Unicode
မိသားစုသုံးယောက်သား ဧည့်ခန်းထဲမှာ TVကြည့်နေကြခြင်း။ သားတော်မောင်၏ အကြိုက်ဖြစ်သည့် ကြောင်နှင့်ကြွက် ကာတွန်းကားကို နားမလည်
ပါးမလည်နှင့် အတူတူ ထိုင်ကြည့်နေရတဲ့အဖြစ်။သားတော်မောင်ကတော့ ကြောင်က ကြွက်ကို လိုက်ရိုက်ရင် ရယ်လိုက် ၊ ကြွက်က ကြောင်ကို ပြန်လုပ်ရင် ရယ်လိုက်နဲ့ တစ်ယောက်ထဲ အလုပ်ရှုပ်နေတာ။
မဖြစ် ဒီအကြောင်းကို ပြောကို ပြောရမည်။
" ကိုကို ရှင် ရှင့်သားကို နဲနဲပါးပါး မဆူတော့ဘူးလား ရှင့်သား ပြသနာရှာထားတယ်လေ "
တေးတေးလေး ကြောင်နှင့်ကြွက် ကြည့်နေရင်း
မာတာမိခင်က အဖေကြီးကို ခေါ်လိုက်သည်။ ဘာတဲ့ ကိုကို.......တဲ့။အမေကြီး အဲ့လိုခေါ်ရင် သေချာပေါက် အဖေကြီးကလည်း ပြုံးဖြီးပြီး တေးတေးလေးကို ရင်ထဲက မပါတဲ့စကားတွေနှင့် ဆူပြအုံးမည်။ အဟင့် တေးတေးလေးဘဝ သနားစရာလေး.....။
" တေးဥသြ........ "
အဖေကြီး၏ လေသံမာမာဖြင့် ခေါ်သံ။
" ခင်ဗျာ.......... "
မျက်နှာလေးကို အတတ်နိုင်ဆုံးငယ်ကာ ထူးလိုက်သည်။ အမေကြီးကို ကြည့်လိုက်တော့ တေးတေးလေးကို ' ဘာတတ်နိုင်သေးလဲ ' ဆိုသည့် အကြည့်ဖြင့် ကြည့်နေလေသည်။
" ဟိုဖက်ခြံကို ပြောင်းလာတဲ့ သူတွေကို သွားပြီးနှောင့်ယှက်တယ်ဆို "
အရဲစွန့်ပြီး အဖေကြီးကို ကြည့်လိုက်တော့ မျက်လုံးတစ်ဖက် မှိတ်ပြလာသည်။ တေးတေးလေး ရယ်ချင်နေသည့်စိတ်ကို အောင့်အီးထားလိုက်ပြီး
" ဘယ်သူပြောလဲ သွားနှောင့်ယှက်တယ်လို့ "
" မင်းအမေ ငါ့မိန်းမ ပြောတာ "
အဖေကြီးအဲ့လို ပြောလိုက်တော့ မျက်ထောင့်နီကြီးဖြင့် ကြည့်လာသည်က အမေကြီး။
" ငါ အခုထဲက ကြိုပြောထားမယ်နော် ငတေး
နင် သူများသားအမိကို ဘာပြသနာမှ မရှာနဲ့ ကြားလား ကိုဆွေတိုး ရှင့်သားကို ရှင်ပြောနော် "
VOCÊ ESTÁ LENDO
ပျားအုံဖူးစာ ( ℂ𝕠𝕞𝕡𝕝𝕖𝕥𝕖𝕕 )
Romanceပျားအုံကြောင့် ဆုံတွေ့ခဲ့သည့် ဖူးစာဆိုပါစို့....။ ပျားရည်ဆိုတာ ချိူသောအရသာရှိတယ် အဲ့လိုပဲ... လူသားနှစ်ယောက်ချစ်ခြင်းကလည်း ချိူနေသတဲ့လေ။ ❌ သတိ ❌ (ပျားအုံ တုတ်နဲ့မထိုးရ ဖူးစာရှင်နှင့် တွေ့တတ်သည်...။) အိုးဆက် ❣ တေးဥသြ ဇာတ်လမ်းပါအကြောင်းအရာတွေသည် ရေးသူ...