سلام🙋♀️ علابالي طولت عليكم الله غالب راه عندي امتحانات و دوك نكملهم و نولي نديرلكم بارت كل يوم ان شاء الله......و نتوما تاني تفاعلو و دعموني مافهمتش علاه تقرو و تروحو؟؟🙂 لي راهي تقرا تبين روحها بالكمنتار و تقولي يلا عجبتها كرونيك ولا لا ؟
............................la suite💜
فلة تحكي.....💔
جا الصباح خزرت فالساعة لقيتها 9 و ماما كانت راقدة.......نضت من بلاصتي قلبي قريب يحبس من البكا قاع الليل و مازال مارانيش مأمنة بلي زينو سمح فيا😔💔
خزرت فالمرايا حالتي كانت تبكي العدو💔........جامي شفت روحي في هاد الحالة..........شعري مشعطط و مخبل و عينيا حمرين يخوفو من البكا.........
مانجمتش نزيد نصبر رحت لبست جلابة و خرجت.....قعدت نتمشا و ناس يشوفو فيا مخلوعين في حالتي........ماحوستش نفهم قعدت نتمشا نتمشا حتى وصلت لدارهم زينو.........
كان برا مقاري لوطوته و قاعد يكمي........حتى دور راسه شافني💔.......قعدت غير نخزر فيه و عينيا معمرين دموع🥺......حتى نشوفه جا عندي💔
زينو: فلة.....مالكي ؟؟مالها حالتك هاك خلعتيني؟؟....طلعي لوطو نهدرو
شدني من يدي و ركبني فاللوطو قعدت ساكتة و نشوف فيه.....حتى طاحت دمعة من عيني😥....مسحلي دمعتي🥺
زينو: فهميني مالكي حبيبتي ؟؟🥺
فلة: بصح خطبت زينو ؟؟ صاي غادي تسمح فيا😔
زينو تنهد...حط راسه و قالي: شكون قالك ؟
فلة: قولي بصح ولا لا.....و بديت نزقي: اهدددرر علاااه رااك ساااكت
زينو: واه كاينة منها......بصح مشي انا خطبت ما هي لي خطبت بنت خالتي...و ما راهي مريضة و يليق ندير عليها منجمش نزعفها
فلة: وانا شاه ؟؟؟ شاندير انا ؟؟
زينو: مانجموش نتزوجو فلة....c vrai نبغيك والله نموت عليك بصح مانجمت ندير والو ما حرنت عليك و زاد معاها بويا تاني قالي تدي فلة نقلعك من الورث......
فلة: تسما صاي سمحت فيا ياك؟؟
زينو: مزالني معاك بصح مانجموش نتزوجو عمري.....و حط يده في شعري......قلعتله يده و قلتله: حرز تعاود توشيني😠......غمضت عينيا و بديت نستوعب في هدرته و نبكي😭😭قعدت نبكي نبكي و هو يشوف فيا......حليت الباب نزلت من اللوطو و ضربت الباب بالفور.......قعدت نتمشا و نبكي كيما دراري صغار😭😭و هو كان يلحق فيا و انا نجري باش مايشدنيش😭😭حبست مرا كبيرة باللوطو نزلت قاتلي: مالكي بنتي شكاين🥺.......مانجمتش نرد عليها....قاتلي طلعي معايا نوصلك🥺
ركبت معاها و قعدت غير نبكي و هي تسكت فيا😭😭حبست عند البحر و قاتلي احكيلي بنتي اي حاجة راني هنا🥺.......خزرت فيها و قلتلها تزوج و خلاني...عشرة عوام و عوام راح و سمح فيا💔....دروك شاندير في روحي انا....شكون غادي يقبل بيا💔💔
عنقتني مرا مسكينة و قعدت تصبر فيا🥺.....حبست البكا....وصلتني للدار قلتلها ربي يحفظك سمحيلي و نزلت💔
دخلت للدار لقيت ماما تقارع فيا.....ريحت معاها و حكيتلها كلشي......قعدت تسكت فيا و تصبر فيا مسكينة......قاع ناس سمحو فيا حتى papa غير ماما لي لقيتها في كتافي🥺....c vrai كانت بنت الليل و ماتعرف والو فالدين و ماعلمتني حتى حاجة فيه🥺mais هي عندي احسن ام فالدنيا على قلبها الحنين🥺💔💔maman je t'aime❤
............................après une semaine💔
فاتت سيمانة و زينو كمل على خطيبته و دارلها الخاتم.......شفت تصاويرهم بالفيس بوك قلبي قريب يحبس💔💔يا ربي صبرني🥺🥺
ليوم نضت صباح و رحت نخدم......خدمت نورمال كملت العشية ديت طاكسي و رحت للدار......وصلت حليت الباب و غير دخلت تجري ماما فرحانة عنقتني و سلمت عليا
ماما: روحي لمي صوالحك عمري رانا رايحين😍
انا: علاه شكاين؟ مول الدار حاوزنا؟؟
ماما: لاااا باباك عيطلي و جا عندي للدار و تصالحنا و قالي لمو صوالحك و نولو لدارنا😍😍
انا: بصح😍😍😍😍😍😍😍
ماما: والله😍😍😍😍
فرحت فرحت فرحت enfin الحمد لله ربي فرج علياااا وااااي😍😍😍😍😍😍قعدت انا و ماما نزغرتو من الفرحة و نلمو في صوالحنا خفيف خفيف حتى جا papa باللوطو.....رحت نجري عنقته و لسقت فيه🥺😍😍😍انا: توحشتك يا حبيبي🥺🥺
Papa: انا تاني بنتي🥺😍
ركبنا قاع فاللوطو و طلعنا فاليزاتنا و رحنا لدارنااا........غير وصلناااا رحت نجري حليت الباب.........توحشتهااا بزاااف🥺🥺😍
دخلنا للدار.....كنت موسخة شوية.....طلعت الفاليزات و بدينا الميناج انا و ماما.......كملنا خرجت تشعل😌😍.......طيبناااا العشاا و تعشينا فيراحبا نهدرو و نضحكو🥺....توحشت هاد اليامات💔
كملنا....رحت دوشت و جيت لشنمبرتي توحشتها بزااااف.....رتبت قاع صوالحي......شعلت تلفزيون قعدت نتفرج حتى رقدت😴❤
غدوة صباح نضت لبست قشي ماكييت مشطت شعري خرجت نهبل......قعدت نشوف روحي فالمراية و نقول: ياحسراااه هملت روحي بزااف على ناس مايستهلوش🥺.......معليش المهم من اليوم نبدا حياة جديدة و ننسا لي فات و لي كاتبها ربي تصرا❤
ماروحتش نخدم بغيت نحوس و نبدل شوية......رحت درت shopping دورت في قاع الحوانيت تاع وهران......شريت robe و شوية ماكياج.......رحت restaurant فطرت.....ناس قاع مع صحابهم غير انا وحدي😑💔💔
كملت خلصت و خرجت......رحت شريت حلوة و شيكولة و رحت ريحت عند البحر وحدي........كان البرد يكتل و مكان حتى واحد غير انا.....قعدت ناكل و نخزر فالبحر.....كان هايج🌊🌊بديت نتفكر في اليامات لي فوتهم مع زينو فالبحر......مين كناا نباتو فيه.....قاع الليل نحكو و نضحكو......تفكرت مين كنا صغار و نروحو نلعبو فيه و نصنعو دار فالرمل يقولي هادي دارنا انا وياك🥺💔.........مانجمتش طاحتلي دمعة😓
نضت و رحت ركبت طاكسي وصلني الدار....دخلت مالقيت حتى واحد......عيطت لماما قاتلي خرجنا انا و باباك........
خرجت حومة رحت شريت عشا عند واحد يبيع محاجب في حومتنا......لقيت زينو عنده.....ماشفتش فيه قاع......ديت العشا و طلعت للدار.......تعشيت و رقدت😴
..........................après 2mois💔
فاتو شهرين و دخل الربيع.........حسيت روحي ريحت شوية.....ماما و بابا كانو مصبريني و ينسوني في همي.....ربي يخليهوملي🥺❤
ليوم رحت نخدم.......خدمت كملت و ركبت طاكسي يوصلني.......كي وصلت الحومة شفت ام زينو برا واقفة مع نسا تاع الحومة........ماشفتش فيها و كملت طريقي حتى جات عندي سليمة جارتنا.....سلمت عليا و قاتلي هاكي هادي عطاتهالك طاطا نوال.....
شفت فيها نلقاها invitation تاع عرس....
انا: هادي inv......اااا صاي فهمت🙂💔.....وينتا العرس ان شاء الله
سليمة: باقي سيمانة عليه
قست عليها inv و رحت....حليت الباب و طلعت لشنمبرتي منارفية🙂🙂🙂💔
............................انتهى💜
تفاعلووو نكمل🙂
أنت تقرأ
Maman Je T'aime🥺💔(باللهجة الجزائرية😋)
Romansتحكي القصة عن فتاة جميلة اسمها فلة عاشت في ظلال بسبب امها التي كانت تدعى ببنت الليل مما أثر على سمعتها و نفر العديد منها لكنها استطاعت بعد معاناة التغلب على هذا الحاجز بفضل شخص غيّر حياتها 360°🙃💔😋 تابعوا القصة❤
