🙈 Snakey 🙈 [COMPLETED]

පසුවදන🐒

🐰"හ්යොන්ග්.. අපි එයාව කොහොම හරි හොයා ගමු..."

ජන්කුකා මගේ උරහිසට අතක් තියලා කිව්වෙ ලොකු විස්වාසෙකින්.. ෆෝන් එකටම මූණ ඔබාගෙන හිටියා උනත් වෙනදාට වඩා මගෙ හිතේ ලොකු විශ්වාසයක් තිබුණා..

"දේ.. මේ පාර නම් මන් ඔයා හොයා ගන්නවමයි..."

මන් හිතින් කිව්වෙ මීට මාස හයකට කලින් මෙහෙදිම ඒ කියන්නෙ ලොසැන්ජලීස් වලදිම ගත්තු මගේම ෆොටෝ එකක් බලාගෙන.. මේ ෆොටො එකේ ලොකු විශේෂත්වයක් තිබුණා.. ඒ විශේෂත්වය දකින්නත් මට මාස හයක්ම ගත උණු එක ගැන මන් මටම තාමත් දොස් කියා ගන්න ගමන් ඉන්නෙ..

මීට දවස් දෙකකට කලින් අහම්බෙන් වගෙ මේ ෆොටො එක දැක්කෙ ෆෝන් එකෙ තිබුණු ජිමිනාගෙ ෆොටෝ වගයක් ආයෙම එයාට යවන්න ගත්තු වෙලාවකදි.. මුලදි එ තරම් ලොකු අවදානයක් නොදුන්නත් ෆොටෝ එක දකින වාරයක් ගානෙම අමුතු හැඟීමක් මට එන්න අරන් තිබුණා.. ඒ නිසාම ෆොටෝ එකේ හැම තැනක්ම සූම් කරලා බලපු මට මගෙ ඇස් අදහ ගන්න බැරි උනේ අහම්බෙන් වගෙ ඒ ෆොටො එකට ස්නේකිව වැදිලා තිබුණු නිසා..

ඒ වෙලාවෙ මට මුළු ලෝකෙම ලැබුණා වගෙ ලොකු සතුටක් දැනෙද්දි ඒ එක්කම මන් ගැනම ලොකු තරහක් වගෙම වේදනාවකුත් එකපාරම දැනුණා..  ඒකට හේතුවක් තිබුණා.. ඒ ෆොටො එකෙ ස්නේකි හිටියෙ වීල් චෙයා එකක.. හැමදාමත් වගේ ඒ ඇස් මන් දිහා දුරින් ඉදන් බලන් ඉන්න හැටි හරි ලස්සනට නොදැනුවත්වම උනත් ජායාරූප ගත වෙලා තිබුණා..

ෆෝන් එක පැත්තකින් තියලා මන් හැදුවෙ ටිකක් නිදා ගන්න උනත් එකපාරටම හේසොකා කිව්ව දෙයක් නිසා මන් වටපිට හොදට බැලුවෙ පරණ මතක ආයෙම අලුත් වෙනකොට..

🐎"යා.. ටේහ්යොන්ගා.. මේ පැත්ත මතකද.. ස්නේකි අපිට මුලින්ම හම්බුණේ මේ හරියෙදි.."

🐯"කොහොම අමතක වෙන්නද හ්යොන්ග් එයා අපෙ වාහනෙ සයිඩ් කණ්ණාඩිය කුඩු කලානෙ... මතකද අපි කම්පැනි එකෙනුත් බැනුම් ඇහුවා හොරාට ආවා කියලා..."

ඒ දේවල් මතක් වෙනකොට කට්ටියටම හිනාවක් ගියේ ස්නේකිගෙ  විකාර වැඩ මතක් වෙලා උනත් හැමෝගෙම මූණු ආයෙම අදුරු උනේ කෙල්ලව මතක් උණු නිසා වෙන්න ඇති..