مالك خيالي(عشق مجنون)

البارت الثالث عشر

يا من تحبون رسول الرحمة والتسامح صلوا عليه وسلموا تسليماً💜💜💜💜💜💜💜💜💜💜💜💜💜

عتمان بصوت ملئ بالغضب والتوعد وهو يحدث بعض رجالة بعد أن وجدوا مكان مي/إصبروا عليها شوية اني هخليها تجول حجي برجبتي هي معتعرفش عتمان المنياوي ولا اي هتلاجي حد زيي كيف بس أني استاهل ملكات جمال تتمني أسلم عليهم أني اللي مش بجدر النعمة وبحب الرمرمة
مالت عليه سيدة في منتصف الثلاثينات أقل ما يقال عنها فاتنة بشعرها الأصفر وعيونها الزرقاء وبياضها الملفت بدلع وإغراء وقامت بإعطائه كأس به مشروب محرم نظر لها عتمان بطمع وهو ينظر لها بإعجاب شديد بملابسها عذرا بقطعة القماش اللتي تغطي أجزاء صغيرة من جسدها العاري أخذ منها الكأس وهو يقول بنظرة مقززة/هتندمي يا مي يا بت زين الألفي علشان تجولي ليا اني عتمان المنياوي لع وهخليكي تترجيني اني أرحمك ولا اي يا صوفي
نظرت له صوفي بدلع/مش هتسيبك من مي وتخليك في صوفي
عتمان وهو يرتشف المزيد من الكحل وبدأ يشعر أنه بدنيا أخري/لا نخلينا في صوفي هههه

مي بخوف/سؤال هو إحنا هنعمل اي دلوقتي
سيف بجرأة/ودي عايزة سؤال..إجرررري يا مجدددي
وفي ثواني كان الجميع يركض ومجموعة من الكلاب تركض ورائهم عبدالرحمن بصراخ/هنموووت منفجرين منفجرين إيه هنموووت متآكلين انا مش هآخد في بوقهم مدغة ياربي ياني ياما منك لله يا حسام لو طلعنا سلام من تحت سنان الكلاب مش عايز أعرفك تاني يا بوز الإخص
مرام ببكاء مصطنع/أنا اللي عملت في نفسي كده انا اي خلاني أتجوز واحد متخلف عقلي كان مالي انا ومال الغلب ده انا كان زماني قاعدة في البيت ستوته هنومه متستتة علي الآخر وبتفرج علي سبونجبوب حسبي الله ونعم الوكيل فيك يا حسام يا ابن ملك يا تركي علي ما تفرج انت الا ما سمعت منك كلمة تركي لحد دلوقتي ولا جمال ولا مال حسبي الله
مازن بصراخ وهو يري منزل سعدية ينير وهي واقفة خارجه لتشاهد من يصرخ لا تعلم أنهم هم من يصرخون رجال وسيدات بمنتصف و بأواخر العشرينات يركضوا ويصرخوا من خمسة كلاب لا حول ولا قوة لهم/علي سوسسسسسسسن
نظر الجميع لما يشير اليه وانطلقوا بأقصي سرعتهم فكانوا يسبقون الكلاب بمسافة كبيرة جدا بمجرد وصولهم أمام منزل سوسن ورأتهم سوسن وهم يركضون لها حتي بدأت بالصراخ بلصوص ظننا منها إنهم يركضون لسرقتها نظر حسام خلفه وجد ان الكلاب علي بعد كبير ولكن إن ظلوا خارج المنزل يمكن أن يهجموا عليهم وصلوا لها وبمجرد مقربتهم من الباب حتي قامت سوسن بغلقة وإصطدم به حسام وعبدالرحمن وقف حسام بسرعة وهو يلهث قليلا ووجهه يألمه من إصطدامه في الباب فقال بصوت عالي/يا سوسسسسن إفتحي الباب وبطلي ولولة انا حسام إبن بنتك ملك إفتحي في كلاب بتجري ورانا هيفرمونا يا ولية
سوسن بصراخ/اعطيني أمارة... بس يا زباله منك ليه خبط علي الباب هيتكسر ثم قامت بفتحه وهي تصرخ بهم /إنتم مين لتكونوا حرامية بس ثم نظرت لحسام ببسمة واسعة/لا بس السحنة اللي زي الزفت دي انا عارفاها هيييه إزيك يا حسام وأزاي أمك
ارتمت مي بشدة علي الأريكة وهي تسعل بشدة فقالت بعدما هدأت قليلا/ربنا ياخدك يا حسام ثم صمتت قليلا وقامت وهي تصرخ بسوسن/وإنتي يا حاجة سوسن خايفه علي عمرك أوي قال اي حرامية علي اي يا حسرة بيتك مبني من دهب ولا مزة في منتصف العشرينات من عمرها عايزين يخطفوها إشحال ما كنتي رجل في الدنيا ورجل في الآخرة كنتي عملتي فينا اي
سعدية بردح/هي مين دي يا بت اللي عجزت انا فيا صحة وجمال مش فيكي يا جحشة إنتي وانا هستني إي من تربية ملك بنتي شيوخ أزهر
حسام بضحك شديد من صدمة مي/يا سوسو دي مي بنت زين ومروة القمر ملك دي أمي انا بس عايز المحلك بحاجة هي يمكن ملك مش ربتنا بس والله في ناس بتحترمني مش كدة يا كيمو
كريم وهو يشوح بيده بعدم إهتمام وهو ينظر لسوسن ببسمه ويغمز بشقاوة/إستني يا زفت انت مش هنتعرف علي القمر ده ولا اي
سوسن بخجل مصطنع/الله بقي متكسفنيش يا حسام
حسام بنظرة غبيه وهو يصفق ويبتسم/الله أكبر عليكي يا سعدية كبرتي يا بنتي وبتتشقطي قدامي لا أنا لازم أغسل عاري بإيدي
قامت سوسن وضربته علي رقبته بغضب/عار اي انا لسه عارفاه دلوقتي إنت بتسمع مسلسلات عربي ياض ثم قامت بضربه مرة ثانية علي رقبته/ينفع تقول كده لجدتك حبيبتك أم أمك ثم قامت بضربه ثانياً /ينفع يا حوسحوس
حسام بألم/يا حاجه كفايا ضرب علي قفايا اللي ورم منك يا أعوذ بالله
ضربته سوسن مرة ثانية وهي تضحك/قفاك مغري يا حوسحوس
نظر لهم عبدالرحمن بغباء فقالت سوسن بجديه لحسام/كده خليت المزز تاخد فكرة إننا مجانين
حسام بسخريه/ياخد هو لسه هياخد أرحمني يارب
سيف بضحك/نصيحة مني يا كيمو يا قمر إنت فكك من سوسن دي كبيرة وعندها 80سنه سيبها وانا اجيبلك ست ستها
سوسن بحنق/جاك ثمانين عفريت يلبسوك وميطلعوا منك يا بعيد متلاحظ ألفاظك يا جحش إنت.....ثم صمتت تحاول التذكر/إنت مين يابني وانا بهزأك ليه
كريم بدراما/للأسف يا سيف ده(وهو يشير لقلبه) من أول ما شافها وهو إختارها هي وقال هي دي اللي هتملي عليك حياتك
مي بسخرية/إذا إفتكرتك أساسا
كريم مكملا/لا يا أخت مي ما أطنش الحب الحقيقي عمره ما يتنسي انا مش هسمحلها تنساني مش من أول عاصفة تقف قدام حب....
لم يكد يكمل كلامه حتي وجد حسام ينقض عليه فركض سريعا ضرب حسام كف بكف بيأس عليه/يارب أعينه وأعينا علي المهلبية اللي في دماغه كريم وهو يضع يده في خصرة/طلقني لو مش عاجبك طلقني
قذفه حسام بحذائه مما جعل كريم يركض سريعا ويتعرقل في السجادة ويقع أرضا ثم قام وذهب وجلس بجانبهم وهو يغازل سوسن فقال بغمزة/سوسو مش معاكي فون نتكلم ولا عندك فيس او اي حاجه
سوسن بخجل مصطنع مثل فتاة مراهقة/معايا كل حاجه إنتي بس عرفني إسمك اي علي الفيس وانا هعملك البتاع ده إسمه إي باد ولا عماد اي حاجة انا الحساب بتاعي إسمه سونيا مولعة الدنيا
مازن بضحك/هو إنتي من اللي بيكونوا كاتبين طائر الليل الحزين وسوسو شقاوة وكده الله يخرب بيت النت اللي بوظ عقولكوا خارباها إنتي يا سوسو
سوسن بتعجب/الاه أنا فين يا جدعان وأنتم مين ومين البنات اللي يجيبوا بلهارسيا دول انا وانا في سنكوا كنت ياسمين صبري في مسلسل فرصة تانية
حسام بتأييد/والله عندك حق في كل كلمة وهما دول ييجوا حاجة في ياسم.. في مرام حبيبة قلبي دي أحلى من القمر
هزت مرام رأسها بإيجاب وهي تشير له بإصبعها بمعني أحسنت
سيف بيأس منها/فاكرة ياسمين صبري وإسم المسلسل ومش فاكرانا إحنا ارحمنا يارب
مي بردح/جرا اي يا سوسن ياختي ما تهدي علينا شوية إنتي علشان تركية وحلوة شوية صغيرين هتتغري ولا اي ما أهوه حسام الكلب الأعور يقرف منه ومتكلمش ومستحملينه أهوه
حسام ببسمه وهو يلقي لها قبلة في الهواء /يسلم لسانك اللي بينقط هباب ده منتحرمش
عبدالرحمن بضحك جعل سوسن تنظر له بهيام/يا حلاوتك يا جمالك خليت للحلوين اي
كريم بحزن مصطنع وهو ينظر أرضا/إخص عليكي يا دنيا خليتي الحلو سيكا يقش كدة يا سوسو مش بقالنا خمس دقايق مرتبطين وتبصي لغيري ومين أخويا إخص يا سوسن علي الجرح اللي حطيتي عليه ملح ده يعني حتي يا عبده زوجتي المستقبلية هتاخدها مني علشانك قمر
عبدالرحمن بمرح/لا يا كيمو متقولش كده إنت ميت بنت تتمناك كفاية عيونك الزرقا دي اللي بتنور وغمازاتك ده إنت قمر هو أنا آجي فيك اي
كريم وهو يمسح دموع وهمية/بس هي إختارتك إنت علشانك أحلي مني يبقي لازمة عيوني الزرقا وغمازاتي اي
مازن وهو يحتضنه بحنان/لا يا حبيبي متقولش كده هي اكيد مش قصدها تجرحك هو إنت في في حلاوتك إخص عليكي ياسوسن يا كيمو سوسن ليك وإنت لسوسن
نظرت لهم سوسن بعيون جاحظة مصدومة ثم ذهبت لغرفة ما وغابت بها وبعد قليل أتت وهي مبتسمة ببراءة
نظرت لها مرام بخبث ثم قالت/مش مرتاحه ليكي مش عارفه ليه
سوسن ببراءة/انا يا بنتي لا حول ولا قوة إلا بالله إستغفري يا بنتي وتوبي لله
هزت مرام رأسها بيأس منها
مازن بضحك/مش مطمن