بس قبل لا يصير لي شي حسيت الجسد اللي فوقي سقط علي رفعت عيني لمجد اللي جا بأخر لحظه بدأت اكح واللتقط انفاسي تكلم مجد : فارس وش صاير؟؟ رديت بخوف : مدري كنت احاول انام بس انتبهت له وهو واقف ورفعت عيوني له ولقيته يناظرني وفجاءه بدون مااستوعب اي شي لقيته يخنقني!!! اللتفت فارس للجسد اللي عليه باستغراب واكمل كلامه: مجد قتلته؟ مجد: منجدك؟ طبعا لا بس خليته يغمى عليه تكلم فارس بتوتر: طيب وش بنسوي؟؟ انا مستحيل انام مع شخص حاول يقتلني! رد مجد : طيب وش نسوي؟ حتى انا مستحيل انام هنا بس اكيد مابنروح نصحيهم الحين ونقول لهم والله قيس حاول يقتلنا خلاص اسمع خلينا نتقسم أنا بصحى لساعتين وانت نام وبعدها نبدل اما فارس اللي كان مازال غير مستوعب الموضوع الغريب اللي صار هز رأسه بهدوء: طيب قام مجد بقبول وشال جسد قيس الخفيف ووضعه بمكانه الاساسي ورجع هو يجلس وكذلك فارس اللي من بعد اللي صار ماقدر ينام
اشرقت الشمس على المكان وصوت صراخ امير صدع برؤوسهم : هيه اصحو يلا تكلم فارس اللي نام قبل نص ساعة بانزعاج: مو دجاج حنا ! خلاص اسكت خليناا ننام شوي بينما امير وكأنه ماسمع كلام فارس بدأ يدق على الصحن اللي معاه لين ماصحو كلهم
بينما بطلتنا
صحيت على صوت امير وقمت من مكاني وانا احس رقبتي تعورني لمستها باستغراب غريبة ليش تعورني معقوله نمت نومه غلط يمكن قمت من مكاني وانا متوجهة لعلبة الموية عشان اغسل وجهي وبعد خمس دقايق رجعت للخيمة ولاحظت نظرات فارس اللي من اول ماصحيت وهي مركزه علي تكلمت بانزعاج: نعم خير؟ رد ببرود واشمئزاز مني : من شفنا وجهك راح الخير عننا وش فيه ذا؟ وش سويت له ؟ سفهته ورحت لمكان الجلسة الموجود بين الخيمتين وكان امير اللي راح الصباح يجيب اغراض الفطور مملي السفرة وعناد ومجد جالسين
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
تقدمت بهدوء وانا اسلم ردو السلام وبدأنا ناكل بهدوء تكلم مجد بهدوء: امير بنرجع اليوم فتح عيونه امير وهو يسأل: ليش؟؟ كنا متفقين نبقى اكثر رد مجد بحزم: خلاص قلت بنرجع وعلى اخر جمله ل مجد دخل فارس وهو يقول: اي امير خلاص بنرجع فتح عيونه باستغراب: ليش بترجعون؟؟ رد مجد ببرود: كيفنا المهم قلت لك بعد مانخلص الفطور بنرتب اغراضنا وبنمشي وافق امير وهو مستغرب من رغبة مجد وحنا نفطر وجه فارس نظراته نحوي وهو يسأل باستهزاء وبكلام غريب: ياقيس سمعت انك تصحى بالليل كثير وتسولف فتحت عيوني باستغراب وتكلمت: لا كيف؟ مااتذكر اني سمعت من احد اني اصحى كان بيرد فارس بس قاطعه امير وهو يقول: فارس انهي الموضوع كان بيعترض بس سكت بنهايه وش فيهم ذولي يمكن تأثير الحبوب المنومه خلاني اصحى بس وش صار؟ وبعد مده ركبنا كلنا السيارة وذي المره كنت بالكرسي اللي قدام وخلفي عناد وجنبه مجد وفارس بعد مده تكلم عِناد وعينه بالايباد اللي بيده : اوووه اللتفت امير له ومجد وهم يسألون: وش فيه؟ تكلم عِناد باستغراب وهو يمد الايباد لمجد : بالله ذا وجه قاتلة؟ ذي يمكن تلقاها تقتل نملة بس تكلم مجد بتأييد: صدق شكلها مره بريء بس زي مايقولون لا تحكم على الكتاب من غلافه تكلم امير بنفاذ صبر: هيه وروني سلم مجد لامير الايباد فتح عيونه امير وهو يقول: صدق كيف ذي قاتلة وتكلم باستغراب: بس ليش احس اني شايفها قبل رد عِناد باستهزاء : هه ووين بتشوفها يعني وانت طول حياتك بالمدرسة هز امير رأسه بالتأييد مديت راسي لجهة الايباد بفضول بس فتحت عيوني بصدمة ورجعت لمكاني حسيت باطراف جسمي يرجف وبدأت اكل اظافري بتوتر وانا مو منتبها للي حولي واللي حولي ماكانو منتبهين لي باستثناء هو...
