بنت بمدرسة عيال |كاملة

"تنمر"

طلعت من الفصل وهي تحس بالتعب
طلعت للحديقه الخلفيه
ماكان موجود غير كم طالب
كانت تمشي وهي مو مركزه
ماحست غير بشخص يضرب كتفها
وبدأ يصارخ: ماتشوف انت!
اللتفتت عليه بهدوء واكملت مشيها
بدون ماترد

لها نص ساعه وهي تمشي
وطول الوقت ذا وهي مو حاسه بالوقت

شهقت بفزعه وهي تشوف نفسها كلها باللون الأحمر
انكب عليها علبة دهان.!
انصدمت
وكل الطلاب حولو انظارهم عليها
ناظرت الاسفل وهي تشوف ملابسها باللون الاحمر
مسكت يدها وهي تشوفها باللون الاحمر
صوت انفاسها صار عالي
حاولت تهدي نفسها شوي وهي تقول اكيد عامل كبه بالغلط
مابسوي له مشكله عشان ماانشهر بالمدرسة
اكيد ماكان شايفني
بدأت تمتم بكلمات تهدي فيها نفسها
عشان ماتتهاوش وتصير مشكلة وتصير معروفه ..

دخلت غرفتها وهي تحمد ربها انه مافيها اي احد مو فاضيه تجاوب على اسألتهم
صح هي جلست معهم فتره قصيره بس تعرف انهم فضوليين

دخلت الحمام وهي تحاول تبعدرملابسها عنها

وقفت تحت دش الحمام والمويه الحاره بدت تنزل عليها
تنهدت بتعب
ماكان ناقص الا ينكب علي..!

طلعت من الحمام بعد ساعتين وهي تنشف شعرها القصير
اللي باللون البني الفاتح
سمعت ازعاج بالصالة وتنهدت بانزعاج ذولي كل يوم عندنا
مسكت جوالها وخشت الموقع المخصص للمدرسة
دخلت قسم الشكاوي
وهي ترسل شكوة انه ملابس المدرسة حقتها توصخت
وماتقدر تتداوم فيها
جاها الرد بسرعة
: اهلًا طالبنا العزيز قيس
نشكرك على تواصلك معنى،
بكرا قبل الدوام بيوصلك الزي الخاص بالمدرسة
نتمنى منك تحافظ عليه.

صحت على صوت جرس الباب وهو يرن
وبنفس الوقت صحى سعود
تكلمت بصوت فيه نوم: بقوم انا
هز راسه بالايجاب ورجع نام

فتحت الباب وهي تشوف كرتون
والواضح انه داخلها ملابس المدرسة
اخذتها ودخلت للغرفة وعلقتها بالخزانة
التفتت على الساعة المعلقه على الجدار وهي تقراها
05:15

باقي اكثر من اربعين دقيقه للمدرسة
طلعت من الغرفة وهي تتدخل المطبخ
فتحت الثلاجه ولقتها شبه فاضيه
هزت راسها بأسف وهي تقرر انها بتجيب بعد المدرسه اغراض
دخلت تاخذ شاور
قبل المدرسة وهي تحس انه شعرها للحين لزج
من الدهان

خرجت من الغرفة قبل سعود ودخلت الفصل بهدوئها المعتاد
يمكن وجودها وعدمها واحد فيه
ماتحتك بأي شخص غير سعود لانه شريكها بالسكن وهي ك جلسة سوالف ماجلست معه غير مره
اكملت كلامها وهي تواسي نفسها
بس يعني انا متعوده دايم اكون وحيده
وبتعود هنا كمان
لازم ابطل دراما
لاحضت نظرات الشفقة على الطلاب بالفصل
بس مافكرت بالموضوع
شهقت بصدمة وهي تشوف مكان كرسيها
حشرات..!
كانت الصدمة واضحه على ملامحها
بدأت تحس أنه الوضع متقصد
بس رح تطنش الموضوع وماتعطيه رده فعل كبيره
لحد الان كل الأفعال مقبولة شوي...