سلام❤شوفو الفيديو لي راني دايرته قبل ماتقرو💔
La suiteeee.......💜
فلة تحكي......:
خطرة كنت قاعدة قبر تاع ماما نتفكر les souvenirs معاها و نبكي كيما كل يوم💔......حتى نحس واحد حط يده على كتفي......طلعت راسي و نشوف راجل كبير لابس عباية بيضة......خفت شوية
انا: شكون نتا ؟
الراجل: ماتخافيش بنتي انا إمام و موالف نجي مقبرة و نشوفك دايمن هنا تبكي.....قالولي امك ماتت عظم الله أجرك...
انا: اجرنا و أجرك
الراجل: معليش نهدر معاك دقيقة بنتي
انا: صحا تفضل
كانت كاينة بريكة قدامي ريح فيها.....
الإمام: بنتي علابالي راكي محروقة و مشي ناجمة تعيشي بلا بيها و كلشي بصح هادي قاع غير هدرة زيادة.....ربي لي خلق ما يضيع هو لي دار الحياة و الموت.....هو عطانا هاد الروح أمانة و أمانة تولي لمولاها .....كيما نتي راكي أمانة عند راجلك كيما بنتك صغيرة راهي أمانة عندك........الأمانة مانهلكوهاك و مانضيعوهاش خاطر هي مشي ملكنا......روحك راهي أمانة تهلي في روحك تهلي في بنتك في راجلك ربي يتهلى فيك.....مادام راكي غابنة روحك ربي يزيد يغبنك ....راكي تتمناي الموت ربي مايعطيهالكش.......
ان الله إذا احب عبدا ابتلاه........ولي ربي صلي و دعي لميمتك بالرحمة ربي يرحمك و يرحمها......صدقي عاونيها غير بالخير ترضى عليك و ربي يرضى عليك......و تهلي في روحك و في دارك دوك تشوفي كي تريحي و تعقلي على هدرتي مليح😊
انا: ربي يحفظك يا شيخ و يرحم والديك🥺❤
خرجت من المقبرة كان العصر يأذن......عجبتني هدرة الإمام بزااف و قلبي ريحله حسيته انسان طيب ربي رسلهلي باش نفطن و نريح قلبي من هاد الهم🥺.......قاعدة نتمشا و نخمم حتى شفت جامع......دخلت لقيت نسا مريحين يقرو فالقرآن قلتلهم السلام و رحت صليت العصر و دعيت لماما و ليا ربي يهديني و دعيت راجلي و بابا و بنتي🥺......كملت جبت مصحف و قعدت نقرا فالقرآن........حسيت بالراحة نفسية جامي حسيت بيها❤........
فاتت سوايع عيطلي ياسين خرجت و قلتله يجي يديني........جا داني و وصلنا لدار.......
فالليل رضعت سمية و رقدتها.......و رحت بلاصتي لقيت ياسين قاعد حسيته مهموم.....غاضني هملته بزاااف كنت قريب ننساه💔
ريحت حداه و قعدت نهدر......
انا: مالك عمري
ياسين: عمري ؟؟ توحشت نسمعها هادي دشعال بيني و بينها......راني قريب ننسا la vois تاعك يا بنت ناس
انا: سمحلي والله راك عارف حالتي🥺
ياسين: علابالي عمري....بصح والله توحشتك بزااف
انا: même انا......صاي غادي نولو لدارنا غدوة نشرو billet
ياسين: منيتك ولا تزقي ؟؟ مانيش مأمن
انا: واه والله صاي باغية نولي للدار و نولو لحياتنا القديمة و من اليوم مانعاودش نسمح فيك💕
ياسين: الحمد لله يا ربي❤....نموت عليك
أنت تقرأ
Maman Je T'aime🥺💔(باللهجة الجزائرية😋)
Roman d'amourتحكي القصة عن فتاة جميلة اسمها فلة عاشت في ظلال بسبب امها التي كانت تدعى ببنت الليل مما أثر على سمعتها و نفر العديد منها لكنها استطاعت بعد معاناة التغلب على هذا الحاجز بفضل شخص غيّر حياتها 360°🙃💔😋 تابعوا القصة❤
