" أين المنزل؟ "
كل ما كُتب لا يمد للواقع بصله
_ متوقعتش أنك تكشفي خدعتنا بالسرعة دي!
نقلت نظرها له لـ تجده شخص غريب أول مرة تراه، إقترب منها لـ يبتسم
_ أعرفك بنفسي، دكتور " سامبن "..... المسؤول عن تجارب المتحولين، أنا اللي حلوتهم لـ بشر أقوياء…. أنا الشخص الشرير في القصة بالنسبة ليكم .
أنهى حديثه وهو يبتسم بإتساع يبدو كشخص مجنون حقًا، صرخت به قائلة
_ أنت إزاى وصلت ليا؟، إزاى خطفتني من القاعدة؟
تحدث بإستغراب قائلًا
_ هو الموضوع كان المفروض يبقى صعب!.
إبتسم بثقة لـ يُكمل حديثه
_ الموضوع كان بسيط جدًا، كفاية إن يكون عندي حُلفاء هناك حول جوزك والقائد " كنان ".
إقترب أكثر منها لـ يلامس الغرفة الحديدة وبقى صمتًا لـ ثوانٍ ثم نظر لها، عقدت حاجبيها بإستغراب وهى تنظر له بغضب
_ اى؟
رمش لـ يقول
_ أسئلتك خلصت؟…. كنت فاكر إنك عندك أسئلة كتير!
حركت رأسها لـ تقول بصوت يسمعه
_ أنت بجد مجنون، أنت عايز مني اى؟، هتعمل تجارب عليا زيهم؟
إبتعد عنها لـ ينفى عدة مرات
_ كانت خطتي القديمة إني أعمل كده، بس ظهر اللي خلاني أغير خطتي.
لم تتحدث وإنما قررت أن تتركه لـ يُخبرها هو بخطته فـ يبدو أنه لا يُمانع الحديث وكأنه يُخبرها أن خروجها من هنا مُحال فلا بأس بأن تعرف بعض الأسرار….. أو رُبما هى ليست أسرار!
_ رغم أن في تجارب كتير فشلت بس في غيرها نجح وكتير منهم هرب بسبب جوزك، التجارب كانت ناجحة و البشر بقوا هجناء زي ما كنت بحلم…. بس اللي فشلت فيه هو التكاثر…. خلتهم وحوش عقيمة!
إقترب منها خطوة لـ يكمل
_ حاولت كتير إني أعالج العقم ده بس مقدرتش…… لحد ما حصلت معجزة ولقيت حد قدر يتغلب على العقم و قريب أوي هـ يجوا أطفال هجناء طبيعيين ويكونوا جزء من تجاربي يمكن بيهم ألاقي الحل لـ العقم!
مال برأسه قائلًا
_ مش عايزة تعرفي مين هى أم الأطفال؟
نظر بعنيها لـ ثوانٍ وقال
_ إنتِ، جواكي تؤام…. طفلين هيساعدوني كتير …. أكيد مش هيكون عندك مانع أخدهم منك؟
شعرت بالذهول… هى حامل!، على الرغم من عقم المتحولين إستطاعت أن تحمل من " كنان"!، خرجت من شرودها لـ تنظر له بغضب شديد وصرخت قائلة
_ أطفالي مش فئران تجارب ليك….. نهايتك قربت صدقني " كنان " هيقضي عليك ويخلصنا من شرك للأبد.
ضحك لـ يتوقف وتبدلت ملامحه للبرود
_ إنتِ معندكيش الحق في الإعتراض، مش هتخرجي من هنا غير لم تولديهم وبعديها يكون دورك أنتهى.
