجامعة و وجدت شغفها في الكتابة لذا امضت في ذلك الطريق علي امل ان تجد دعم و الحمدلله حصلت علي مكافأتي مقابل المجهود اللي بذلته

*مكافأة معنوية أم مادية؟
-معنوية بالتأكيد أني حصلت علي دعم لا بأس به و اعتز بيه كتير

*بدأتي كتابة من امتى؟ وأي الحاجة اللي شدتك للكتابة عن باقي الهوايات اللي كان بإيدك استغلالها ولا هي أساسًا موهبتك؟
-بدأت كتابة من خمس سنوات و اصلا كنت بكتب خواطر بجوار الرسم لكن فجأة قرأت رواية عن طريق الصدفه و عجبتني و حظي ان كان سردها و لغتها متقنه جداً بخلاف ان احد متابعين صفحتي علي الفيس لما شاف خواطري اقترح عليا اني اجرب كتابة و بالفعل جربت و تشجعت

*أول رواية ليكِ حصلت ع الدعم المناسب اللي كنتِ بتتمنيه وهو اللي شجعك ع استكمال مسيرتك الأدبية ولا إنك بتبحثي عن روح الكاتب الشغوف اللي جواكِ هو اللي شجعك؟
-هو بالفعل حدث تفاعل ادهشني عندما نشرت اول رواية ليا و كانت رعب و مع الوقت حسيت ان سردي ضعيف لذا حبيت التطوير و قرأت عدة روايات و كمان قرأت عن اساسيات و نصائح للكتابة و كمان انتقادات من كاتبات ممتازين و بسبب كل ده أتحسنت

*طب قوليلنا الكُتاب اللي لسة ف بداية مشوارهم يعرفوا الأساسيات دي ازاي
-بالبحث و القراءة لكتاب متنوعين و معروفين

*زي؟
-انا مثلا بحب القراءة لمصطفي أمين و في نجيب محفوظ و عظماء كتير و كمان كُتاب اجانب ليهم مترجمات باللغة العربية

*أي نوع الروايات اللي بتكتبيها؟
-درامي و رومانسي و نفسي و تاريخي و قليلا من روايات الرعب و الفانتازيا

*عارفة إن رواياتك كلها للكيبوب ورواية أسبانية، مفكرتيش قبل كده إنك تكتبي عربي أو مصري؟
-لا ما فكرت حاسه اني هخرج من منطقة راحتي و لكن ربما يكون هناك واحدة بالمستقبل

*أنا البطلة بقى 😂♥️مفيش عندك مانع أكيد، تمام
كان للدراسة تأثير عليكِ ف تنمية مهاراتك اللغوية ولا الدراسة دراسة منهج وبس؟
-ههههه لما اكتب طيب، بالطبع الدراسة لها تأثير و حبي للغة الفصحي أيضاً له تأثير

*طب ف وجهة نظرك أي أكتر حاجة بتشهر الكاتب ع الواتباد؟
-الواتباد بيشهر اي حد و خاصة في اشخاص لا يوجد محتوى لروايتهم و بيتشهروا لذا السؤال الصحيح يكون، ازاي الكاتب يكون مؤثر؟

*جاوبي ع السؤال الجَميل ده بقى 🧡
-الكاتب يكون مؤثر بأختياره للمواضيع التي يناقشها في رواياته بمعني ان الرواية يكون لها هدف هادف

*وأكيد الأسلوب بيلعب دور مع ده
-طبعا السرد و اللغة مهمين كمان

*طب شايفة أي أكتر روايات ليكِ كان ليها تأثير ع جمهورك ع الواتباد، وأي فكرتها؟
-قاتل بلا قلب كتير أثرت فيهم بخلاف أنها أثرت فيا قبلهم و هي بتحكي عن قاتل يقتل دون ندم او شفقه بخلاف أخذه للبطلة رهينة و رغم ان القصة ظاهرياً ستبدو معتادة في بعض الروايات الا أنها مختلفه بالفعل و مؤثرة و بها مواقف أنسانية كتير

*حلو جدًا 🌿 💛 ترشحي كتاب أي للي هيقرأ الانترفيو دي يقدر يستفاد منه لغويًا أو حياتيًا؟
-كتب الكاتبة حنان لاشين حلوة كتير

*بدأتي الإحترافية ولا لسة؟
-بمعنى ايه؟
*بمعنى إن خلاص مبقاش عندك رهبة وأنتِ بتكتبي إنك ممكن تتعثري وتوقفي، بمعنى إن أسلوبك يتعرف بمجرد ما حد يقرأه، والتانية دي أنا خلاص بقيت بعرفك منها ♥️
-هو احياناً فقط الافكار هي اللي بتتوقف

*أكيد كل كاتب وبيجيله فترة كده وده شيء طبيعي، طب ف نظرك امتى الشخص يقدر يحس إنه أصبح محترف ف الكتابة؟
-لما يكون في نقاد محترفين يقولوا له أنه كاتب محترف

*لو عينوكِ مديرة الواتباد ل 24 ساعة هتعملي أي عشان تعززي اللغة العربية ف الواتباد وتطلعيها ف أبهىٰ صورها؟
-همنع الروايات التي تهين اللغة العربية

*ده ياريت يا نورا يعينوكِ والله 😂🧡🧡🧡🧡، أي أكتر مخاوفك المستقبلية من الكتابة
-ان يجي يوم و اعتزل فيه

*إنشاء الله ربنا هيوفقك ومش هتعتزلي🌸أي هي المراحل الأساسية لكتابة رواية؟
-اختيار الفكرة الهادفة و اختيار أسلوب سرد يميز الكاتب نفسه مع الكتابة بلغه عربية سليمة مش شرط تكون معقدة و بلاغيه

*رسالة لأي حد بيهتم بالكتابة وبيحاول يخليها من أولوياته؟
-أن يعامل كل كلمة يكتبها و كأنها طفله فيحرص علي المعنى النابع منها و الهدف الذي كتبت لأجله لا يعامل الكتابة و كأنها هدف لشهرته فقط بل الكتابة شغف تجعلنا نسرد أفكارنا و ما بداخلنا بها فإن كل رواية نحرص علي كتاباتها كما نجعل القارئ يستمتع بها يجب ان نجعله يخرج منها بحكمة او بهدف يصلح نظرته للحياة او الي المواقف من حوله او يحذره من المساوئ التي قد تواجهه و كيف يتعامل معها، الكتابة ليست مصدر لأفساد الاخلاق او للأساءة لأحد ما او مصدر لكل من يرغب بالشهرة لا أكثر

*جميل جدًا، رسالة من كاتبة لقارئ

-علي القارئ ان يختار بطريقة صحيحه ما يطلع عليه و أن لا يمنح فرصه لأشهار من يقومون بتلويث الكتابة بأفكارهم الهادمة و أن يقدر ذلك الكاتب الذي يتابعه و يحبه و يدعمه لا ان يشاهد كتاباته بصمت و كأنه لا يقدر تعب ذلك الكاتب، ان الكاتب يشعر بسعادة كبيرة عند رؤيته و لو تعليق بسيط من كلمة واحدة فهذا يجعله يشعر بالتقدير و يشجعه علي الاستمرار، علي القارئ يقع عاتق كبير فهو من يستطيع اشهار الروايات الجيدة او السيئة لذا وجب عليه الدقيق في اختيار ما سيقرأ بعناية و الرواية التي تجعله في النهاية يستفيد بشئ إيجابي و اذا رغب بأنتقاد أحد ان يكون نقد أيجابي و بطريقة لطيفه توضح وجهة نظره ليتقبلها الكاتب بصدر رحب لا بطريقة وقحة تجرحه او ان يكون نقد غير مفهوم و كأنه ينقد بلا هدف

*لخصتي حاجات كتير فعلًا 🧡أخرًا رسالة لمجتمع واتباد العظيم بقى 😂
-انتبهوا الي ماتكتبونه فهو قد يؤذي البعض او ينفعهم لذا لديكم حملاً اما تكونوا علي قدر المسؤوليه او لا

(تمت)
اتمني تكونوا استمتعوا وأنتو بتقرأوا الانترفيو ده وإنشاء الله مكملين 🧡
Panda 🧡🐼