Unicode
ယနေ့ ရာသီဥတု သာယာသည်။ ပြာလဲ့သော ကောင်ကင်ကြီးတွင် မိုးသားများကင်းစင်နေသည်။ အသူရိန်နေမင်းကြီးသည် ပူပြင်းခြောက်သွေ့မှု့ကို အပြည့်အဝ ပေးနေသော နေ့တစ်နေ့။
မြေပြန့်မဟုတ်ပါပဲ မို့မောက်နေသည့် တောင်ကုန်းလေးပေါ်တွင် တည်ရှိနေသော ခြံအကျယ်ကြီးနှင့် အိမ်တစ်လုံး။ ခြံစည်းရိုးလေးတွေနှင့် ကာရန်ထားသည်မို့ အိမ်ကလေးသည် ချစ်စရာ။
ခြံစည်းရိုးဘေးတွင်တော့ ပန်းပေါင်းစုံလေးတွေ
စိုက်ပျိူးထားသည်မို့ ထိုပန်းတွေကို စုပ်ယူသည့်
ပျား ၊ ပိတုံးနှင့် လိပ်ပြာလေးတွေသည်လည်း အမြဲ ဝဲပျံနေတတ်သည်။
စိမ်းစိုကာ အေးချမ်းသာယာနေသော ထိုခြံကလေးအတွင်းတွင် အင်္ကျီလက်တို အပြာရောင်ကလေးကို ဘောင်းဘီတို အပြာရောင်လေးနှင့် တွဲဖက်ဝတ်ဆင်ထားသည့် မျက်နှာပြည့်ပြည့်ဝိုင်းဝိုင်းကလေးတွေ ၊ မျက်လုံးဝိုင်းဝိုင်းကလေးတွေနှင့် ဆံပင်အုပ်အုပ်ကလေးတွေရှိသည့် ကောင်ငယ်လေးတစ်ယောက်သည် ပျော်ရွှင်စွာ ေဆာ့ကစားနေလေသည်။
" တစ်ပွင့် နှစ်ပွင့် သုံးပွင့် လေးပွင့်.................
ဆယ်ပွင့် ရေး......... ပန်းကလေးတွေအများကြီးပွင့်နေပြီကွ "
ပွင့်လန်းနေသော ပန်းလေးများကိုရေတွက်ကာ ပျော်ရွှင်စွာ ခုန်ပေါက်နေသည့်ကောင်လေး။
တစ်ယောက်ထဲ ပန်းလေးတွေနှင့် ဆော့ကစားကာ စကားပြောလာသည်မှာ အခုဆို ကောင်လေး၏အသက်က ၁၄နှစ်။
" ဟင် ဟိုအပင်ကြီးမှာ ဘာထုပ်ကြီးလဲမသိဘူး
ဘယ်သူလာချိတ်သွားတာလဲသိဘူး သူများခြံထဲကိုကွာ "
ထိုကောင်ငယ်လေးဟာ ခြံဝန်းထဲက သရက်ပင်၏အကိုင်းတစ်ခုအရင်းနားမှာ အသိုက်ဖွဲ့နေကြသည့်အရာကြီးသည် ပျားအုံဆိုတာကိုမသိပေ။
ကောင်ငယ်လေးသည် သရက်ပင်မှာထောင်ထားသည့် ဝါးလုံးကို ယူလိုက်ကာ သရက်ပင်က
ပျားအုံကြီးကို ထိုးထည့်လိုက်သည်။
ပျားတွေသည် သူတို့၏ အသိုက်မြုံကို လာရန်ပြုသည့်မည်သူကိုမဆို ထိခိုက်နာကျင်အောင်ပြန်လုပ်တတ်သည့်တိရစ္ဆာန်များ။ အခုလည်း သူတို့
နေသည့် အသိုက်ကိုလာရန်ပြုပြီမို့ ပျားဘုရင်ကြီးနှင့်အတူ ပျားအုံထဲမှ ရှိရှိသမျှပျားတွေအကုန်ထွက်လာကာ ကောင်ငယ်လေးကို ထိုးရန်အရှိန်အဟုန်ဖြင့် ပျားအုံထဲမှ ဆင်းသက်လာကြလေသည်။
YOU ARE READING
ပျားအုံဖူးစာ ( ℂ𝕠𝕞𝕡𝕝𝕖𝕥𝕖𝕕 )
Romanceပျားအုံကြောင့် ဆုံတွေ့ခဲ့သည့် ဖူးစာဆိုပါစို့....။ ပျားရည်ဆိုတာ ချိူသောအရသာရှိတယ် အဲ့လိုပဲ... လူသားနှစ်ယောက်ချစ်ခြင်းကလည်း ချိူနေသတဲ့လေ။ ❌ သတိ ❌ (ပျားအုံ တုတ်နဲ့မထိုးရ ဖူးစာရှင်နှင့် တွေ့တတ်သည်...။) အိုးဆက် ❣ တေးဥသြ ဇာတ်လမ်းပါအကြောင်းအရာတွေသည် ရေးသူ...
