اللهم صلى وسلم وبارك على سيدنا محمد وعلى آله وصحبه أجمعين صلاه تكون طريقا لقربه،وتأكيدا بحبه،وبابا يجمعما به وهديه ❤✨
بعد أسبوع من حادثة سيف إلا انه حمدا لله تعافي ولم يتبقي الا بعض الكدمات البسيطة..في منزل زين
مي بصراخ/غشاااااش والله غشاش يا حساااااام وما هلعب معاكو
زين بمرح/فين الغش ده الشايب وانتي اللي سحبتيه يلا يا يويو حبيبه بابا اجهزي لعقابنا
مي وهي تكاد تبكي/حتي انت يا عاقل يا كباره يا كبير وبعدين انا اللي استاهل اني بلعب معاكو انا اللي استاهل بس لو سمحتم احضرات يعني خففوا العقاب علي قد ما تقدرو انا برضو ميوش حبيبتكو طيب انت يا زين مين هيجيبلك الضغط ويخليك تشحت قدام الجامع
زين بتفكير/انتي
مي ببسمه غبيه/وانت يا حسام مين اللي فضحاك وكل شويه تقول لاي بنت تعرفها انك وانت صغير طلعت مره تجري من البيت من غير بنطلون ومش كنت لاب...
قاطع كلامها حسام وهو يضع يده علي فمها ويقول/خلاااااص انتي
مي وهي تبعده وتقول/وانتي يا مروة يا قلبي مين اللي كل شوية تقفشك انتي وزين مع بعض
مروة برقه مصطنعة وهي تسبل لزين/انتي يا قلبي
مي وهي تسبل لهم بغباء/ما شاء الله اجيب اتنين لمون انت يا عم سوما العاشق وانتي يا حاجه صغيره علي الحب اهدو شويه الله يكرمكو
زين وهو يرفع يده يحييها/حبيبه قلب ابوكي
مي وهي تكمل/وانتي يا مرام مين اللي بتاكل اكلك ومتسيبلكيش لقمه وبتلبس اي حاجه جديدة عندك وتبوظها
مرام بغضب/انتي
مي بإبتسامه وغمزه/وانت يا سيف مين اللي انت بير سرها وهي بير سرك وبتلطف الجو بينك وبين سمر
سيف وهو يسبل لسمر/انتي
مي/وانتي اسموره مين اللي بيغطي عليكي لما تخرجي من غير ما تعر...
قفزت سمر وهي تصرخ /بسسسسس انتي
مي/وانت يا زياد وانتي يا عليه مين اللي بيقفشكو مع بعض ومش بيعرف الباقي غير طشاش
زياد وعليه/انتي
مي/وانتي يا سما ويا وعد مين اللي بتخلوها تترجملكوا اي حاجه انتو عايزينها
سما و وعد/انتي
مي وهي تضع ساق فوق الاخري وتقول/وانت يا مازن مين اللي بتجيبلك بنات مزز وتقولك نقي الاحلي تكلمها
مازن/ميوش حبيبه قلبي صحيح أمنية صاحبتك دي مرتبطه لو مش مرتبطه اشطا صراحه البت موجه انا مش عارف قابله تصاحب اشكال زيك ازاي البت قمر والله
مي وهي تتجاهله وتقول بعدم اهتمام/هخليك تكلمها نكمل وانتي يا زينة ويا جنه مين اللي بتخلي حسام و أدهم يوافقوا انكو تطلعوا رحله او تخرجو
زينة و جنه/انتي
مي/وانت يا أدهم ويا ملك مين اللي بتخلي حسام وزينة وجنه يبيتوا عندنا علشان البيت يفضي عليكم
أدهم وهو يلقي قبله لمي في الهواء ويقول ببسمه/انتي يا حبيبه قلب عمو
(فيه شخصيات جديده هعرفكم عليهم:زياد ده الأخ التوأم لزين عم مي وعليه دي مراته وسيف و وعد وسما دول ابناءهم وولاد عم مي اللي يعتبروا اخواتها مش مجرد ولاد عم..
وأدهم ده اخو زين وزياد التالت ومراته ملك و حسام وزينة وجنه ابناءهم وولاد عم مي اللي برضو بيعتبروهم اخوات قبل ولاد عم
ببساطه سيف و وعد وسما ومي ومرام وحسام وجنه وزينة و مازن دول ولاد عم لكن هما دايما مع بعض اللي يشوفهم يقول اخوات... نرجع بقي لروايتنا وانا هحاول اوضح الشخصيات علي قد ما اقدر
أنت تقرأ
مالك خيالي(عشق مجنون)
Lãng mạnحبت خطيبها اوي وبعد فترة قليلة خانها واكتشفت حكايته وانه عمره ما حبها بعد ما كرهت صنف الرجالة عشقت واحد جالها في حلمها علي هيئة مواصفات بس حبته وهي مش مصدقة ده ياتري هيطلع حقيقي ولا كله..... خيال
