ညသန်းခေါင်ကြီး ထမြည်လာတဲ့ဖုန်းသံကြောင့် Cora လန့်ဖျန့်သွားမိသည်
တုန်တုန်ယင်ယင်နဲ့ ကိုင်လိုက်တော့
တစ်ဖက်မှာ ဆူညံပွတ်လောရိုက်နေတဲ့အသံတချို့ အပြင် ဘာမှမကြားရ
" ဟဲလို"
Cora ထပ်မံအသံပြုလိုက်သည်
ဗလုံးပထွေးနဲ့တစ်ဖက်ကအသံကို Cora သေချာမကြား
အချိန်က ည ၁:၀၀
ဒီအချိန်ကြီးဆက်နေတာဘယ်သူများလဲ Cora တွေးရင်း ပြန်အိပ်ပျော်သွားခဲ့တယ်
" တီခနဲ"
ထပ်မံမြည်လာတဲ့ဖုန်းသံကြောင့်
Cora အလန့်တကြားနဲ့ဖုန်းကိုထကြည့်လိုက်တယ်
Cora တို့ဆေးရုံမှ duty အတူကျနေကျ ဂျူနီယာလေးဖြစ်တဲ့ နွယ်နီထံမှ
" hello အမ cora "
နွယ်နီ့အသံက တစ်ခုခုကိုချီတုံချတုံပြောဖို့ကြိုးစားနေသလို
" Cora ကိုလာကြိုကြိုနေကြ tattoo တွေနဲ့ အကိုလေ"
ဘုရား ဘုရား သူပြောတာထက်ဘုန်းကိုများလား
" Accident ဖြစ်လို့ ဆေးရုံကိုရောက်လာတယ်"
မိုးကြိုးပစ်ချလိုက်သလိုခံစားချက်နဲ့ Cora တစ်ကိုယ်လုံးပူထူသွားခဲ့တယ်
" အခြေအနေကရော နွယ်နီ...."
Cora အမေးကို သူမဖြေရဖို့အတော်ခက်ခဲနေပုံ
" အခုထိသတိမရဘူး... oxygen ကျနေတယ်"
" အမ လာခဲ့မယ် "
တုန်တုန်ယင်ယင်နဲ့ Cora ဆင်းလာတော့ အဖေက လှမ်းကြည့်တယ်
Cora အခန်းထဲမှာဖြစ်ပျက်သမျှ အဖေကြိုကြားထားတာလား ဒါမှမဟုတ် အဖေကြိုသိနေတာလား
အဓိပ္ပာယ်ပါတဲ့မျက်လုံးတွေနဲ့ ဝရုန်းသုန်းကားပြေးဆင်းလာတဲ့ Cora ကိုကြည့်တယ်
အဖေ့လက်ထဲမှာလည်းကားသော့ကိုကိုင်ထားတယ်
အဖေ က Cora ကိုဘာမှမမေးဘူး
တည်တည်ငြိမ်ငြိမ်ကားမောင်းရင်း
ဆေးရုံဘက်ကို မောင်းလာတယ်
ညက မိုးရေဖျောက်တောက်ဖျောက်တောက် အသံရယ် Cora ရဲ့ငိုရှိုက်သံတချို့တွေကလွဲရင် တိတ်ဆိတ်လို့
" သူဘာမှမဖြစ်လောက်ပါဘူးနော် ပါပါ"
Cora အမေးကို အဖေကအသာအယာခေါင်းညိတ်ပြတယ်
ခေါင်းညိတ်ပြနေပေမဲ့လည်း မျက်နှာကသိသိသာသာပျက်ယွင်းနေတယ်
Cora လုံးဝရင်မဆိုင်ချင်တဲ့အရာ
မမျှော်လင့်ရဲတဲ့အရာကို Cora တကယ်မကြုံချင်ဘူး
ဒါကြီးသာအိပ်မက်ဖြစ်သွားရင်ဘယ်လောက်ကောင်းမလဲ ထက်ဘုန်းရယ်
ဆေးရုံဝင်းထဲကားထိုးထိုးချင်း
မိုးရေဖျောက်တောက်ဖျောက်တောက်ကြားကနေ emergency ဌာနကို Cora ပြေးသွားခဲ့တယ်
Cora ရဲ့ လုပ်ဖော်ကိုင်ဖက်တွေအားလုံးက Cora ကိုမြင်တော့ မျက်နှာတွေပျက်ရင်ခေါင်းငုံ့သွားကြတယ်
" ဟင့်အင်း .... မဖြစ်ရပါဘူး"
ပါးစပ်ကအရူးလိုရေရွတ်နေခဲ့ပေမဲ့ Cora မြင်တွေ့ ရတာက ပိတ်အဖြူနဲ့အုပ်ထားတဲ့ ထက်ဘုန်းခန္ဓာကိုယ်
ပိတ်အဖြူအုပ်ထားတဲ့ကြားမှာပေါ်နေတဲ့ သူ့လက်ဖျံကအရုပ်တွေကို Cora ဘယ်အချိန်ကြည့်ကြည့်မှတ်မိတယ်
အားလုံးက Cora ဆီအကြည့်ရောက်နေခဲ့တယ်
Cora ကြမ်းပြင်မှာလဲပြိုကျသွားတဲ့အချိန်ထိပဲ
VOUS LISEZ
Déjà Vu ( ဒေဂျားဗူး)
Mystère / Thrillerချစ်တယ်ပြောပြီးတစ်ယောက်ကိုတစ်ယောက်နာကျင်စေမယ်ဆိုရင်အချစ်ဆိုတာကိုငါမယုံဘူး လူတွေက ခဏတာချစ်ကြတယ် ပြီးရင် လမ်းခွဲကြတယ် နာကျင်ကြတယ် နောက်ပြီးအဆုံးသတ်ကျရင် အိမ်ထောင်ပြုကြတယ် ပြီးရင်နောက်ဆုံးပြန်ခွဲခွာသွားကြတယ် ဒါနဲ့ပဲသံသရာလည်နေကြတာ ချစ်တယ်ပြောပြီးတစ်စုံ...
