#ليلة_اكتمال_القمر
زهور جمال الدين (6)
_
نورى وكمال مقعمزين فالخيمه ويهرب الضى ...
نورى / ولعو المولد ياشباب ..
الشباب من داخل/ خلى نصبو النافطه بس
بدو اللى موجودين يفتحو فى اضاءة تليفوناتهم .. عكس الضى عليهم كلهم
-فاتح / نورى ... يانورى
كمال وقف / نمشى نشوف الشباب ونجى كملى موضوعك
-نورى / حتى انا خلى نمشى نشوف بوى ينادى
وقف نورى تلفت جهه بوه ومشى...الاضاءة مش هلبا .. مشى خطوتين.. عثر فالحصيرة اختل توازنه وطاح.. لما طاح جى على غاز الشاهى وجنبه عالة.....طاح البراد وانكفى الغاز وانضرب كتف نورى على حديدة الغاز ... ع شوى البراد تبزع على وجهه
-نورى / اااه .. هدا شنو
ناضو زوز ولاد اقاربه قاموه من يده/بسم الله الرحمن الرحيم
-عمك فاتح من بعيد/ خيركم شن فى
جى معاد وكمال ومعاهم شباب يجرو / خيرك يانورى
نورى شاد كتفه ويعكز على رجله/ شوره عثرت فى الحصيرة
-معاد / انشاءالله لاباس عليك .. رد بالك خيرك
-نورى / شكله رجلى حصلت ولا مش عارف
طبعا الرجالة اكثرهم ناضو جوه يشوفو فالطيحة وشن صارله وفى اللى مكانه يأشرله / ان شاءالله لاباس يانورى
نورى / لايوريكم باس غير شورنى دخت شوى
وبدو يسمعو فى صوت الشباب برة/ جيب الطوبو يا كمال فيسع طوبو الميه كله
فاتح مخلوع / خيركم شن فى
وبدو يشبحو فالدخان عبي المكان .. ويشوفو فى لسان نار ركب لفووووق...
الشيابين وقفو / خيركم شن فى
وطلعو مالخيمه يجرو .. تاريته مولدهم ركبت فيه النار
ماوصل طوبو الميه ماطفو بيه النار لين الدخان عم المكان الناس معش تشوف فى بعضها اصلا ...
والنساوين هاتك ياعياط بواصى امهم طايحه والنساوين يقيمو فيها ... الشباب طفو المولد بحكمه ... ومشى معاد لى امه جهه النساوين يفهم فيها ان المولد ولعت فيه النار ويبيها متخافش
المهم صارت فيهم حوسة فى هداكة المغرب .. ونورى قلبه بدى ياكل فيه .. مقعمز عالكرسى وقايم رجله اللى طاح عليها على كرسى قدامه لانها تنفخت ... ياوالله عمله
نورى ساكت وخلاص ... مفيش فدماغه غير صورة بنت عمه لما مدتله تليفونها وتوريله فى الصورة اللى صورتها .. مفيش فعيونه غير اللقطه هادى
-بلال اللى يخدم عنده مقعمز يهدرز / تى والله كانا مولد بنزينه راهو مشينا كلنا فى خبر كان
-معاد / الحمدلله مولد النافطه مايتفجرش كنهدا راهو حصلنا فمصيبه ..
-العارف / عندى صاحبي يصلح فى مولدات تو نكلمه يجيكم يصلحه فى ضى النهار
-كمال / بالله شوفه هروب الضى تشبح فيه كل ليله والخيمه قدامك معبيه
-العارف/ لالا تم كون هانى
-احمد قريبهم وجه ضى تليفونه على رجل نورى / توجع فيك
-نورى انتبه انه يكلم فيه / ااه
-احمد / توجع فيك رجلك
-نورى / ايه توجع فيا شوى
-خالد قريبهم / غدوة لازم تمشى اتصورها .. مرات انكصرت
-نورى حط يده على رجله وبألم/ احتمال والله
أنت تقرأ
ليلة اكتمال القمر
Action"أفراح" : قصتى بدت من يوم جانا عمى فاتح وقالى يا افراح نبيك تمشى معاى للرحلة اللى دايرتهالنا المدرسة ... ماهو عمى فتوحة نايب مدير فى المدرسة اللى جيهتهم .. وانا عاد وين تلقينى انقز على رجل وحدة فى قولت يا اميمتى خلينى نمشى مع عمى.."و من هالرحلة المش...
