مالك خيالي(عشق مجنون)

مالك خيالي"الفصل الثامن"

صلوا عليه ما إستضاء بنوره الكون في الإسراء والمعراج صلوا عليه ما تلألأ  كوكب يجلو الظلام بنوره الوضاء 💜🌸🌸🌸🌸🌸🌸🌸🌸🌸
Omnya Mohamed

بعد أنتظار جاء اليوم المرتقب وفرحة عائلة الألفي أجمع ولكن هل تستمر الفرحة...........
سيف بعصبيه/اقسم بالله لو ما قولتي مالك لأجيلك علي البيت دلوقتي أجيبك من شعرك
سمر بحزن/كان نفسي اهلي يكونوا معايا انهاردة كتب كتابي مين هيكون وكيلي لما المأذون يسأل عليه عارفه ان حازم اخويا موجود لكن كان نفسي بابا هو اللي يكون وكيلي
سيف بحزن/ليه بس كدة يا قلب سيف يعني هو مش زين ومروة دول أهلك أنتي من انهاردة مش هتبقي مراتي لا هتبقي بنتي واختي وصاحبتي وكل حاجه ليا اعتبريني كل حاجة انتي احتليتي جزء من قلبي او أقصد قلبي كله
سمر برقة وفرحة/ربنا يخليك ليا يا حبيبي انت فعلا نعمه من ربنا عوضني بيها عن فقدان اهلي ربنا يديمك ليا يا أغلي حاجه في حياتي
سيف بحب/ويديمك ليا يا سمورتي يلا هقفل معاكي علشان تجهزي وهآجي آخدك كمان نص ساعة من البيت علشان تجهزي انتي والبنات سلام يا قلب قلبي

....♥

في مكتب منير الألفي
منير بسعادة/مبروك يا مي يا حبيبتي ربنا يسعدكو وافرح بيكي وييجي اللي يطلع عليكي كل اللي عملتيه فيا ههههه
مي بضحك وبراءه/دايما ظالمني يا مستر منير دنا ملاك 
ولا بهش ولا بنش
منير بسخط/باين يا ملاك يا بريئة يلا روحي انتي انهاردة وبكرة أجازة ليكي ومبروك مرة تانيه
خرجت مي من المكتب وهي في طريقها للمصعد وفتح لها وبمجرد فتحه حتي رأت شيء جعلها تتسمر مكانها وهو........

خرج الجميع ونظروا لبعضهم البعض بتعجب من هذا الصوت الذي صدح فجأة في المنزل وفي اللحظة التالية صدح ولكن أقوي وما هو إلا مازن يركض ممسك بنعله وراء حسام الذي يهرول بعدم انتظام في انحاء المنزل ويصرخ بشدة ومازن يسبه ويقول /يلا يا ابن الكلب يا واطي يلعن ابو معرفتك أما خليتك ترقص علي شيك شاك شوك ما ابقاش انا
حسام بصراخ /الحقونيييييي يا زييييييين هيموتنييي انتو يا عيله هبله اتحركوا بدل السخسخه اللي انتو فيها
مازن بصراخ وهو يضربه بأحد من نعله في ظهره ويقول/مش عايز المح خلقتك اللي تجيب المرض دي يلعن ابو معرفتك ومش هجوزك اختي ثم تركه وذهب وانعكست الأدوار فأصبح حسام هو من يركض وراء مازن ويقول بصراخ/لا وحياه امك لتجوزهالي آخر مره والله كنت بهزر خد بس يا مازوني يا قمر انت خلاص هكلم أمنية واعرفها ان ده مقلب
مازن وهو يقفل باب غرفته ويصطدم حسام به فقال مازن بضحك/لا شكرا انا لا عايز حد يصالح امنية ولا حاجه اقولك مش عايز أتجوز واهو نصيع مع المزز المستوردة دي
حسام وهو يصرخ ويمسك ظهره بألم/آه يا ضهري ياني حسبي الله ونعم الوكيل فيك يا مازن يابن مروة
مرام من خلفه وهي تآكل تفاح ببرود/اي يا حسام يا حبيبي اللي منيمك علي الأرض قدام اوضه مازن كده
حسام بسخريه وصراخ ألم/بتشممممممس
مرام ببرود/الله انت متعصب ليه وضهرك ماله هو بيوجعك
حسام بألم وهو لا ذال مستلقي أرضاً/لا مفيش وجع هو بس عربيه نقل عدت عليا بس قسمتني نصين زي شكة الإبره بالظبط يارب الرحمة من الغباء شكلها وراثة آآآه يا ضهري يهدك يا مازن هتجيبلي كساح
مرام بغباء/آه لا الف لا بأس عليك يا حبيبي...... جننننننه يلا علشان نحط ماسك
جاء زين وقال لحسام وهو يضحك/هو انت عملت اي يا حلاوة أنت
حسام ببراءة/بص يا آنكل اناهحكيلك
F. B
مازن وهو يتحدث مع أمنية هاتفياً ويقول بعصبيه/لو لبستي أم البنطلون ده تاني هعلقك لحد ما يبانلك صاحب آمين
حسام بصوت نسائي/اي يا مازوني بس اللي معصبك لا إجمد كده دحنا ليلتنا عنب هيهيهيهي
سيف من ورائهم وهو يقول بضحك/لا انا وأنتي الأول أنتي قولتيلي أسمك ايه يا قمر أنتي
حسام بضحك شديد/سالي اللي سكتها كلها تسالي هيهيهيهي بس اي الفانله السودة القمر دي يا مازوني
مازن وهو ينظر لما يرتديه بتعجب فهو يرتدي قميص ويقول بغضب/بس يا جدع أنت والله ده حسام يا أمنية
حسام من خلفه/اخص عليك بقي القمر دي وحسام لا مخاصماك يا مازن
سيف من خلفه وهو يكاد يغشي عليه من الضحك/بقولك اي ماتسيبك من مازن وخليكي مع سيف هو سيف وحش والا ايه ما تجيبي بوسه هههههه
حسام/سيف مين ده اللي وحش دانت قمر إنما حكاية البوسه دي فأنا متفقه انا ومازوني انه يخلص المكالمة وهو اللي ياخدها إنما متغلاش عليك
مازن بعصبيه/نفركش ايه يا أمنية والله حسام وسيف بيهزروا والله ولد والله ولد هههههههههههه فلتت منه ضحكه علي شكل حسام مازن بضحك/الو الو الوووووو ههههههههه قفلت السكة في وشي خدي بقي يا قمر فركشت وفضيتلك يا سالي هاتي البوسه بقي
حسام بضحك وبصوته الرجولي/لا بقولك اي انا حسام اه لكن راجل اوي يعني
سيف بضحك/والله ما انتي ماشيه يا سالي غير لما ناخد البوسة
حسام بدراما وضع يده علي صدره/شرفييييي يا ولاد النتنه
صدح صوت ضحك مازن وسيف بقوة بعدما هرول حسام للخارج فإصطدم بالباب الزجاجي ووقع علي وجهه
B
بس يا زين ده اللي حصل انا ذنبي ايه
نظر له زين بغباء ولم يتفوه بنصف كلمه إكتفي بالنظر له بغباء فتركه و إصطحب جميع الرجال لغرفه مخصصه للتجهيزات وقاموا بالجلوس بإنتظار حلاقهم
كما اخذت ملك الفتيات وذهبوا لغرفه بانتظار ان تأتي فتاه لتعمل لهم الحلي والزينه الخاصه بهم
عند الرجال.. سيف وهو يقوم بتشغيل أغاني والجميع يصفق بشدة فأمسك بفرشاه للشعر واخذ يغني بها مثل الميكروفون فجاءت أغنيه (في عشق البنات) فأخذ يغني ويصفق بشدة ويردد الجميع فدلف زين مره أخري ومعه عبدالرحمن وإياد ومراد وكريم وخالد الأخ التوأم لأدهم فهم نسخة متطابقة يا الله كيف يفرقوهم عن بعض ضمهم الجميع فهم لم يروه منذ سنين
وأيضاً دلفت نهلة الي غرفه النساء فوجدتهم يرددون اغنية لبوسي(مبروك عليا) فأوقفوا الأغنية وضموها بحرارة وها قد أكملت كما يقولون عليهم(شله المجانين وهم:ملك ومروة وعليه ونهلة) اخذوا يرقصون ويرددون مع الأغاني بعد فترة دلفت مي وهي مذهولة بشدة فلم تجد احد إلا اصوات الأغاني فعلمت أنهم يتجهزوا فدلفت سريعا لغرفتها وأخذت تتذكر ما رأته F. B
وهي في طريقها للمصعد وفتح لها وبمجرد فتحه حتي رأت ما جعلها تتسمر وهو علي خطيبها السابق ومعه فتاه في المصعد ويقوم بتقبيلها بطريقة قذره فتحت فمها وصرخت بهم بحده وقالت بإشمئزاز/انت يا حيوان انت والقذرة دي انتو فاكرين نفسكوا فين انتو في شركة محترمه اتفوووه عليكوا عديمين التربية والأخلاق والدين كمان والله لأحبسكوا يا مقرفين يا أوساخ التم الجميع علي صوت صراخها فصرخت بأعلي صوت وقالت/مستر منييييير دقيقتين لو بوليس الآداب موصلش انا هتصرف وانت عارف انا ممكن اعمل اي في آخر خمس كلمات وجهت كلامها ل علي وهي تضع يدها في خصرها فقال منير بصوت غاضب/ايه اللي بيحصل هنا يا مي
مي بغضب ونظره حادة تشبه نظره زين/الأستاذ والهانم اللي مشافوش تربية ولا يعرفوا إنهم مسلمين او معني الإسلام بيعملوا شيء مخل بالآداب ولو مش مصدق راجع الكاميرات
منير بغضب/علي انت واستاذة مني المحترمه مرفودين وانا هكتبلكوا تقرير حلو كده مفيش شركه هترضي تشتغلوا عندها واشار بيده للسكرتيره الخاصة فهمت ما يحاول قوله بعد دقائق كان رجال البوليس موجودون فأنكر علي هذا فقامت مي بمراجعة الكاميرات فأخذوهم فدلفت مي من الشركة وهي تسبه بشدة
B
جلست علي طرف فراشها وهي تحمد الله بشدة أنه خلصها من هذا العذاب الذي لا يعلم به إلا الله فالحمدلله علي كل حال لقد اعمي حبها له عينها صدق من قال مرآه الحب عاميه فهي ظنت ان الله أبعده عنها لعقاب او بلاء فتمنت لو بلاء من الله بأن يرفعه أما أن كان عقاب فيخففه او يغفرلها ولم تكن تعلم أنها محبه لها من الله فرب الخير لا يأتي إلا بالخير كم انت عظيم يا الله أبعدت شر صغير لا يعلمه الا انت لتأتي بخير كبير فأصبروا علي ما أصابكم وكونوا ذو يقين كبير جدا بالله والله يعلم وانتم لا تعلمون....♥
قاطع شرودها دق علي باب غرفتها عذرا هل قلت دق أقصد ضرب علي باب غرفتها فقامت بصراخ وهي تقول/براحة يا بغل ياللي بتهبد علي الباب عليه إقساط... ما تصبر يا جاموس بري هطيييير
بمجرد فتحها للباب حتي وجدت صفعه ردتها للخلف لم تفق من الصفعة الأولي حتي وجدت صفعه علي وجنتها الثانية وقالت اول سيده/انا بغل يا بجرة انتي
تحدثت فتاة بجانبها/انا جاموس بري يا جلوسه طين
فاقت مي من الصفعة وقامت بضم الأثنين وهي تقول/تسلم أيديكم يا معلمين وحشتني هزارك الغبي اي يا نهله مش وحشتك ميوش بنت اخوكي وانتي يا سرمه قديمة يا سارة مش وحشتك هتفضلوا علي طول بره مصر
نهلة بغيظ/لا خلاص ياختي مش هنسافر تاني بس أنتي مش وحشتيني لإن ببساطة بشوفك كل يوم مانت مش مبطله رغي فيديو كول طول النهار
لوت مي شفتيها وقالت بتذمر/اخص عليك يا آميييين
ضحكت سارة وقالت بمزاح/تعالي يا فاطنه يا جلبي ننزل تحت نهز شويه مشغلين مهرجان (صنع الصين) وانتي عارفه اني من معجبين بندق ومسلم يلا يا شيخه يلا انا عايزه ارقص قبل ما حازم يوصل
مي بغضب/بت انتي هو بيمشي كلامه عليكي ليه انتو لسه مجرد مخطوبين إحنا معندناش الكلام ده
نهلة بغمزة/لا ما هما انهاردة مش هيبقوا مخطوبين انهاردة هيكتبوا كتابهم هما كمان زين عاملها مفاجأة من العيار التقيل مش كنت متوقعه
مي بسعادة/مبروووووووك يا قلبي اي ده يعني الكل هيتجوز وانا هفضل سنجل والله ما ينفع يعني مين هيقعد معايا
سارة/ههههه عقبالك يا روحي يلا ننزل
دلفوا الي الأسفل وانقضت عدة ساعات وقد انتهت النساء من التحضير بقي الزينة والفستان أما في غرفة الرجال فقد انتهوا من كل شيء ما عدا اللبس جاءت الساعة السابعة مساءً وكان جميع الرجال متجهزون بالكامل وقد زين المنزل بطريقة رائعه جدا والأضواء تملأ المكان صعد زين وزياد وأدهم وخالد لإحضار الفتيات فنزلوا أخيرا وكان زين ممسك بذراع مرام وباليد الأخري سمر وزياد ممسك بيد سما واليد الأخري وعد وأدهم ممسك بيد جنه  واليد الأخري زينة وخالد ممسك بيد سارة وباليد الأخري مي وملك وعليه ونهلة ومروة يزغردو بشدة وعيناهم تدمع اخذ كل شاب عروسه وأخذوا يرقصون ويرددون أغنيه (يا ستار) ويوجهوا كلمات الأغنية لعروسهم في آخر الأغنية قام مراد وحازم وحسام بالدوران وهم يحملون زوجاتهم وزين ممسك مروة من خصرها وهو يهمس/بحبك
ضحكت مروة وقامت بضمه لها بشدة وقالت/انا أكتر
أخذوا يرقصون بشدة مع زوجاتهم جميعاً وخالد يرقص مع مي كي لا تحزن اكثر فهو رأي وجهها الحزين وعيناها المليئه بالدموع آه يا الله فدائماً ما يكون في مكان الجميع مليئون بالسعادة ماعدا شخص حزين يحاول ألا يظهر حزنه ويحاول مداراته بالضحك فأجبر بخاطر كل من تليق له السعادة ليس الحزن يا الله أجبر قلوب قد كسرها أشخاصاً لا يعلمون شيء عن جبر  الخواطر والم القلب وما يسببوه من أوجاع ولا يعلموا ان كل ما يفعلونه سيرد لهم سواء ان كان خير ام شر  (فسلام علي قلوب ذاقت العناء وما زالت تضحك وصدرها يمتلئ فوق البكاء بكاء وبكاء.....♥)
بعد قليل دلف عبدالله المنصوري ومعه المأذون فصدحت الزغاريد في المكان فجلس المأذون وقال/بسم الله الرحمن الرحيم ...مين اللي هيبدأ صاح مازن وقال/انااااااا
قاطعه حازم وهو يقول بغضب/انا الأكبر ياخويا يلا يا شيخنا الا قوللي انت أسمك ايه هو انت مأذون صح أصل لامؤخذه يعني باين انك أصغر مني وبعدين فين العمه هااا وفين الدفتر والجلبيه لابسلي بدله زي ما يكون اخويا والله ثم التفت لعبدالله وقال/اي يا عمو انت جايبلنا ابنك وتقول مأذون بلاش هزار في الأوقات المنيله دي
المأذون بتعجب/هو يعني علشان شكلي صغير ولابس بدله أبقي غفير مش مأذون انا إسمي علي وانا مش صغير اوي يعني انا سبعه وتلاتين يا باشا ثم إقترب من حازم وهمس/هو فيه أكل ولا هنقضيها عصاير
حازم ببسمه/والله انا حبيتك لا خلاص انت زي اخويا يا شيخ علي متقلقش في اكل كتير انهارده لو معاك كيسه سوده في الدرا كده وانت فاهم احم يلا اتفضل يا شيخ
عندما قال الشيخ اسمه قالت عليه بهمس/قطيعه تقطع ده إسم جاتك البلا يا علط يا إبن نبويه الحوله وصل همسها لزياد فقام بالضحك كثيرا
بدأ المأذون بإجراء الزواج حتي انتهي بمقولته بارك الله لكما وبارك عليكما وجمع بينكما في خير صدح الزغاريد من الجميع فقام حازم بتقبيل مقدمه رأس سارة وقال/الف مليون مبرووووووك يا زوجتي ابتسمت سارة بخجل وقالت/الله يبارك فيك يا حازم قلبي
فجاء دور مازن وأمنية وقام المأذون بالإجراءات حتي ختم بقوله بارك الله لكما و بارك عليكما وجمع بينكما في خير بعدها كان دور سيف وسمر وعندما بدأ علي بإجراء الزواج وقال اين وكيل العروس نظرت سمر بحزن فهي لا أهل لديها سوي أخيها حازم وكان قد يتقدم ليقول انه هو وكيلها قاطع تفكيرها قدوم زين ووضع بياناته الشخصية وقال/انا يا يا علي وكيل العروسه
نظرت له سمر بإمتنان فقام بتقبيل رأسها وقال/ مبروك يا بنتي وأيضاً انتهي علي بمقولته الشهيرة وقام بعقد زواج حسام وسمر يليه كريم وسما ومراد و وعد وعبدالرحمن وزينة وأخيرا إياد وجنه انهي المأذون من عقد الزواج فنظر لمي الواقفة وحدها وقال بمرح/وانتي يا آنسة مش ناويه تتجوزي ما هو ماجتش عليكي انا اول مرة أجوز العدد ده
مي ببسمه/لا يا شيخ انا سنجل
عمر بضحك/طيب قولي ورايا زوجتك نفسي
خالد مقاطع/اي يا شيخ خير ههههه
علي بضحك/الف مبروك بالرفاء والبنين ان شاء الله غادر المأذون وصدح صوت الأغاني وتقدم الجميع للساحة وبدأوا بالرقص وغناء أغنيه (جوايا حاجه)لزوجاتهم والضحك حتي انتهت الليلة بمزيد من الفرحة والضحك و بعض الحزن وحل الليل بالكامل ليريح الأجساد المتعبة ويأتي يوم جديد مليئ بالإسرار والفرحة والحزن اكيد فإجعل يا الله كل الأيام مليئة بالفرحة والسعادة علي جميع من يستحقها وإبعد عن كل شخص شر أنت اعلم به وحدك لا شريك لك فلك الحمد ولك الشكر كله وإليك النشور ♥.......
أتمني يعجبكم وياريت تقديرا لتعبي تتفاعلوا شوية البارت اللي قبل كده التفاعل فيه يكاد يكون منعدم لو سمحتوا تقديرا لتعبي إني أخلص البارت في وقته.. دمتم بخير وسعادة"😘😘..............................................