La suiteee........💔
فلة تحكي.......:
حليت عينيا كنت دايخة و ماحاسة بوالو......شفت في يديا لقيت خيط تاع سيروم......نسيت كلشي معلبليش شاصرا و علاه جيت هنا😖
دخلت فرملية شافتني فطنت جات عندي........
(هدرة بالإسبانية bien sur🙃)
انا: شعال راهي ساعة ؟😖
فرملية: راهي 00:00
بغيت نوض من بلاصتي جات شدتني
فرملية: مادام ريحي ماتنوضيش راكي مريضة
انا: شاجيت ندير هنا ؟ وين راه راجلي ؟
فرملية: اصبري دوك نعيطله
خرجت تعيطله و انا غير نسيي نتفكر شاصرا.....راسي راه كاتلني و راني دايخة🤕
جا ياسين عندي.....سلم راسي و قالي تكسلي.....تكسلت وهو ريح فالكرسي و شدلي يدي💔
انا: ياسين شاصرا شاجيت ندير هنا.....؟
ياسين: والو ماتخافيش غير la tension طاحتلك و دختي.......غادي تقعدي هنا حتى تزيدي
انا: صحا.....وين راهي ماماك ؟
ياسين: كانت هنا غير دروك قلتلها روحي للدار.....
قعدنا هكا حتى عيطو لياسين فالتلفون خرج.......جات عندي فرملية ديرلي ابرة...
انا: قيساش جيت هنا ؟
فرملية: راكي في يومين هنا مادام
توسوست كيفاه غير دخت قعدت يومين.....تسما ياسين يكذب عليا....راني حاسة صرات حاجة......قعدت نخمم حتى حكمني وجع ااايي.....زاد عليا وجع مانجمتش وليت نتوغ😖💔💔......جاو الطبا و داوني صالة تاع الولادة......
ماقديتش مت من الوجع غير نتوغ و نعيط لياسين......جا عندي و قعد يشد فيا و يقولي قري اية الكرسي......بديت نقرا و القابلة غير تقولي " زيري روحك بنتي صاي مابقاش بزااف"
شدوني فرمليات و يكالمو فيا.....ياسين خرج......
حتى نسمع بكا و نقص الوجع...🥺
القابلة: ياعمري مبروك عليك بنوتة تهبل😍😍
حطتهالي عند صدري......وحد احساس مانوصفلكمش🥺🥺........هي تبكي وانا نبكي من الفرحة
قعدنا هكا حتى جات فرملية و داتها تغسللها.....انا تاني داوني لقاعة وحدوخرة.......
ريحت في بلاصتي و قعدت نقارع في بنتي.....غمضت عينيا........تفكرت ماما يليق نعيطلها نفرحها🥺........جا عندي ياسين قلتله عيطلي ماما نفرحها..........قعد يخزر فيا و ساكت
انا: مالك؟....قتلك عيط لماما
ياسين: بصح تكون راقدة دروك
انا: معليش نوضها كون مانقولهاش دروك تزعف مني
ياسين: لا خلي حتى غدوة فلة
انا: قتلك دروك
بديت نزقي حتى حكمتني دوخة و بداو يجو flash-back في عينيا...........بديت نتفكر هدرة ماما و هداك message....تفكرت كي عيطتلي خالتي....عجوزتي كي قعدت تسكت فيا......ياااا ربي شاصراااا في مامااااا.....شديت راسي و طاحولي دموع من عينيااااا😭😭😭........و بديت نزقي.......
أنت تقرأ
Maman Je T'aime🥺💔(باللهجة الجزائرية😋)
Lãng mạnتحكي القصة عن فتاة جميلة اسمها فلة عاشت في ظلال بسبب امها التي كانت تدعى ببنت الليل مما أثر على سمعتها و نفر العديد منها لكنها استطاعت بعد معاناة التغلب على هذا الحاجز بفضل شخص غيّر حياتها 360°🙃💔😋 تابعوا القصة❤
