" ခုနက Cora ကိုစောင့်နေတုန်း Cora တို့ senior အပျိုကြီးမခိုင်က ကော်ဖီတွေဘာတွေလာပေးသွားတယ်သိလား "
အဆက်စပ်မရှိ ရယ်ကြဲကြဲနဲ့ပြောလိုက်တဲ့သူ့စကားကြောင့် Cora စိတ်ထဲမှာထစ်ခနဲဖြစ်သွားခဲ့တယ်
" အဲ့အပျိုကြီးက နင့်ကိုကြွေနေတာလေ "
ခပ်တိုးတိုးပြောလိုက်တဲ့စကားကို သူက ဟက်ခနဲထရယ်ပြီး
ရွတ်နောက်နောက်နဲ့ Cora ကို ငဲ့ကြည့်ရင်း
" သေသေချာချာမိတ်ဆက်ပေးလေ"
Cora ရုတ်တရက်ငြိမ်ကျသွားခဲ့တယ်
ဒါဟာ Cora အိပ်မက်ထဲကလိုမျိုး
သဝန်တိုမှုခပ်ပါးပါးကြောင့်ငြိမ်ကျသွားခြင်းမျိုးမဟုတ်
အိပ်မက်ထဲဒီစကားကိုအပြင်မှာပြောတဲ့ ထက်ဘုန်းကိုအံ့ဩမိသွားခြင်းသာ
ရုတ်တရက် Cora တို့ ဆိုင်ကယ်လေး တုံ့ခနဲရပ်သွားတယ်
" မိုးများလွန်းလို့သစ်ကိုင်းတွေပါကျိုးကျကုန်ပြီထင်ပါတယ်"
သူရေရွတ်တော့ Cora လမ်းပေါ်ကြည့်မိတယ်
Cora အိပ်မက်ထဲကအတိုင်း လူတွေကရုတ်ရုတ်သဲသဲနဲ့သစ်ကိုင်းတွေရှင်းနေခဲ့ပြီး
ထက်ဘုန်းကလည်း သစ်ကိုင်းတွေကြားကနေကွေ့ပတ်ရင်း ခက်ခက်ခဲခဲထွက်လာခဲ့တယ်
ငြိမ်ကျနေတဲ့ Cora ကို သူကသတိပြုမိသွားတဲ့ပုံနဲ့
" နင်ကြိုက်တဲ့ စတော်ဘယ်ရီရေခဲမုန့်အိမ်မှာဝယ်ထားတယ် ပြီးတော့အသစ်ထွက်တဲ့ series တွေလည်း down ထားတယ် မနက်ဖြန်မှ ငါလာခဲ့မယ်နော် Cora လေး"
သူ့စကားကြောင့် Cora အတော်လေးလန့်ဖြန့်သွားတယ်
အိပ်မက်ထဲကစကားတွေအတိုင်းထက်ဘုန်းကတသွေမတိမ်း ပြန်ပြောနေပါလား
တဒုတ်ဒုတ်ခုန်လာတဲ့ရင်ခုန်သံနဲ့အတူ Cora ခေါင်းတွေပူထူလာခဲ့တယ်
" ဆိုင်ကယ်ကိုရပ်လိုက်စမ်း ထက်ဘုန်း"
Cora အသံကသိသိသာသာတုန်ယင်နေခဲ့တယ်
ESTÁS LEYENDO
Déjà Vu ( ဒေဂျားဗူး)
Misterio / Suspensoချစ်တယ်ပြောပြီးတစ်ယောက်ကိုတစ်ယောက်နာကျင်စေမယ်ဆိုရင်အချစ်ဆိုတာကိုငါမယုံဘူး လူတွေက ခဏတာချစ်ကြတယ် ပြီးရင် လမ်းခွဲကြတယ် နာကျင်ကြတယ် နောက်ပြီးအဆုံးသတ်ကျရင် အိမ်ထောင်ပြုကြတယ် ပြီးရင်နောက်ဆုံးပြန်ခွဲခွာသွားကြတယ် ဒါနဲ့ပဲသံသရာလည်နေကြတာ ချစ်တယ်ပြောပြီးတစ်စုံ...
