حكايتى مع من لا يرحم

البارت الاول

حكايتى  مع من لا يرحم
البارت 1
تستيقظ مبكرا  بسبب الضوء الصادر من النافذه  يجعلها تفتح عينها    حتى تظهر جمالهما  وعلى وجهه ابتسامه صافيه لكن تحمل فى قلبها بعض الحزن بسبب ما تمر به والدتها  تقوم وتذهب الى المرحاض  تاخذ شور وتخرج  ترتدى بيجامه جميله عليها ميكى وتعمل شعرها ضفرتين تكون مثل الطفل البرئيه بطبعها  تنزل الى تحت وتجد الكل نايما لان الساعه لازلت 6صباحا   تذهب الى المطبخ وتعمل شاى وتذهب الى التلفاز تشاهدو وهى تشرب الشاى تسمع كرتون برغم سنها فنها تبلغ من العمر 17   و بتتفرج بتركيز   ياتى لها صوت والدتها
ساميه:انتى كل يوم تصحى تتفرجى على التلفزيون بدل ما تقومى تعملى حاجه
ميرولا بابتسامه:يعنى هعمل اى يا ماما احنا فى اجازه وانتى منظفه البيت بليل ونظيف اقوم اتنطط يعنى
ساميه:لا ياختى متتنطتيش  هاتى زى الون عليها مسلسل حلو 
ميرولا:لا بسمع الكرتون
ساميه:هو انتى صغيره هاتى المسلسل امبارح مسمعتوش  هاتى اسمع الاعاده 
ميرولا:اوووف يا ماما هو كل يوم مسلسل
ساميه:ايوه هاتى خلينى اعرف كارن وبريتا عملو اى فى الحفله يلا بقا
ميرولا:اوووف حاضر وجابت المسلسل خدى يا ماما الريمود انا اروح ارسم  بدل الملل ده اوووف  وذهبت الى اوضتها وقعدت على السرير ترسم فا هى تحب ان ترسم فى وقت فراغها  
استوب (ميرولا فتاه جميله لى الغايه تملك عينان زرقا جميله وبشره بيضه وجسم ممشوق  وشعر مثل الحرير وطويل وبنى  هى بطبعها متقلبه المذاج فهى مع اهلها هادئه ومع اخواتها شقيه ومع اصحابها مرحه وتحسها فى تعاملها كانها طفله جميله تنشر البهجه والسعاده مكان ما تكون كل الناس تحبها بسبب طيبه قلبها)

(ساميه  والده ميرولا سيده طيبه لكنها تكره من لا يقدرها ويستهز بها  تعشق زوجها لكنه دايما ما يزعلها بسبب انه يمشى ورا كلام اخواته ومامتو فانهم يكروها ولا يحبنها بدون سبب)
صحيو بقيه من فى البيت  وتجمعو على السفره   نزلت وذهبت الى والدها وقبلته
ميرولا:صباح الخير بابى
شريف:صباح الخير يا روح بابى
عمها اشرف :هو مفيش غير بابى بس اللى قاعده
ميرولا:سورى انكل صباح الخير  بصت على جدها صباح الخير نانا
اشرف:اسمى عمى تمام  وده اسمها ستى
شريف:معلش يا اشرف انت عارف ميرولا مش بتحب الكلام الصعيدى كتير غير ان احنا مش بنتكلم معاها صعيدى وهى بتحب تتكلم بطريقه متحضره
اشرف:بس لازم متنساش اصلها  مش كفايا خلتها تدخل ثانوى وهتسيبها تروح الكليه وتقعد لوحدها
ميرولا مقدرتش تمسك اعصابها واتكلمت بنرفزه: اولا ده طريقتى انت مش هتجبرنى اتكلم بطريقه مش عايزها وبخصوص تعليمى فد حاجه ترجعلى وانا مش هسمح لى حد يدخل فى مستقلبى اتمنا تكون فاهم ده كويس
اشرف بزعيق:انتى بتعلى صوتك عليا يا بت  شوف بنتك يا شريف اللى عايزه تربيه
ميرولا:والهى انا متربيه كويس الدور والباقى بقا على اللى بيدخل فى حاجه متخصوش
شريف:ميرولا احترمى نفسك ده عمك
ميرولا:اللحمد الله عمى يعنى ملهش دعوه بى حياتى انت بابا وموافق هو ميدخلش فى حاجه متخصوش 
الجده سعيده:خلاص يا ميرولا  اشرف متتدخلش فى حياه ميرولا سيبها تتعلم يعنى هى هتاخد اى غير التعليم
ميرولا:ياريت تفهمى ابنك الكلام ده يا نانا  وسابتهم وطلعت اوضتها وهى مدايقه

تحت
ساميه:ياريت متدخلش فى حياه بنتى 
شريف:بس يا ساميه ده عمها وعايز مصلحتها
ساميه بانفعال:وده بنتى ومحدش هيعرف مصلحتها قدى
اشرف:خليكى.سايبه بنتك اكده لحد ما تعرف شباب  وتلقيها بتحبو وتكلمو من وراكى
ساميه:انا بنتى متربيه احسن تربيه
اشرف بتريقه:ليه ما انتى كنتى بتتكلمى مع شريف قبل كده ممكن بنتك تطلع زيك
ساميه بانفعال:انا مسمحلكش انا محترمه اكتر منك عندك اخوك واسالو الحب مش عيب وانا معملتش حاجه غلط واخوك دخل البيت من بابو
شريف بزعيق :بس بقا يا اشرف انا مسمحلكش تشكك فى اخلاق مراتى وبنتى انت كده بتهينى انا  ومش عيب انى احب مراتى ولا اى
اشرف:انا يا اخويا مقصدش
شريف:تقصد ولا متقصدش مش عايز اسمع الكلام ده وانا كلها سبوع واهروح على بيتنا الجديد وهنسبلكم البيت
سعيده:يابنى تروح فين اخوك ميقصدش
شريف:ده اخر كلام يا امى يلا يا ساميه خدها وطلع فوق

سعيده لى اشرف:غبى وهتفضل طول عمرك غبى احنا بنعملها مشاكل من تحت لى تحت مش فى الوش كده انت اللى ظهرت وبقيت غلطان وهى دلوقتى مبسوطه ان دافع عنها واهو اخوك هيسيب البيت
اشرف:احسن علشان نرتاح من  مراته ده
شرين زوجه اشرف:  يلا اهو تغور فى داهيه
ـــــــــــــــــــــــــــــــــــــــــــــــــــــــــــــــ
ميرولا لبست سلوبته جنس سوده وتحتيها تشرت ابيض
ميرولا:ماما انا راحه عند خالتو
ساميه:ماشى وابقى هاتى من خالتك الجمعيه متنسيش
ميرولا وهى ماشيه:حاضر مش هنسا  وسابتها وذهبت عند خالتها فهى تحبها بشده وتعتبهرها مثل والدتها وتحب ولاد خالتها  
ميرولا:خالتو يا خالتو
شاديه:تعالى يا ميرو انا فى المطبخ
ميرولا بمرح:اى يا خالتو هو انا كل ما اجى القيكى فى المطبخ انتى بتنامى فيه
شاديه بضحك:حظك بقا اعمل اى تعالى طيب جهزى معايا الفطار بدل الفاشلين اللى نايمين لحد دلوقتى
ميرولا:اوك هاتى انا اجهزلك السلطه 

مورا بنعاس:اى ده ميرو هنا
ميرولا:ااه ياختى صح النوم
شاديه:اخير صحيتى يا فاشله يا نفسى تبقى زى بنت خالتك
ضحكت ميرولا بصوت عالى:ههههههههههههه ااااه يا خالتى هموت انتى تقولى خليكى زى بنت خالتك وماما تقولى خليكى زى بنت خالتك طب متيجى نبدل انا اقعد معاكى ومورا تروح عند ماما
مورا بضحك:ااه تعالى نبدل علشان بس يحسو بى قيمتنا
شاديه:طب يلا ياختى منك ليها وطلعت بره ميرولا قربت من مورا:هى البنت تينا فين
مورا:بتكلم خطيبها
ميرولا:يا حلاتها هى خلصت ثانوى عقبالى يا رب لما اخلص ثانوى واروح الكليه ويطلع الدكتور مزه كده ويقع فة حبى الله الله
مورا:اى يا بت جو الرويات الحمضانه ده

شاديه بصوت عالى:انتو لسه واقفين
مورا وميرولا:لا لا جايين اهوو
ــــــــــــــــــــــــــــــــــــــــــــ

بقلم/ميرنا ميلاد