Unicode
" သားငယ်လေး အောင်မှာပါနော် အကိုတိုး
သားငယ်လေးက တော်ပြီးသားပဲကို""အင်း သားလေး အောင်မှာပါ "
အခုကတော့ဖြင့် အမောင်တေးဥသြ၏ အောင်စာရင်းကို ရင်ခုန်နေကြခြင်း။
ဖခင်ဖြစ်သူနှင့် အနာဂတ်ယောက္ခမလောင်းကတော့ ရင်ထဲမှာမုန်တိုင်းတိုက်နေပြီး မိခင်ဖြစ်သူကတော့ အေးအေးဆေးဆေးပင်။" မိန်းမ မင်း သားအတွက် စိတ်မပူဘူးလား"
ဦးဆွေတိုးပြောလိုက်တော့ ဇနီးဖြစ်သူ၏ မျက်စောင်းက ဒိုင်းခနဲ။
" ကျွန်မက သားကို ယုံကြည်ထားပြီးသားလေ"
ဧည့်ခန်းထဲမှာ သုံးယောက်သား ဘာစကားမှ မပြောဖြစ်ကြတော့ပဲ တိတ်ဆိတ်စွာ ထိုင်နေမိကြသည်။
ကာယကံရှင်ဖြစ်သူ အမောင်တေးဥသြကတော့
အိပ်နေလိုက်တာများ သိုးလို့။ ဆင်အော်ရုံတင်မဟုတ် သူ့တတ်နင်းသွားတောင် သိမှာမဟုတ်ဖူး။" ရပြီ ရပြီ အောင်စာရင်း ကြည့်လို့ရပြီ"
အချိန်ကား ည၁၂နာရီခွဲ။
" တွေ့ပြီ သားနာမည်ကို "
" ဘေးကို ကြည့်ပါအုံး အလုံးပါလား"
" ပါတယ် ပါတယ် ၂လုံးတောင်ကွ "
ဒါမှ ငါ့သားကွ.......။
ဦးဆွေတိုး၏ ရင်ထဲမှ အပူလုံးကြီး အခုမှ ကျတော့သည်။ သားလေး ဆယ်တန်းအောင်ခဲ့ပြီမို့။ သူသာ တစ်နေ့ မရှိတော့ရင် ပိုင်ဆိုင်သမျှ
လုပ်ငန်းတွေ အားလုံးကို သားလေးကသာ ဦးဆောင်ရမည်။ သားသည် ပညာတတ်တစ်ယောက်ဖြစ်နေမှ လက်အောက်ငယ်သားတွေက သားကို အထင်မသေးကြပဲ လေးစားကြမှာ။
ပတ်ဝန်းကျင်ဆိုသည့် အမျိူးကလည်း အဲ့တော့မှ
လူရာသွင်းကြမှာ။" အမလေး ကျွန်မသားငယ်လေးက တော်လိုက်တာ မမရယ် ကြည့်ပါအုံး သားငယ်လေးကို ဆုချရမယ် ကဲ အိမ်ပြန်အုံးမယ် မမတို့ရေ မနက်ကျမှ
သားငယ်လေး လိုချင်တာတွေ ဝယ်ပေးရမယ်"ဇနီးဖြစ်သူ ဒေါ်ဆွေသွေးထံမှ စကားသံထွက်လာသဖြင့် ထိုင်ခုံပေါ်ထိုင်နေသည့် ဦးဆွေတိုးလန့်ပင်
လန့်သွားရသည်။
KAMU SEDANG MEMBACA
ပျားအုံဖူးစာ ( ℂ𝕠𝕞𝕡𝕝𝕖𝕥𝕖𝕕 )
Romansaပျားအုံကြောင့် ဆုံတွေ့ခဲ့သည့် ဖူးစာဆိုပါစို့....။ ပျားရည်ဆိုတာ ချိူသောအရသာရှိတယ် အဲ့လိုပဲ... လူသားနှစ်ယောက်ချစ်ခြင်းကလည်း ချိူနေသတဲ့လေ။ ❌ သတိ ❌ (ပျားအုံ တုတ်နဲ့မထိုးရ ဖူးစာရှင်နှင့် တွေ့တတ်သည်...။) အိုးဆက် ❣ တေးဥသြ ဇာတ်လမ်းပါအကြောင်းအရာတွေသည် ရေးသူ...