مالك خيالي(عشق مجنون)

مالك خيالي "الفصل السادس"

يا من تريدون شفاعته صلوا عليه وسلموا تسليماً 🌸🌸🌸🌸🌸🌸🌸🌸🌸💜💜

في شرم الشيخ وبالأخص في الفندق المقيمون فيه عائله الألفي زياد ببرود/وايه يعني يا عليه هما صغيرين علي الجواز دلوقتي وبعدين هما اللي عايزين كدة وانتي عارفه خالد مش موجود علي الأقل كتب الكتاب هيتم وهو في مصر
عليه بعدم اهتمام/طيب ياخويا اللي تشوفه ما تيجي نطلع نقعد علي البحر شوية بما إننا مش عارفين ننام
هز زياد رأسه وقبل وجنتها وقال/يلا أحسن حاجة ان البت مي عملت حسنه في حياتها بدل ما هي شلاني كده وتخلينا نغير جو شويه لوحدنا يا جميل
ابتسمت عليه وقالت/ربنا يخليها للغلابة ياخويا
دلفوا وجدوا الجميع جالسون علي الشاطئ يأكلون اللب وبعض الفاكهة أبتسمت مروة وقالت بصوت عالي/تعالوا جنب اخواتنا اظن مش جايلكوا نوم
هز زياد رأسه بملل من صراخها فقال/صوتك يا مروة هو اه عليه غبيه لكن مش طرشه
عليه بتذمر/غبيه في عينك يا راجل ياعجوز انت
زياد بتكبر/فيه عجوز قمر كده
ملك وهي تدخل رأسها وتقول بصوت عالي بينهم/ماتصلوا علي النبي يا جماعة والله شيطان ودخل ما بينكوا وأنا هقول الحق أنتم عارفين اني حقانيه الصراحة زياد قمر رغم أنه بجد عجز لامؤخذه ازوز يعني بس هي يابت يا عليه هي عمليات التجميل وبعدين جوزك بيسافر كتير لبنان هي العمليات وكمان مش عايزة اقولك علي البت الروسية اللي كانت معاه في آخر صفقة وتكة اه والله يا زين زي ما بقولك ياخويا البت كانت لابسة يابت يا عليه لابسه اي بس أقصد كانت قالعه يا بت يا عليه وراميه علي جتتها اللي هتتحرق في جهنم ان شاء الله ولكن خسارة الجمال ده يضيع إنما مش مهم جايبه سكارف ورابطاه علي بطنها مخلياه قال ايه تيشيرت واصل قبل بطنها وجايبه فوطه المطبخ الصغيرة دي وحطاها علي إنها والله أعلم هوت شورت قصير خالص وجايبه علبه الدهان زي اللي فوق السطح بتاعنا وكباها علي وشها وضاربه أكسجين في شعرها إنما البت صراحة يعني علشان هتحاسب علي اللي بقولة ده بسبوسة بالكريمة كريم كراميل شوكولاتة بابلي يعني اللي عايزة تقوليه عليها قوليه لما جت ياختي الشركة انا وقتها كنت هناك بقي انا اول ما شوفتها وبعيد عنك ياختي لولا الملامة كنت بوستها من بوقها حبيت اشوف بعيني ايه اللي مستخبي تحت ورشة الرسم على الجدران اللي عاملاه في وشها قومت انا خبطاها في وشها بكوعي قال يعني غصب عني وجبت منديل ونزلت كحت قال يعني بمسحلها اثار خبطتي علشان مش توجعها وتقول اني قاصدة لسمح الله وبعد مجهود شيلت البويا إنما أكون كدابة لو قولتلك إنها حلوة بعد ما مسحت الميكاب
عليه مقاطعة وهي تكاد تبكي/اكيد وحشة والميكاب هو اللي مخليها حلوة مش كده
ملك مكملة/مش تقاطعيني بس للأسف كان نفسي اقولك اه لكن البت طلعت قمر طلعت صاروخ حقيقي وللأسف يا عليه يا أختي متزعليش مني ولا تفتكري اني بوقع بينك وبين زياد لسمح الله الواد زياد كان بيبصلها نظرات إعجاب والصراحة معاه حق انا كأنثي ومفيش في جمالي كنت هتحرش بيها هو يعمل ايه يعني ولا الواد حسام واللي عمله انا بقي اتصلت بيه ده برضو حبيبي وقولتله يجيلي هو شافها من هنا وكان شوية وهياخدها المقطم لكن ستر ربنا مع البت اللي كانت هتجيبلنا مزز زيها كده الإجتماع خلص ومشيت وحسام يا قلبي فضل يعيط ويقول ليه اديتوني كل حاجه وفي لحظة خدتوا كل حاجه لييييه انا قلبي اتقطع عليه قولت لزياد يجيبها قال دي هتبات معايا قولتله تبات ايه ياخويا قال أقصد هتبات في بيتنا فأنا لما شوفته ملهوف عليها طرقتها من برة لبرة معلش يا عليه يا حبيبتي اعذريه انتي لو شوفتيها كنتي قولتيلوا اتبناها الله يكرمك بس كدة ومن ساعتها وزياد كل شوية يتخانق معاكي بسبب الموجة اللي كانت معاه فأنا بقولك من دلوقتي بيتي مفتوحلك ياختي اه
عليه ودموعها هبطت وتقول/حقيقي يا زياد انت أعجبت بالبت دي ومابقتش طايقني
زياد وقد آلمه قلبه من دموعها/دي بتهزر يا عليه ايه يعني أنتي مش تعرفي ملك ولا اي حد بيصدقها
ملك/ليه ياخويا مالها ملك متحاسب علي كلامك ده انا حيالله عايزاكوا تتطلقوا بس أمال لو عملت فيك اللي عملته في مروة هتعمل ايه قال يصدقها ليه ياخويا بأربع عيون وليا بتلات رجول ولا أكون بمشي علي السقف
زياد بغضب وحده/أدهم أبعد مراتك عني علشان مش أخليك تترحم عليها
أدهم بعدم إهتمام/يلا مش مهم أتجوز انا البت الموجة اللي عاجباها دي وهتبوسها أستر يارب
ملك وهي تلوي شفتيها وتقول بعيون لامعه بالدموع/جاك موجة تغرقك قال تتجوز قال بص علشان نبقي علي نور تجيب سيرة مزة غيري هقسمك نصين امين
أدهم ببعض الخوف المصطنع/امين يا سيد المعلمين
زين بملل/ما تيجوا نلعب الشايب
الجميع وافق وبدأو بتقسيم الورق واللعب فوقعت الورقة الملونة مع ملك فصرخت فعلم الجميع ان الورقة مع ملك فأخذوا بعض الحذر فجاء دور عليه ان هي من تسحب ورقة من ملك فأخذت الورقة الملونة فصفقت ملك وقامت ببعض الحركات وقالت/هيييييه يا معلم يا معلم يا معلم
استمر سحب الورق حتي تبقت آخر ورقه مع عليه وهي الورقة الملونة وبهذا أصبح ان الجميع سوف يحكم علي فريق عليه وزياد
فقال زين/ عليه اللي هتتعاقب الأول والعقاب إنك تروحي لكل سائحة تسأليها علي فحل بصل أخضر ههههههه
صرخت عليه وهي تقول ببكاء/ابوس ايدك هيطردونا من هنا هيكون مع الناس البلاستيك دي بصل أخضر في الساعة دي ليه طب ما أروح المطبخ بتاع الفندق واجيبلك
زين بضحك/يلا يا عليه متخافيش معانا المخابرات كلها (كان يقصد أدهم)
حياه أدهم وقال/ما نتحرمش يا غالي يا ابن الغوالي
أخذت عليه تسأل أول سائحة فكانت جميلة جدا فقالت لها... الحديث مترجم. /مرحبا بك في مصر
السائحة/شكرا لكي
عليه/ما هو اسمك وما هي جنسيتك
السائحة/انا آنجيلا ولكن أحب آنجي اكثر انا أمريكية أعيش في نيويورك
عليه/سعدت بلقائك انا أدعي عليه آنجي
آنجي بسعادة/مرحبا بك
عليه بغباء/آنجي ايمكنني طلب شيء منك ألا يوجد لديك واحدة من البصل الأخضر
آنجي بتعجب/ماذا لما هذا الطلب وأيضاً لما يكون لدي بصل أخضر ونحن علي الشاطئ هل تمزحين
عليه ببعض الجديه/اقسم انني لا أمزح اننا نلعب لعبة وانا من خسرت وهذا هو عقابي هل اجده معك
آنجي/لا آسفة يجب ان اذهب سعدت بلقائك
عليه/انا ايضا الي اللقاء
نظرت لهم عليه بغضب وجدتهم يموتون من الضحك فقالت بصوت عالي يصل لهم/هنعمل ازمة سياحة في مصر هياخدوا عننا سمعة مش كويسة ويقولوا اننا متخلفين عقلياً
أشار أدهم ان تكمل فقالت وهي تكاد تشتعل/رايحة ياخويا متزوقش  ذهبت للسائحة الأخري فقالت/مرحبا
نظرت لها السائحة بغرور ولم تجيب
عليه وهي تصفق يدها وتقول بردح/اي يا حبيييبتشي مالك ياختي زي ما تكوني بنت وزير ولا جايالي من تايلاند أهدي كده وأنتي كلك علي بعضك تركيب غوري بشفايفك اللي واخدة وضع البوس دي
نظرت لها السائحة وقالت/ماذا تقولين لا أستطيع فهمك
وجدت عليه أنها فرنسية وعليه حدثتها باللغة الانجليزية وهي لا تفهمها
عليه ببسمة غبيه وهي تحدثها باللغه الفرنسية كي تفهمها/عذرا لا شيء انا آسفة ولكن ألديك بصل أخضر
السائحة بتشنج/ماذا غادري اذا سمحت وإلا ناديت لكي الأمن
عليه بغضب/ما تهدي يا صفرا كده شوية علي نفسك لا تخضري والميكاب يسيح ونشوف الموميا اللي تحتيه غوري جاك داء الميه لما تبقي تتجأر من تحت منك
وقبل ان تذهب قامت بمسك منديل ومسح وجهها به فأصبح جميع ألوان وجهها ملغبطة فذهبت الي سائحة أخرى وهي تضحك وتمشي بتكبر وقالت لها/مرحبا
السائحة ببسمة واسعة استغربتها عليه وقالت/انتي مصرية
عليه ببسمة/اه انتي كمان مصرية ولا اي
السائحة/لا انا مغربية بس عايشه في مصر اسمي جاهي وأنتي
عليه ببسمة/تشرفت انا عليه إذا سمحتي ما ألاقيش معاكي فحل بصل أخضر انا كنت بلعب لعبة وخسرت وده عقابي ولو مش جبت من أي سائحة هنا البصل مش هنام
جاهي بضحكة/طيب ثواني اشوفلك في الأوضة لأن جوزي أصر أنه ياكل علي الفطار بصل ههه
عليه ببسمة واسعة/شالله تنستري وما تنفضحي أبداً يا أميرة يا بنت الأمرة
غادرت جاهي وبعد دقيقة أتت وبحوذتها عود بصل أخضر مغلف وقالت ببسمة/ حظك يا بنتي
عليه ببسمة/ربنا يكرمك وما يحرمك ويعطيكي وما ياخد منك ويسترك وما يفضحك و...
قاطعتها جاهي وهي مستغربة/بس بس انا مش عملت حاجة يعني يلا روحي لإن تقريباً جوزك بيشاورلك تروحيله
عليه/تمام سعدت بمعرفتك وغادرت لهم وهي تكاد تموت من الغيظ قاطعها أدهم وهو يصفق ويقول/حلوة اللعبة صح يلا يا زوز دورك يا حبيبي
زين بدراما/معلش يا أدهم ياخويا بس صلاة المغرب هتفوتني وانت عارف إلا صلاتي فأستأذن انا سامو عليكو
ضحك الجميع عليه فقال زين بجدية ونظره حادة/زياد اخلص
زياد بخوف/ليه النظره دي انا بهزر يا راجل اخص عليك تعرف عني كده احم انا آسف
زين ببسمة يلا علشان تنفذ العقاب وغمز له بشقاوة
ذهب زياد وهو يلعن فيهم وفي عليه لخسارة فريقه ووقف أمامهم وقام بالتصفيق وهو يقول/واتدحرج واجري ثم صمت فقال الجميع يا رمان زياد مكملا وقد التم كل السائحين من حوله وهم يصفقون بشدة ولا يفهموا الا القليل من هم/وتعالي علي حجري
الجميع/يا رمان
زياد/دانا حجري حنين
الجميع/يا رمان
زياد/ياخدك ويميلك....... ‘أخد يغني هو والجميع يرددوا خلفه حتي تعبوا وذهبوا للنوم