La suite........💜
جا الصباح....دخلت ماما عندي لقاتني مغطية روحي بالكوفيطة.....قلعتهالي لقاتني قاعدة مارقدتش🙂
ماما: قيساش جيتي ؟
انا: 4 تاع الصباح
ماما: ايا رقدتي ولا مزال🙂
انا: مزال🥺
نضت و ريحت في بلاصتي و ريحت حدايا ماما شدتني من يدي و بدات تهدر🥺
ماما: منيتك مزالكي تندبي عليك.....انا هكا ربيتك فلة....من صغرك وانا نقولك جامي تخلي ولد مرا يطيحك جامي تبغي واحد و تخليه يلعب بيك......مانيش فاهمة مالكي وليتي هكا بنتي كنتي قافزة و مكانش لي يغلبك...كي صرالك؟؟
انا: مشي كيفكيف ماما انا زينو نبغيه ملي كان عندي 3ans🥺
ماما: بصح صاي هو تزوج و عاود حياته و سمح فيك....شوفي باباك مين يبغيني ماسمحش فيا.....فهمي بنتي دنيا متحبسش عند انسان واحد....نوضي سقمي روحك و بدي حياة جديدة نتي تاني حرزي نعاود نسمعك تهدري عليه
انا:😔😔😔😔
......................💜
فاتت اليامات و سمعت هدرة تاع ماما....ديسيديت ننسا كلشي....سبريميت قاع تصويرنا و اي حاجة تفكرني بيه🙃.........مع اليامات حسيت روحي بديت نريح
وليت نخدم و نخرج و نحوس وحدي باش ننسا شوية.......mais كرهت كل يوم خدمة و دار.....خممت نبدل و ندير حاجة sur tous مع صيف دخل........قلت ماما قاتلي روحي سافري تنساي كلشي.......عندها الحق......هدرت مع papa وافق و قالي المهم تكوني bien🥺.........بغيت نروح عند عمتي في مدريد.....غير هي لي تبغيني مسكينة مين كنت صغيرة كنا نروحو نفوتو vacance عندها
عيطلها و قلتلها...فرحت مسكينة و قاتلي راني نقارع فيك❤
......................💜
اليوم يليق نروح القنصلية ندير demande Visa......نضت صباح وجدت روحي لبست ماكييت و طلقت شعري كان مكوافي🧡
رقدت صاكي و خرجت........ركبت طاكسي وصلني قريب ليها حبست بغيت نتمشا شوية.....كان الحال شباب و نسمة تاع البحر و قنصلية جاية في بلاصة شابة هههه
قعدت نتمشا حتى وصلت....دخلت كان الغاشي....ريحت و قعدت نقارع toure تاعي....قعدت نكونيكتي حتى عيطلي واحد يخدم معايا فالشركة....
خرجت برا و قعدت نهدر فالتلفون و كان في يدي passeport.......كان الريح هداك نهار.....حتى نشوف passeport تاعي طار😂🙂
قعدت نجري موراه باش نحكمه و ناس تشوف فيا....
حتى شدهلي راجل و جا عندي عطاهلي.....شديته عليه و طلعت راسي نشوف فيه
الراجل: voilà madame fait attention
انا: mercii beaucoup❤
الله يبارك طويل شباب و زيد يهدر فرونسي ههههه باينة قاري و ببلاصته......حتى نشوفه دخل القنصلية......دخلت انا تاني......قعدت نقارع حتى عيطولي......رحت دفعت mes papiers و عطاوني rendez-vous........
رفدت صوالحي و جيت خارجة حتى نشوف هداك راجل مورايا........تبسمت معاه....ضحك و قالي
راجل: mademoiselle fella كملتي صوالحك ههه؟
انا: ههههه oui شكون قالك اسمي ؟
راجل: سمعتها كي عيطتلك.....même انا جيت ندير demande
انا: aa bon ايا ربي يعاونك
خرجت و قعدت نخمم فيه مارانيش عارفة علاه هههه........رحت restaurant و ريحت نفطر
فطرت و كملت......خلصت و خرجت....قعدت نتمشا في les boulevards و نشوف القش و صوالح......دشعال ماشريتش حاجة جديدة هههه سمحت في روحي.....
جيت نقطع الطريق حتى تفوت عليا لوطو كبيرة كحلة......حبست عندي خلعتني😑😑
انا: ماراكش تشوف ؟😠
حل التاقة لي كان يصوق و رقب عليا.......يااه غير هو......حشمت😂😂كملت طريقي و خليته
لحقني جا عندي و شدني من يدي.......
راجل: je suis désolé.......ماشفتكش فالطريق......ارواحي نوصلك و سامحيني
انا: nn mercii
راجل: svp
انا: dcr
ركبت معاه و قلتله يوصلني لدارنا و قعدت نوريله فالطريق حتى وصلنا.........
راجل: شعال توحشت وهران
انا: علاه مراكش عايش هنا ؟
راجل: nn صافي 10ans في اسبانيا و جيت باش نطلع خوتي لي قعدو هنا
انا: Aa dcr .....انا نروح دروك merciii على كلش
راجل: de rien......هاكي mon num كاش حاجة عيطيلي......ولا رحتي اسبانيا نتلاقو ان شاء الله
انا: هههه ان شاء الله
......................💜
طلعت للدار.....و كنت متحمسة😂....عجبني راجل جاي كيما هدوك قور العاقلين😂❤
حكيت ماما عليه قاتلي عيطيله و انا مابغيتش......كرهت الرجال والله💔
.....................💜
فاتو اليامات خرجتلي Visa خلصت كلشي و بديت نوجد روحي بقالي 3 ايام و نسافر ان شاء لله.........
جا اليوم الموعود....كان عندي vol على 15:00.......نضت الصباح تقهويت لبست قشي ماكييت طلقت شعري و لميت فاليزاتي و ديتهم لوطو....مانحكيلكمش على ماما و papa يبكو علياا🥺🥺
ركبنا قاع فيرحبا و وصلوني للمطار......قعدنا فالمطار فيرحبا و نقارعو فالطيارة.......جا الوقت باش نركب......ودعت ماما و بابا بالدموع...خطرة لولة نبعد عليهم🥺💔.......و ركبت فالطيارة......
انتهى...........💜💜
أنت تقرأ
Maman Je T'aime🥺💔(باللهجة الجزائرية😋)
Romanceتحكي القصة عن فتاة جميلة اسمها فلة عاشت في ظلال بسبب امها التي كانت تدعى ببنت الليل مما أثر على سمعتها و نفر العديد منها لكنها استطاعت بعد معاناة التغلب على هذا الحاجز بفضل شخص غيّر حياتها 360°🙃💔😋 تابعوا القصة❤
