بنت بمدرسة عيال |كاملة

اصحاب ام اغراب؟

يوم جديد

صحت من النوم على صوت شخص
فتحت عيوني بانزعاج من صوته وانا اقول : هاه
ناظرني وتكلم: اول يوم بالمدرسه وصحيتك لانه واضح ضايع بس لا تحسب اني بصحيك كل يوم.

ياساتر شفيه ذا يصارخ وانا وش قلت ناظرته بهدوء وقلت: شكرا

اخذت ملابسي ودخلت الحمام الموجود بالغرفه
لبست ملابس المدرسة واللي هي
بنطلون باللون الأسود
وقميص ابيض
وجاكيت اسود وعليه خط باللون الأزرق
كل مرحلة لون
ثالث ثانوي خط احمر
ثاني ثانوي خط اصفر
واولى ازرق

طلعت من الغرفه وفتحت وحده من الحقائب اللي جابتهم لين
كان فيه تسع احذيه
لبست حذاء باللون الابيض
وطلعت للصاله كانت فاضيه مااهتميت وكملت مشي

اوكي انا ضعت
دخلت مبنى المدرسة بس المبنى مره كبير وونسيت وين فصلي
جلست على إحدى الكراسي الموجودة باحباط وانا اتمتم بانزعاج

تكلم بصوته اللي مليان سخريه

: الخكري شكله ضايع
وضحك

ناظرته بغضب بس ماابغا اسبب مشكله بس يعني ليش هو فيصل من بين كل الناس
ورديت بهدوء: ضيعت فصلي
سألني وهو يناظرني: وش فصلك؟

: اولى خامس
ناظرني بضحكه: اوه نفس فصلي
وبأمر :تعال معي
لولا الحاجة كان دعست على راسه

وقفنا قدام باب
دقيت الباب وسمعت صوت المعلم وهو يقول
: ادخل

دخلت وكل الانظار توجهت علي انا وفيصل
البعض ناظر باستغراب لأني طالب جديد
والبعض مااهتم

لفت نظري الشخص اللي جالس جنب الدريشه
تنهدت بانزعاج
ليش من بين كل الناس مااكون غير بفصلهم

اللتفت سعود علي وناظرني من فوق لتحت وفعلا نظراته خلتني احس اني سويت شي!
أكرهه!

انقطعت افكاري من صوت المعلم وهو يأشر علي:  تعال عرف عن نفسك

وقفت قدام السبوره
كل الانظار علي
توترت
بس حاولت اخفي توتري وتكلمت وانا اخشن صوتي: انا قيس الماجد.
سكتت وانا احاول افكر ايش المفروظ اقول
كانت نظرات الاستغراب علي لاني ماكملت كلامي بس فعلا توترت
الاستاذ اشر على مكان وقال : قيس اجلس هناك
كان ورا سعود
اف ياكثر الاماكن ليش اكون هناك

سمعنا طرق على باب الفصل
دخل منه شخص وهو يحمل كتب
تكلم بصوت هادي: استاذ ذي كتب الطالب الجديد

قمت من مكاني عشان اخذ الكتب
بس لما مسكتها طاحت !
وبدا صوت الضحك يطلع من الطلاب
وحتى المعلم كان يحاول يكتم ضحكته
مين داعي علي؟
نزلت لتحت وانا اجمع الكتب وانا اسمع اصوات ضحك الطلاب..

انتهى الدوام
صارخ شخص وهو يقولها
والطلاب الثانين قالوكلمات مشابهة
اخيرا، الحمدالله وغيره

دخلت الغرفه ووراي فيصل وسعود وشخصين
شكلهم كل يوم جالسين عنده

ناظرني الشخص الثالث وهو يقول: قيس تعال اجلس معنا
هزيت راسي بالقبول
وجلسنا على الكنب وواحد منسدح على الارض وواحد جالس على كنب ثاني اما انا والشخص الثالث جالسين على الكنب

قاطع الصمت صوت الشخص اللي جالس جنبي: انا اسمي ماجد
اشر على فيصل وهو يكمل كلامه وذا فيصل اتوقع تعرفه
واشر على سعود وذا سعود واشر على الشخص الرابع وذا مزيد
ناظرتهم وانا احاول اتصنع الابتسامه : تشرفنا
تكلم مزيد وهو يناظرني: الله يعينك على شريكك بالسكن الصدق اذا قدرت تتحمله بتكون محظوظ

ناظره سعود بحده
وكمل كلامه مزيد: امزح امزح انت محظوظ عشان عندك شخص زي سعود

وبدأنا نسولف
أو بالأحرى كنت مستمعة أكثر لسوالفهم

بعد ثلاث ساعات
تكلم ماجد وهو يسحب فيصل ومزيد : حنا بنروح نذاكر مع السلامه

استلقيت على سريري
وانا افكر
توقعتهم سيئين
بس اظن انهم للطيفين شوي
بس ذكرت نفسي أنه محد يستاهل الثقة
غمضت عيوني بتعب ونمت

المكان هادي
ماينسمع فيه غير صوت المطر
الدم حولها بكل مكان
كانت تناظر كل شي بعيون باردة وباهته عيون ماتناسب طفلة بعمر التسع سنين وماتناسب الوضع
سمعت صرخت تلك المرأه وهي تستنجد فيها
بس ماتحركت من مكانها
نزلت عيونها للارض
وهي تشوف الدم وصل لها
ناظرت الارض بقرف
وطلعت من المكان

فتحت عيونها بفزع من الحلم
تكلمت بانزعاج وبتمتمه
وش الكابوس ذا كنت مرتاحه من الكوابيس
اللتفت على السرير اللي جنبها
وبفزع صارخت
لانها ماتعودت يكون فيه ذكر يشاركها غرفتها

صحى من نومه على صوت الصراخ
اللتفت عليها بانزعاج وهو يتكلم: ياصباح الله خير ليش تصارخ؟.

اللتفت عليه وهي تحاول ترقع لفعلتها الغبيه: هاه لا بس صارخت يعني عشان تصحى وقت المدرسه.

سحب هاتفه وهو يشوف الساعه اربعه الفجر
ناظرها بانزعاج وهو يقول:
الساعه ماصارت سته!.

حاولت ترد بس مالقت رد يناسب وطلعت من الغرفه

فتحت الثلاجه وهي تشوف اكياس شبس وببسي
مسكت كيس واخذت علبه ببسي وتوجهت للصاله
وهي تفتح الفلم قاطعها
صوته: انتظرني بجي اتابع معك.
ناظرته باستغراب بس ماتكلمت

بدا الفلم وكان المكان هادي مافيه غير صوت الفلم

بعد ساعتين
قامت من على الكنبه بتعب وهي تعبت من جلستها
اللتفتت عليه ولقته يناظرها
توترت ودخلت الحمام تغيير ملابسها وتلبس لبس المدرسة.

دخلت الفصل ودخل وراها جلست بمكانها المعتاد واللتفتت للنافذه اللي جنبها
وسرحت فيها ونامت.!

صحت بانزعاج من الصوت اللي يقومها
تكلمت بحده وهي مو منتبهه للشخص اللي يكلمها: ابغا انااام.
فجاءه صار المكان هدوء استغربت ورفعت راسها وهي تشوف المعلم يناظرها بنظرات منزعجة
عدلت جلستها بسرعة وهي تقول: انا اسف استاذ.
هز راسه بعد رضى ورجع يكمل شرح.