تحكي القصة عن فتاة جميلة اسمها فلة عاشت في ظلال بسبب امها التي كانت تدعى ببنت الليل مما أثر على سمعتها و نفر العديد منها لكنها استطاعت بعد معاناة التغلب على هذا الحاجز بفضل شخص غيّر حياتها 360°🙃💔😋
تابعوا القصة❤
رقدت ديراكت....نضت غدوة صباح رحت غسلت وجهي و رحت كوزينة لقيت ماما مريحة تما.. انا: صباح خير ماما: صباح نور بنتي
ريحت حداها و قعدت نتقهوا....
ماما: حكيلي شاصرا بارح انا: ماما....وجدي صوالح غادي نخرجو من الدار🙂 ماما: علاه؟ زينو قالك خرجو ؟ وين نروحو ؟؟ انا: ماقالي والو زينو...انا باغيا نخرج ماما: و علاه انا: شفتي راقي شاقالي....نقعد في دار تاع سحارة؟؟ كرهتها صاي هاد دار و غادي ندبر دار للكرا نقعدو فيها بيلاما ولينا لدارنا ماما: بصح الكرا مايقدوكش دراهمك بنتي انا: معليش المهم مانقعدش هنا
............................💔
فاتت 3 ايام و ماهدرناش انا و زينو.......مشي غير هو انا ماراني نهدر مع حتى واحد حتى ماما.......ليوم دبرت دار صغيرة للكرا.....خرجت من الخدمة و رحت عند مول الدار خلصت كرا تاع شهر و عطاني مفتاح......كملت و ركبت طاكسي رحت عند ماما........شوية و وصلت و طلعت عند ماما انا: صاي دبرت دار و خلصت شهر كرا....وجدي قاع صوالح غدوة نرحلو ماما: صحا......قلتي لزينو ؟ انا: مزال ماما: علاه دوك يزعف انا: ماما حمبوك مارانيش باغية نهدر......"رحت و خليتها "
.....................💔
فات نهار و وجدنا كلشي و رقدنا......غدوة نضنا صباح انا و ماما لبسنا عيطت طاكسي باش يجي يدينا...... رسلت ميساج لزينو كتبت "صاي دبرت كرا و خرجت من دارك....merci pour tous" و طفيت تلفون.......جا طاكسي نزلنا عنده ركبنا و وصلنا للدار جديدة....مشي بعيدة بزااف على دارنا و قريبة للبحر💕
وصلنا رفدت فاليزات حليت الباب و دخلت....لحقتني ماما و قعدنا نشوفو فالدار.......شابة بصح كانت موسخة و مغبرة بزاااف
ماما: هادي غادي خصها nettoyage كبير يا بنتي🙃 انا: دوك نلبس بدعية و نجي نعاونك ماما
رحت حليت فاليزتي قعدت نحوس على بدعية مالقيتش و كان البرد هداك الوقت🥶........حوست حوست حتى لقيت وحدة عريانة تاع صيف.....ماعندي ماندير يليق نلبسها🙂.......لبستها و رحت عند ماما
(بدعيتي جاية كيما هاك)
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
بدينا نديرو ميناج من صباح حتى العشية كملنا......دار ولات تشعل....رتبنا قشنا فالخزانة وجدنا عشا و تعشينا.....غسلنا ماعين كملنا و حكمنا بلاصتنا نرقدو
.......................💔
شعلت تلفون و نلقا 10 appels من عند زينو🙂......توحشته بزاااف بصح مانجمش نهدر معاه....غاضتني مين حكا لامه كلشي + علاباله شادارت فيا و خلاني و راح عندها 3 jours مايسقسيش عليا و علاباله راني مريضة بفففف🥺💔طاح من قلبي والله
قعد قاع الليل يعيط و مارديتش عليه و رقدت كنت عيانة......غدوة نضت صباح رحت للخدمة و نلقاه مقاري لوطو عند شركة.......كلاكصونا عليا درت روحي ماشفتهش.....نزل جا عندي حكمني من يدي🥺
زينو: طلعي نهدر معاك😠 انا: و الخدمة ؟ زينو: ايا ماتهبلينيش....غير نهار ماتخدميش مغاديش يطردوك
رحت للوطو تاعه و ركبت و دورت وجهي مشنفة......جا هو ركب و قلع لوطو يجري الارض حرقها انا: مارانيش باغية نموت والله.....خزر فيا منارفي قاع شكاين سكت و خليته...... شوية ووصلنا jardin كان calm و خلوي مكان حتى واحد...........نزلنا و رحنا ريحنا في كرسي و بدا يهدر و يزقي🙂
زينو: باغي نفهم كيراني نبانلك انا مشي راجل ولا شاه😡😡ماتسمعيش قاع كلمتي كيفاه تخرجي بلا ماتقوليلي و نعيطلك ماترديش تاني فهميني مالكي تبدلتي😡 انا: علاه نتا اصلا راك تحوس عليا ولا تخمم فيا.....3 أيام ماعيطت ماسقسست عليا pourtant علابلك بلي راني مريضة و علابالك تاني علاه راني مريضة🙃....و مين رحت حكيت لماماك لي صرا بيناتنا و كشفتني قدام ناس تما خممت فيا ؟؟ خليتني و رحت عندها و même pas ماحاسبتهاش ولا سكتها قولي خممت فيا ولا لا ؟؟ زينو: هاديك ماا و ماعندي مانديرلها و مانجمش نهدر معاها و هادو 3 ايام ماهدرتش معاك باش تتعلمي تهدري معاها كيما هي كشفاتك نتي تاني كشفتيها و كشفتيني قدام الغاشي.......فلة c vrai نبغيك بصح ما قبل كلشي و ماعندي مانديرلك😊 انا: ايا ربي يسهل عليك نتا و امك.......نضت و رحت نتمشا و نجري و هو يلحق فيا.....بغيت نقطع طريق جا شدني من يدي و جبدني
زينو: تسما كيفاش دروك شولا هادي ربي يسهل عليا😕
انا: زينو انا درت كلشي علاجالك...papa خرجني من الدار علاجالك و ماسمحتش فيك...عطيتك حنانتي قلبي حتى corp تاعي tellement درت فيك confiance......و راني مريضة دروك و قادرة مانتزوجش قاع علاجالك تاني......دروك وقتك نتا باش دير حاجة علاجالي😊........خليته و رحت ركبت طاكسي وصلني خدمة......وصلت و طلعت شركة نخدم
.........................💔
كملت خدمة عشية و طلعت لدار......شربت قهوة و دخلت دوشت و خرجت لبست قشي و ريحت مع ماما....حكيتلها كلشي و عاودتلها هدرة تاع زينو
ماما: نقولك صح فلة 🙂 انا: قولي نصحيني ماما🥺 ماما: بنتي ماماه قبيحة و هو يخاف منها باينة من هدرته.....يلا باغي يديك قوليله مانعيشوش معاها باش تتهناي في حياتك انا: واه نيشان و يلا مابغاش ماما: بعدي عليه و صاي مكانش غير هو...تزوجي باش تتهناي مشي باش تنغبني انا: ouii🥺🥺🥺
